နယူးယောက်​—၂၀၁၇၊ မေ ၁၉ ရက်မှာ “လက်မလျှော့​နဲ့” ဆိုတဲ့ ယေဟောဝါသက်သေတွေရဲ့ သုံးရက်ကြာ ခရိုင်​အစည်းအဝေး အစီအစဉ် စတင်​ပါတော့မယ်။ နှစ်စဉ်​ကျင်းပ​နေ​ကျ ဒီ​အစီအစဉ်ကို ၂၀၁၈ နှစ်ဦး​ပိုင်း​အထိ ကမ္ဘာ​တစ်ဝန်း​က ရွေးချယ်​ထားတဲ့​နေရာတွေမှာ ကျင်းပ​ပါလိမ့်မယ်။ ပြီး​ခဲ့​တဲ့​နှစ်တွေမှာ​လို​ပဲ သက်သေခံတွေဟာ ဒီ​အစီအစဉ်ကို တက်ရောက်​ဖို့ လူတိုင်းကို ဖိတ်ခေါ်​နေပါတယ်။

ဝင်​ကြေး​ပေး​စ​ရာ မလို​သလို အလှူငွေ​လည်း မ​ကောက်​ပါဘူး။ နယူးယောက်၊ ဝေါဝစ် ကမ္ဘာ့​ဌာနချုပ်​မှာ​ရှိတဲ့ ယေဟောဝါသက်သေတွေရဲ့ ​ပြောရေးဆိုခွင့်​ရှိသူ ဒေးဗစ် အေ စ​မိုး​နီ​ယံ​က “ပြီး​ခဲ့​တဲ့​နှစ် ကမ္ဘာတစ်ဝန်းမှာ ကျင်းပတဲ့ အစည်းအဝေးကြီး​တွေကို ဆယ့်သုံး​သန်း​နီးပါး တက်ရောက်​ခဲ့တယ်။ ဒီ​နှစ်​တော့ တက်ရောက်သူ ပို​များ​မယ်​လို့ ကျွန်တော်တို့ ယူဆတယ်” လို့ ပြောတယ်။

ဒီ​အစီအစဉ်မှာ ၅၂ ပိုင်း ပါဝင်​ပြီး ဟောပြောချက်​တို​လေး​တွေ၊ လူတွေ့မေးမြန်းခန်းတွေ၊ ဗီဒီယို​တို​လေး​တွေ စတဲ့ ပုံစံ​အမျိုးမျိုးနဲ့ တင်ဆက်ပါ​လိမ့်မယ်။ လောတရဲ့​ဇနီးကို သတိရ​ကြ ဆိုတဲ့ ရုပ်ရှင်​ဇာတ်လမ်းကို အပိုင်း​သုံး​ပိုင်း​ခွဲ​ပြီး မွန်းလွဲပိုင်း​တိုင်းမှာ ပြသပါ​လိမ့်မယ်။ အစည်းအဝေးကြီး​ကျင်းပမယ့် နေရာ​နဲ့ ရက်စွဲ​ကို ယေဟောဝါသက်သေတွေရဲ့ တရားဝင်​ဝက်ဘ်ဆိုက် www.pr418.com/mya မှာ ရှာ​ကြည့်ပါ။ သိချင်​တာ​တွေ​ရှိရင် သင့်​ဒေသမှာ​ရှိတဲ့ ယေဟောဝါသက်သေတွေရဲ့ ဌာနခွဲရုံး​ကို ဆက်သွယ်​မေးမြန်း​နိုင်ပါတယ်။

“ဘဝမှာ​ကြုံတွေ့​ရတဲ့ ဒုက္ခသုက္ခ​တွေ​ကြောင့် ကျွန်တော်တို့ စိတ်​ဆင်းရဲ​ရတယ်။ တချို့​ဆိုရင် လက်လျှော့​အရှုံးပေး​ချင်စိတ် ပေါ်လာတဲ့​အထိပဲ။ ဒီ​နှစ် အစည်းအဝေးကြီး​က ခံနိုင်ရည်​ဆက်ရှိ​ဖို့၊ အခက်အခဲတွေကို အောင်မြင်​ကျော်လွှား​ဖို့ ယောက်​တိုင်း​ကို ကူညီ​ပေးမှာ​ဖြစ်လို့ သက်သေခံတွေ​ကော သက်သေခံ​မဟုတ်​သူတွေပါ အကျိုး​ခံစား​ရပါလိမ့်မယ်” လို့ စ​မိုး​နီ​ယံ​က ပြောတယ်။

Media Contact:

David A. Semonian, Office of Public Information, +1-845-524-3000