“သတင်းကောင်းဟောပါ” ဦးဆုံးအထူးအစည်းအဝေးကြီးကို ဘေမဟော့၊ ဂွါဒီလုမှာရှိတဲ့ ဗယ်လိုဒရုမ် အမေဒေ ဒီထရို အားကစားကွင်းမှာ ၂၀၂၄ ခုနှစ်၊ ဇွန် ၇ ရက်ကနေ ၉ ရက်အထိ ကျင်းပသွားပါမယ်။ ၂၀၂၀ မှာကျင်းပဖို့ စီစဉ်ခဲ့တဲ့ အထူးအစည်းအဝေးကြီးတွေကို ကိုဗစ်-၁၉ ကပ်ရောဂါကြောင့် ဖျက်သိမ်းလိုက်ရပြီးနောက်ပိုင်း ဦးဆုံးပြန်ကျင်းပတဲ့ အထူးအစည်းအဝေးကြီးပါ။ ၂၀၂၄ ခုနှစ်၊ ဇွန်လကနေ အောက်တိုဘာလအတွင်း အထူးအစည်းအဝေးကြီး ၁၅ ခု ကျင်းပသွားပါမယ်။ a

အထူးအစည်းအဝေးကြီးတွေကို တက်ရောက်ဖို့ နိုင်ငံအသီးသီးက ညီအစ်ကို/မတွေကို ဖိတ်ခေါ်ထားပါတယ်။ အစီအစဉ်အများစုကို ဘာသာစကား အတော်များများနဲ့ ကျင်းပသွားပါမယ်။ ဥပမာ၊ ဂွါဒီလု အထူးအစည်းအဝေးကြီး အစီအစဉ်မှာ အင်္ဂလိပ်၊ ပြင်သစ်၊ ဂွါဒီလု ကရီအောလ်၊ စပိန် ဘာသာစကားတွေနဲ့ တစ်ပြိုင်တည်း တင်ဆက်သွားပါမယ်။

နိုင်ငံတကာက ဧည့်သည်တွေ လာရောက်မှာဖြစ်လို့ အများကြီး ပြင်ဆင်ဖို့လိုတယ်။ ဥပမာ၊ ဂွါဒီလုမှာ ညီအစ်ကို/မ ၈,၅၄၆ ယောက်ရှိတယ်။ အဲဒီထဲက တစ်ဝက်ကျော်ဟာ ၁၁ နိုင်ငံကနေ ရောက်လာကြမယ့် ညီအစ်ကို/မ ၁,၅၀၀ အတွက် ပြင်ဆင်ပေးတဲ့နေရာမှာ ပါဝင်ကူညီပေးခဲ့ကြတယ်။ ခင်ပွန်းသည်နဲ့အတူ လုပ်အားပေးခဲ့တဲ့ ညီအစ်မတစ်ယောက် ဒီလိုပြောတယ်– “ကျွန်မအသက်တာမှာ ဒါက အကောင်းဆုံးနှစ်တစ်နှစ်ပဲ။ အမြဲ အမှတ်ရနေမှာပါ။ ညီအစ်ကို/မတွေနဲ့အတူ အချိန်အတော်ကြာ ပျော်ပျော်ရွှင်ရွှင် အလုပ်လုပ်ခဲ့ရတော့ ကမ္ဘာသစ်အသက်တာဟာ ဘယ်လိုမျိုးလဲဆိုတာ သဘောပေါက်လာတယ်။ ယေဟောဝါရဲ့ အဖွဲ့အစည်းဝင်ဖြစ်ရတာ သိပ်ဂုဏ်ယူတယ်။”

နောက်ထပ် ကျင်းပဖို့ ကျန်နေသေးတဲ့ “သတင်းကောင်းဟောပါ” အထူးအစည်းအဝေးကြီးတွေကလည်း ဘုရားလူမျိုးကို စည်းလုံးစေမယ်၊ ကောင်းကင်ဘုံစံဖခင် ယေဟောဝါကို ဂုဏ်တင်ချီးမွမ်းမှု ဖြစ်စေမယ်ဆိုတာကို ကမ္ဘာချီညီအစ်ကို အသင်းအပင်းလိုပဲ ကျွန်တော်တို့လည်း ယုံကြည်စိတ်ချပါတယ်။—ဖိလိပ္ပိ ၁:၂၇။