၂၀၂၄ ခုနှစ်၊ သြဂုတ်လဆန်းမှာ အတ္တလန္တိတ်သမုဒ္ဒရာမှာ လေဖိအားနည်းရပ်ဝန်းတစ်ခု စတင်ဖြစ်ပေါ်ပြီး ဟာရီကိန်း ဒယ်ဘီအဖြစ် အားကောင်းလာခဲ့တယ်။ ၂၀၂၄ ခုနှစ်၊ သြဂုတ် ၅ ရက်မှာ အမေရိကန်၊ ဖလော်ရီဒါပြည်နယ်၊ စတိုင်ဟာချီမြို့ကို တစ်နာရီ မိုင် ၈၀ နှုန်းနဲ့ ဝင်ရောက်တိုက်ခတ်တယ်။ ဟာရီကိန်း ဖြတ်သန်းသွားတဲ့ လမ်းတစ်လျှောက်မှာ လေဆင်နှာမောင်း ၁၂ ခုလောက် ဖြစ်ပေါ်ခဲ့တယ်။ လေပြင်းတိုက်ခတ်ပြီး မိုးသည်းထန်စွာ ရွာသွန်းခဲ့လို့ သိန်းနဲ့ချီတဲ့သူတွေ လျှပ်စစ်မီး ပြတ်တောက်ကုန်တယ်။ အမေရိကန်မှာ လူ ၈ ယောက်ထက်မနည်း သေဆုံးသွားတယ်။

ဖလော်ရီဒါပြည်နယ်ကို ဖြတ်သွားပြီးနောက် မုန်တိုင်း အားပျော့သွားပြီး မြောက်ဘက်၊ ကနေဒါနိုင်ငံဆီ တဖြည်းဖြည်း ဦးတည်သွားတယ်။ ၂၀၂၄ ခုနှစ်၊ သြဂုတ် ၉ ရက်၊ သောကြာနေ့၊ ကနေဒါ ကွီဘက်ပြည်နယ်မှာ ၂၄ နာရီအတွင်း မိုးရေချိန် ၈ လက်မလောက် ရွာသွန်းခဲ့တယ်။ မိုးသည်းထန်၊ ရေကြီးရေလျှံလို့ အိမ်တွေ ရေမြှုပ်ပြီး လမ်းတွေ၊ အဆောက်အအုံတွေ ထိခိုက်ပျက်စီးသွားတယ်။ ရာနဲ့ချီတဲ့သူတွေလည်း နေအိမ်စွန့်ခွာပြီး ဘေးကင်းရာဆီ ရွှေ့ပြောင်းခဲ့ရတယ်။ ကနေဒါမှာ သေဆုံးသူ ၁ ယောက်ရှိတယ်လို့ သတင်းထုတ်ပြန်တယ်။

အမေရိကန်

• ညီအစ်ကို/မတစ်ယောက်မှ သေဆုံးခြင်း မရှိ

• ကြေညာသူ ၁ ယောက် ဆေးရုံတင်ရ

• ကြေညာသူ ၂၃ ယောက် ဘေးလွတ်ရာ ရွှေ့ပြောင်း

• အိမ် ၇ လုံး အကြီးအကျယ် ပျက်စီး

• အိမ်အလုံး ၆၀ အနည်းငယ် ပျက်စီး

• အစည်းအဝေးခန်းမ ၁ လုံး အနည်းငယ် ပျက်စီး

ကနေဒါ

• ညီအစ်ကို/မတစ်ယောက်မှ သေဆုံးခြင်း မရှိ။ ဝမ်းနည်းစရာက ကျမ်းစာသင်သားတစ်ယောက် မြေပြိုမှုကြောင့် အသက်ဆုံးရှုံးသွား

• ကြေညာသူ ၁ ယောက် ထိခိုက်ဒဏ်ရာရ

• ကြေညာသူ ၂၃ ယောက် ဘေးလွတ်ရာ ရွှေ့ပြောင်းခဲ့ရ၊ အများစု နေအိမ်ဆီ ပြန်ရောက်နေပါပြီ

• အိမ် ၂ လုံး အကြီးအကျယ် ပျက်စီး

• အိမ် ၁၆၅ လုံး အနည်းငယ် ပျက်စီး

• အစည်းအဝေးခန်းမ တစ်လုံးမှ ထိခိုက်ပျက်စီးခြင်း မရှိ

• အမေရိကန်နဲ့ ကနေဒါနိုင်ငံက တိုက်နယ်ကြီးကြပ်မှူးတွေ၊ ဒေသခံ အကြီးအကဲတွေက ဘေးသင့်သူတွေကို ကျမ်းစာနဲ့ အားပေးပြီး လိုအပ်တဲ့ အကူအညီတွေ ပေးနေကြ

• ကနေဒါနိုင်ငံမှာ သဘာဝဘေး ကယ်ဆယ်ရေး ကော်မတီတစ်ခု ဖွဲ့စည်းပြီး ကယ်ဆယ်ရေးလုပ်ငန်းတွေ လုပ်ဆောင်နေ

“ဒုက္ခရောက်ချိန်မှာ ကယ်တင်ခြင်းကျေးဇူး ပေးသနား” ဖို့ ယေဟောဝါ ဘယ်တော့မှ ပျက်ကွက်မှာမဟုတ်ဘူးဆိုတာ ကျွန်တော်တို့ သိထားတဲ့အတွက် ဘေးသင့်သူတွေအတွက် ဆက်ဆုတောင်းပေးနေပါတယ်။—ဟေရှာယ ၃၃:၂။