မတ် ၆၊ ၂၀၁၈
ကမ္ဘာတစ်ဝန်းက သတင်းများ
ခရစ်တော်ရဲ့သေခြင်း အောက်မေ့ရာပွဲကို ဖိတ်ခေါ်တဲ့ ကင်ပိန်းမှာ ယေဟောဝါသက်သေတွေ တစ်တပ်တစ်အား ပါဝင်ကြ
၂၀၁၈၊ မတ်လ ၃ ရက်နေ့ကစပြီး ယေဟောဝါသက်သေတွေဟာ ခရစ်တော်ရဲ့သေခြင်း အောက်မေ့ရာပွဲလို့လည်းခေါ်တဲ့ သခင့်ညစာစားပွဲ ဖိတ်စာကို ကမ္ဘာတစ်ခုလုံးမှာ ဝေငှနေကြပါပြီ။ နိုင်ငံနဲ့ နယ်မြေပေါင်း ၂၄၀ မှာရှိတဲ့ ယေဟောဝါသက်သေတွေဟာ နှစ်တစ်နှစ်ရဲ့ အရေးအကြီးဆုံး အခါသမယအဖြစ် သတ်မှတ်ထားတဲ့ အောက်မေ့ရာပွဲကို ကျင်းပဖို့ မတ် ၃၁ ရက်နေ့မှာ အတူစုဝေးကြပါမယ်။ မတ်လ ၁၉ ရက် အပတ်အတွင်း တင်ဆက်မယ့် “ယေရှုခရစ်ဟာ ဘယ်သူလဲ” ခေါင်းစဉ်ရှိတဲ့ အထူးဟောပြောချက်ကို တက်ရောက်ဖို့လည်း ဖိတ်စာမှာ ဖိတ်ခေါ်ထားပါတယ်။
ယေဟောဝါသက်သေများရဲ့ ပြောရေးဆိုခွင့်ရှိသူ ဒေးဗစ် အေ. ဆီမိုနီယန် ဒီလိုပြောတယ်– “၂၀၁၇ ခုနှစ်တုန်းက အောက်မေ့ရာပွဲကို သန်း ၂၀ ကျော် တက်ရောက်ခဲ့ကြတယ်။ တက်ရောက်သူ ၁၂ သန်းခန့်က ယေဟောဝါသက်သေ မဟုတ်ကြဘူး။ ဒါကြောင့် အောက်မေ့ရာပွဲဟာ ယေဟောဝါသက်သေတွေအတွက်ပဲ မဟုတ်ဘူး၊ ကမ္ဘာတစ်ဝန်းက သန်းနဲ့ချီတဲ့ ဧည့်သည်တွေအတွက်လည်း အရေးကြီးတဲ့ နှစ်ပတ်လည်ပွဲ ဖြစ်တယ်။ ကျွန်တော်တို့ရဲ့ ပန်းတိုင်က အိမ်နီးချင်းအားလုံးကို အောက်မေ့ရာပွဲ ဖိတ်စာပေးဖို့ပါပဲ။ သူတို့ အဆင်ပြေမယ့်နေရာမှာ တက်ရောက်နိုင်ပါတယ်။”
Media Contact:
International: David A. Semonian, Office of Public Information, +1-845-524-3000