ယေဟောဝါသက်သေများရဲ့ စာပေ ၁၃ မျိုးကို အစွန်းရောက်အဖြစ် ကြေညာဖို့ အစိုးရ ရှေ့နေချုပ် တောင်းဆိုတာကို ၂၀၂၁၊ ဒီဇင်ဘာ ၂ မှာ ကာဂျစ္စတန်၊ ဘီရှကက်မြို့၊ ပါဗိုမိုင်စကီ ခရိုင်တရားရုံးက ပယ်ချလိုက်တယ်။ အစိုးရ ရှေ့နေချုပ်က ညီအစ်ကိုတွေကို နည်းနည်းလေးတောင် အသိမပေးဘဲ အပူတပြင်း အမှုလုပ်ခဲ့တာ ဖြစ်တယ်။ ဒါပေမဲ့ ကင်းမျှော်စင် သမ္မာကျမ်းစာနဲ့ ဝေစာအသင်း၊ ကာဂျစ် သမ္မတနိုင်ငံ ယေဟောဝါသက်သေများ ဘာသာရေးရုံးရဲ့ ကန့်ကွက်စာတွေကို တရားခံ ရှေ့နေတွေ တင်ပြနိုင်ခဲ့ကြတယ်။ အမှုဟာ တရားရုံး လုပ်ထုံးနဲ့ မကိုက်ညီတဲ့အတွက် ပယ်ချဖို့ ဆုံးဖြတ်ရာမှာ အဲဒီကန့်ကွက်စာတွေကို တရားသူကြီး မှီငြမ်းခဲ့တယ်။ ဒီနေ့ စီရင်ချက်ကို အယူခံဝင်ဖို့ အစိုးရ ရှေ့နေ ၁၀ ရက် အချိန်ရတယ်။

ကာဂျစ္စတန်နိုင်ငံ၊ ဘီရှကက်မြို့၊ ပါဗိုမိုင်စကီ ခရိုင်တရားရုံးက အဖွဲ့အစည်းထုတ် စာပေ ၁၃ မျိုးကို အစွန်းရောက်အဖြစ် ကြေညာချက် ထုတ်သင့်မသင့် ၂၀၂၁၊ ဒီဇင်ဘာ ၂၊ ကြာသပတေးနေ့မှာ စီရင်ချက် ချပါမယ်။ ရုရှားကို နမူနာယူပြီး စာပေ ပိတ်ပင်တာထက်မက လုပ်ဆောင်ဖို့ စီစဉ်နေကြောင်း အမှု မှတ်တမ်းအရ သိရတယ်။ ဥပမာ၊ အစိုးရ ရှေ့နေချုပ်ဆီ ကာဂျစ္စတန် အမျိုးသား လုံခြုံရေး ကော်မတီ ပေးပို့တဲ့ စာမှာ “ဒီဘာသာရေး အဖွဲ့အစည်းရဲ့ စာပေတွေကို စတင် ပိတ်ပင်ရန်၊ ကာဂျစ် သမ္မတနိုင်ငံအတွင်း အဖွဲ့အစည်း လုပ်ဆောင်မှုကို ပိတ်ပင်ဖို့ ဖြစ်နိုင်မနိုင် သုံးသပ်ရန်” ဆိုပြီး ညွှန်ကြားထားတယ်။