၂၀၁၇၊ ဇူလိုင် ၅ ရက်​တုန်း​က ဂျပန်​နိုင်ငံ​တောင်ပိုင်း​ကို တိုင်​ဖွန်း​မုန်တိုင်း န​န်​မာ​ဒို တိုက်ခတ်​ခဲ့တယ်။ အဲဒီ​မုန်တိုင်း​ကြောင့် နိုင်ငံရဲ့ တတိယ​အကြီးဆုံး ကျူရှူ​ကျွန်းမှာ မကြုံစဖူး မိုး​သည်းထန်​စွာ ရွာ​ခဲ့​တဲ့​အတွက် ရေ​ကြီး၊ မြေ​ပြို​မှု​တွေ ဖြစ်ပေါ်​ခဲ့တယ်။ ဒါကြောင့် အစိုးရ​အရာရှိတွေ​က လူပေါင်း ၄၃၀,၀၀၀ ကျော်​ကို အဲဒီ​ဒေသက​နေ ထွက်ခွာ​ဖို့ အမိန့်ထုတ်​ခဲ့တယ်။ ၁၂ နာရီ​အတွင်း မိုး​ရေ​ချိန် လက်မ ၂၀ နီးပါး ရွာ​ချ​ခဲ့​ပါတယ်။ ရေ​ကြီး​မှု​ကြောင့် သေဆုံး​သူ ၃၄ ဦး ရှိကြောင်း သတင်း​အရ သိရ​ပါတယ်။ အထိအခိုက် အများဆုံး​ကတော့ ကျူရှူ​ကျွန်းရဲ့ မြောက်​ဖက် ဖူ​ကို​အို​ကာ ဒေသမှာ ဖြစ်ပါတယ်။

သေဆုံး​သူ၊ အပြင်းအထန် ဒဏ်ရာ​ရသူတွေ​ထဲမှာ ယေဟောဝါသက်သေတွေ မပါပေမဲ့ သူတို့ရဲ့​အိမ် အတော်များများ​တော့ ရေ​ကြီး​မှု​ကြောင့် ပျက်စီးခဲ့​တယ်။ ယုံကြည်သူချင်းတွေရဲ့ လိုအပ်ရာတွေကို ဒေသခံ ယေဟောဝါ​သက်သေ အသင်းတော်တွေက ကူညီ​ထောက်ပံ့ ပေးနေ​ကြပါတယ်။

Media Contacts:

International: David A. Semonian, Office of Public Information, +1-845-524-3000

Japan: Ichiki Matsunaga, +81-46-233-0005