၂၀၂၀၊ ဇွန် ၂၁၊ တနင်္ဂနွေနေ့က ဗီဒီယိုချိတ်ဆက်မှုကတစ်ဆင့် ကျင်းပတဲ့ အထူးအစည်းအဝေးမှာ ကမ္ဘာသစ်ဘာသာပြန် တည်းဖြတ်ကျမ်းကို ဂျော်ဂျီယာဘာသာစကားနဲ့ ထုတ်ဝေလိုက်ပါတယ်။ အုပ်ချုပ်ရေးအဖွဲ့ဝင် ညီအစ်ကို ဂျက်ဖရီ ဂျက်ဆင်က ကြိုအသံသွင်းထားတဲ့ ဟောပြောချက်ကတစ်ဆင့် ကျမ်းစာ ထုတ်ဝေလိုက်တာပါ။ အစီအစဉ်ကို ကြည့်ရှုသူပေါင်း ၁၉,၅၂၁ ယောက် ရှိခဲ့တယ်။ အီလက်ထရောနစ်ပုံစံနဲ့ ရနိုင်တဲ့ ဒီတည်းဖြတ်ကျမ်းကို jw.org ကနေ ဒေါင်းလုတ်ဆွဲလို့ ရပါပြီ။

ဂျော်ဂျီယာဘာသာစကားနဲ့ တည်းဖြတ်ကျမ်းစာကို လေးနှစ်ကြာ ဘာသာပြန်ခဲ့ကြတယ်။ “ရိုးရိုးလေး ဘာသာပြန်ထားတဲ့အတွက် အသက်အရွယ်မရွေး နားလည်နိုင်တယ်။ ဒီကျမ်းစာကို မိသားစုလိုက် လေ့လာရတာ ပျော်ကြမယ်လို့ မျှော်လင့်ပါတယ်” ဆိုပြီး ဘာသာပြန်တစ်ယောက် ပြောတယ်။

နောက်ဘာသာပြန်တစ်ယောက်ကလည်း “ကျွန်တော်တို့ရဲ့ ပန်းတိုင်က ပညာရေးနောက်ခံ ဘယ်လိုပဲ ရှိပါစေ ကျမ်းစာ ဖတ်ရှုသူတိုင်း နားလည်နိုင်ဖို့ပါ” လို့ပြောတယ်။

ယေဟောဝါရဲ့ မေတ္တာလက်ဆောင်တစ်ခုဖြစ်တဲ့ တိကျရှင်းလင်းတဲ့ ဒီဘာသာပြန်ကျမ်းစာကို ဖတ်ရှုသူတိုင်း ယေဟောဝါကို ကျေးဇူးတင်ကြမယ်ဆိုတာ သေချာပါတယ်။—ယာကုပ် ၁:၁၇။