နေ့စွဲ– စက်တင်ဘာ ၁၃-၁၅၊ ၂၀၁၉

နေရာ– တောင်ကိုရီးယားနိုင်ငံ၊ ဆိုးလ်မြို့မှာရှိတဲ့ ကင်တက်ဇ် (ကိုရီးယား အပြည်ပြည်ဆိုင်ရာ ပြပွဲခန်းမ)

ဘာသာစကား– တရုတ် မန်ဒရင်း၊ အင်္ဂလိပ်၊ အင်ဒိုနီးရှား၊ ကိုရီးယား၊ ရုရှား၊ ဗီယက်နမ်

အများဆုံးတက်ရောက်သူ– ၆၀,၀၈၂

နှစ်ခြင်းခံသူ အရေအတွက်– ၄၇၈

အပြည်ပြည်ဆိုင်ရာ ကိုယ်စားလှယ် အရေအတွက်– ၆,၀၇၆

ဖိတ်ခေါ်ခံရတဲ့ ဌာနခွဲများ– ဘရာဇီး၊ ချက်-ဆလိုဗက်၊ ဖင်လန်၊ ပြင်သစ်၊ ဂရိ၊ အင်ဒိုနီးရှား၊ ကာဇက်စတန်၊ မလေးရှား၊ စကင်ဒီနေးဗီးယား၊ အမေရိကန်၊ ဗီယက်နမ်

ဒေသခံတွေ့ကြုံမှု– ကိုယ်စားလှယ်တွေအတွက် အစားအသောက် ရောင်းချပေးတဲ့ ကုမ္ပဏီရဲ့ စီအီးအိုဖြစ်သူ ချေဂျီအွန် ဒီလို ပြောတယ်– “ယေဟောဝါသက်သေတွေ သိပ်ကြင်နာတတ်တယ်ဆိုတာ ဒီပရောဂျက်ကနေ တွေ့လိုက်ရတယ်လို့ ဝန်ထမ်းတစ်ယောက်က ပြောတယ်။ ကိုရီးယားက ယေဟောဝါသက်သေတွေနဲ့ နိုင်ငံခြားသား ယေဟောဝါသက်သေတွေဟာ ပထမဆုံးအကြိမ် တွေ့ဖူးတာ ဖြစ်ပေမဲ့ အချင်းချင်း မေတ္တာပြကြတာကို ကျွန်တော် တကယ် အထင်ကြီးလေးစားတယ်။ မိတ်ဆွေရင်းချာတွေ ပြန်ဆုံတွေ့ကြသလိုပဲ။ တခြား ဘာသာရေးအခမ်းအနားတွေမှာ ကျွန်တော် ပါဝင်ဖူးပေမဲ့ ယေဟောဝါသက်သေတွေ ကျင်းပတဲ့ ဒီပွဲကတော့ ထူးခြားတဲ့ အတွေ့အကြုံတစ်ခုပါပဲ။”

အော်တန် ခရီးသွားအေဂျင်စီရဲ့ ဘုတ်အဖွဲ့ဝင်ဖြစ်သူ အန်ဆန်ဂျူး ဒီလို ပြောတယ်– “ယေဟောဝါသက်သေတွေရဲ့ ကြင်နာမှုတွေ၊ အမြဲပြုံးနေတာတွေကို တွေ့ရပြီးနောက်မှာ ကျွန်တော်တို့ရဲ့ ဘတ်စကားမောင်းသူတွေလည်း အဲဒီလို ဖြစ်သင့်တယ်လို့ ခံစားမိတယ်။ အစပိုင်းတုန်းကတော့ ယေဟောဝါသက်သေတွေရဲ့ လျှို့ဝှက်ချက်က ဘာများလဲလို့ စဉ်းစားမိတယ်။ သူတို့နဲ့ အတူ အလုပ်လုပ်တဲ့အခါကျမှ လျှို့ဝှက်ချက်ကို သိသွားတယ်။ သူတို့က အချင်းချင်း တကယ်ချစ်ကြပြီး လေးစားကြတယ်။ ကိုယ်သွန်သင်ပေးတဲ့အတိုင်း လက်တွေ့လိုက်နာကြတယ်။ ယေဟောဝါသက်သေတွေဟာ အခကြေးငွေ မယူဘဲ လုပ်ဆောင်ကြတယ်ဆိုတာ သိလိုက်ရလို့ တကယ်အံ့ဩတယ်။ တစ်ယောက်ပြောတာကို တစ်ယောက်က အာရုံစိုက်နားထောင်ပေးတာ၊ အမြဲပဲ အပြုံးနဲ့ တုံ့ပြန်တာကို တွေ့ပြီးတဲ့အခါ ကျွန်တော်လည်း ပြောင်းလဲသင့်တယ်လို့ စဉ်းစားမိတယ်။ အခွင့်အရေး ရဦးမယ်ဆိုရင် နောင်များမှာလည်း ယေဟောဝါသက်သေတွေနဲ့ တွဲအလုပ်လုပ်ချင်ပါသေးတယ်။”

အမ်ဘီစီ မွန်ဝှာ အသံလွှင့်ဌာနပိုင် နန်းတွင်းရတနာ/ဂေချန်ဂင်ဇာတ်လမ်း ရိုက်ကူးတဲ့ ဥယျာဉ်ကို အုပ်ချုပ်သူ ဒါရိုက်တာ ကင်ဂျိုရှစ် ဒီလို မှတ်ချက်ချခဲ့တယ်– “ယေဟောဝါသက်သေတွေ ပြင်ဆင်တဲ့ အစီအစဉ်ကတော့ တကယ် ကောင်းတယ်။ ကျွန်တော်က ကက်သလစ်ဘာသာဝင် ဖြစ်ပေမဲ့ ခရစ်ယာန်စစ်တွေ ပြုမူကျင့်ကြံသင့်ပုံကို ဒီအစီအစဉ်ကနေ တွေ့လိုက်ရတယ်။ ယေဟောဝါသက်သေတွေ စနစ်တကျ ပူးပေါင်းလုပ်ဆောင်ကြတာကို ကျွန်တော်နဲ့ ဝန်ထမ်းတွေ အားလုံး မြင်တွေ့ခဲ့ရတယ်။ တခြားသူတွေကို ကြင်နာမှု ပြကြတယ်။ ကျွန်တော်တို့ရဲ့ အဆောက်အဦက ပစ္စည်းသေးသေးလေးတွေကိုတောင် ခွင့်တောင်းပြီးမှ သုံးကြတယ်။ ကျွန်တော် ယေဟောဝါသက်သေတစ်ယောက် ဖြစ်သွားသလိုပဲ သူတို့အတွက် သိပ်ဂုဏ်ယူမိတယ်။”