တောင်အာဖရိကနိုင်ငံ၊ နားမကြား ထောက်ပံ့ရေးအဖွဲ့က နားမကြားတွေကို ကူညီပေးမှုအတွက် ယေဟောဝါသက်သေတွေကို ကျေးဇူးတင်ကြတယ်။ တောင်အာဖရိက လက်သင်္ကေတပြ ဘာသာစကား (SASL) နဲ့ အရည်အသွေး မြင့်မားတဲ့ ဗီဒီယိုတွေ ထုတ်ဝေပေးပြီး နားမကြားတွေရဲ့ ဘဝကို မြှင့်တင်ပေးကြလို့ပါ။ ၂၀၂၁၊ နိုဝင်ဘာ ၁၅ ရက်မှာ ကမ္ဘာသစ်ဘာသာပြန်ကျမ်းရဲ့ ခရစ်ယာန်ဂရိ ကျမ်းစောင်များ ဖြစ်တဲ့ ဂလာတိနဲ့ ဧဖက်ကျမ်းတို့ကို လက်သင်္ကေတပြ ဘာသာစကားနဲ့ ထုတ်ဝေခဲ့တယ်။ အခုဆို (SASL) နဲ့ ထုတ်ဝေတဲ့ ကျမ်းစာစောင် ၁၀ စောင် ရှိနေပါပြီ။ ၂၀၂၂၊ ဧပြီလမှာ နောက်ထပ် ကျမ်းစာစောင် လေးစောင် ထုတ်ဝေဖို့ ရှိတယ်။ ဒီကျမ်းစောင်တွေကို jw.org၊ JW Library Sign Language app မှာ ဖတ်ရှုနိုင်ပါတယ်။

အနောက်ပိုင်း ကိပ်အစိုးရရဲ့ ပညာရေး ပါရဂူ ခေါင်းဆောင် မင်နာစတီရင်က ယေဟောဝါသက်သေတွေနဲ့ပတ်သက်ပြီး “လက်သင်္ကေတပြတဲ့သူတွေကို ကြည့်ရတာ တကယ် အားရတယ်။ လက်သင်္ကေတပြတဲ့သူတွေ၊ သူတို့အဖွဲ့အစည်းရဲ့ လက်သင်္ကေတပြ စံချိန်စံနှုန်း၊ အရည်အသွေးက တကယ် မြင့်မားလို့ ချီးမွမ်းစရာပဲ” ဆိုပြီး ပြောတယ်။

အက်စဝါတီနီရှိ မသန်မစွမ်းများ အဖွဲ့အစည်းရဲ့ ဥက္ကဌ ဘွန်ဂါနီ မာကာမာလည်း ဒီလိုဆိုတယ်- “နားမကြားသူ၊ အကြားအာရုံ ချို့ယွင်းသူတွေကို ထည့်စဉ်းစားပေးတဲ့ ယေဟောဝါသက်သေတွေကို ချီးမွမ်းပါတယ်။ နားမကြားတွေဟာ သူတို့ဘာသာစကားနဲ့ ကျမ်းစာ ဖတ်နိုင်ဖို့ လိုတယ်။ နားမကြားတွေ နားလည်တဲ့ ဘာသာစကားနဲ့ ဒီကျမ်းစောင်တွေကို ထုတ်ဝေပေးတဲ့ ယေဟောဝါသက်သေတွေကို ချီးကျူးပါတယ်။ ကျမ်းစောင် ၆၆ စောင်စလုံး လက်သင်္ကေတပြ ဘာသာစကားနဲ့ ရမယ့်နေ့ကို စောင့်မျှော်နေပါတယ်။”

တောင်အာဖရိကနိုင်ငံမှာ လက်သင်္ကေတပြ ဘာသာစကား သုံးသူ ၄၅၀,၀၀၀ ခန့် ရှိတယ်။ နားမကြားတဲ့၊ အကြားအာရုံ ချို့ယွင်းတဲ့ ကြေညာသူ ၂၈၃ ဦး ရှိတယ်။ ယေဟောဝါသက်သေတွေရဲ့ ကြိုးစားအားထုတ်မှုကြောင့် တောင်အာဖရိက ဌာနခွဲ လက်အောက်ရှိ နယ်မြေဒေသက နားမကြားသူတွေ အပါအဝင် “လူအမျိုးမျိုး” ဟာ အမှန်တရားအကြောင်း တိကျမှန်ကန်စွာ သိရှိလာကြပါပြီ။—၁ တိမောသေ ၂:၄။