မြောက်ပိုင်း မာရီယာနာကျွန်းတွေမှာ အောက်တိုဘာ ၂၄ ရက်နေ့တုန်းက ယူတူမုန်တိုင်း တိုက်ခတ်မှုကြောင့် အောက်တိုဘာ ၃၀၊ အင်္ဂါနေ့မှာ ဖိလစ်ပိုင်နိုင်ငံရဲ့ အကြီးဆုံးကျွန်းဖြစ်တဲ့ လူဇုန်ကျွန်းမှာ မြေပြိုမှုတွေ ဖြစ်ပွားခဲ့တယ်။ မုန်တိုင်းကြောင့် မိုးသည်းထန်စွာ ရွာသွန်းပြီး ရေကြီး၊ မြေပြိုမှုတွေ ဖြစ်ခဲ့တယ်။ ထောင်နဲ့ချီတဲ့သူတွေ နေရပ်စွန့်ခွာ ပြောင်းရွှေ့ကြရပြီး ၁၁ ဦး သေဆုံးပါတယ်။

မုန်တိုင်းကြောင့် ညီအစ်ကို/မတစ်ယောက်မှ ထိခိုက်ဒဏ်ရာရတာ၊ သေဆုံးတာ မရှိကြောင်း ဖိလစ်ပိုင် ဌာနခွဲရုံးကနေ သတင်းရပါတယ်။ ဒါပေမဲ့ ညီအစ်ကို/မတွေရဲ့ အိမ် ၇၃ လုံး၊ ဝတ်ပြုရာခန်းမ ၆ လုံး ထိခိုက်ပျက်စီးသွားတယ်။ ဖိလစ်ပိုင်ဌာနခွဲရုံးက ကယ်ဆယ်ရေးလုပ်ငန်းကို ကြီးကြပ်ဆောင်ရွက်နေပါတယ်။

ဒီနှစ်အတွင်း မုန်တိုင်းဒဏ် ၁၈ ကြိမ် သင့်ခဲ့ရတဲ့ ဖိလစ်ပိုင်နိုင်ငံက ညီအစ်ကို/မတွေအတွက် ကျွန်တော်တို့ ဆက်ဆုတောင်းပေးနေကြပါတယ်။ သူတို့ကို ယေဟောဝါဘုရား ဖေးမကူညီပေးမယ်လို့ ကျွန်တော်တို့ ယုံကြည်စိတ်ချကြပါတယ်။—ဆာလံ ၅၅:၂၂။