၂၀၂၂၊ ဖေဖော်ဝါရီ ၁၅ ရက်မှာ မိုးသက်မုန်တိုင်းကြောင့် ဘရာဇီး၊ ရီယိုဒီဂျနေရို ဒေသ၊ ပက်ထရိုပိုလစ် တောင်ပေါ်မြို့မှာ မြေပြိုတဲ့အတွက် အိမ်တွေ၊ စီးပွားတွေ အများကြီး ပျက်စီးသွားတယ်။ ၂၄ နာရီအတွင်း မိုးရေချိန် ၁၀.၂ လက်မ (၂၆ စင်တီမီတာ) ရွာသွန်းခဲ့တယ်။

• ညီအစ်ကိုတစ်ဦး ပြင်းပြင်းထန်ထန် ထိခိုက်ဒဏ်ရာ ရလို့ ဒေသန္တရဆေးရုံမှာ တင်ထားတယ်။ သူရဲ့ နှစ်နှစ်သားက ရွှံ့ရေစီးကြောင်းထဲ ပါသွားလို့ အသက်ဆုံးရှုံးသွားရှာတယ်

• တခြားညီအစ်ကိုတစ်ယောက်လည်း အသက်ဆုံးရှုံးသွားတယ်

• ကြေညာသူ ၈၆ ဦး ဘေးကင်းရာဆီ ရွှေ့ပြောင်းရတယ်

• အိမ် ၂ လုံး ပျက်စီးသွားတယ်

• အိမ် ၁၅ လုံး အတော်လေး ပျက်စီးတယ်

• ဝတ်ပြုရာခန်းမ ၂ လုံး အနည်းငယ် ပျက်စီးတယ်

• သဘာဝဘေး ကယ်ဆယ်ရေး ကော်မတီ (DRC) ကို ဖွဲ့စည်းပြီး ကယ်ဆယ်ရေး လုပ်ငန်း လုပ်ဆောင်ပေးနေပါတယ်

• တိုက်နယ်ကြီးကြပ်မှူးနဲ့ အသင်းတော် အကြီးအကဲတွေက ရေ၊ အစားအစာနဲ့ အဝတ်အထည်အပြင် ဘုရားရေးရာဘက်မှာလည်း လိုအပ်သလို ထောက်ပံ့အားပေးနေပါတယ်

• ဘေးကင်းရာကို ရွှေ့ပြောင်းရတဲ့ ကြေညာသူတွေဟာ ဆွေမျိုးတွေ၊ ကြေညာသူတွေအိမ်မှာ ယာယီ တည်းခိုနေကြပါတယ်

• ကယ်ဆယ်ရေး လုပ်ငန်းအားလုံးကို ကိုဗစ် ၁၉ ဘေးကင်းရေး လမ်းညွှန်ချက်နဲ့အညီ လုပ်ဆောင်ကြတယ်

ဒီဘေးဆိုးကြောင့် ဒုက္ခရောက်နေတဲ့ ညီအစ်ကို/မတွေအတွက် ဆုတောင်းရင်း ယေဟောဝါဟာ အထူးသဖြင့် ချစ်ရသူတွေ ဆုံးရှုံးတဲ့ ‘သူတို့ကို နှစ်သိမ့်ပေးပြီး ခိုင်ခံ့မြဲမြံအောင် လုပ်ပေး’ မယ်ဆိုတာ သိထားကြတယ်။—၂ သက်သာလောနိတ် ၂:၁၆၊ ၁၇။