၂၀၂၄ ခုနှစ်၊ မေ ၂၆ ရက်မှာ အနောက်အာဖရိက ဌာနခွဲကော်မတီဝင် ညီအစ်ကို အာဗဒေလ ဗိုရူက ဖွန်ဘာသာစကားနဲ့ ကမ္ဘာသစ်ဘာသာပြန် ခရစ်ယာန် ဂရိကျမ်းစာကို ထုတ်ဝေခဲ့တယ်။ ဘီနင်နိုင်ငံ၊ အဘိုမီမြို့ အစည်းအဝေးကြီးခန်းမမှာကျင်းပတဲ့ အထူးအစီအစဉ်မှာ ထုတ်ဝေခဲ့တာပါ။ ညီအစ်ကို/မ ၉၂၀ က လူကိုယ်တိုင် တက်ရောက်တယ်။ ၆,၁၈၈ ယောက်ကတော့ ဗီဒီယိုချိတ်ဆက်ပြီး ကြည့်ရှုကြတယ်။ အစီအစဉ်တက်ရောက်သူတွေကို ခရစ်ယာန် ဂရိကျမ်းစာ စာအုပ်တွေ ဝေငှပေးခဲ့တယ်။ ဒီကျမ်းစာကို အသံဖိုင်နဲ့ကော ဒီဂျစ်တယ်ပုံစံနဲ့ပါ ချက်ချင်း ကူးယူနိုင်ကြတယ်။

ဘီနင်မှာ ဖွန်ဘာသာစကားပြောသူ နှစ်သန်းလောက်ရှိတယ်။ ညီအစ်ကို/မ ၄,၀၀၀ ကျော်က ဖွန်စကားပြော အသင်းတော်နဲ့အုပ်စု ၈၄ ခုမှာ အမှုဆောင်နေကြတယ်။ ၂၀၂၂ ခုနှစ်မှာ မဿဲကျမ်းစောင်ကို ထုတ်ဝေခဲ့ပြီးနောက်ပိုင်း တခြား ခရစ်ယာန်ဂရိကျမ်းစောင်တွေကို ဒီဂျစ်တယ်ပုံစံနဲ့ တစ်ခုပြီးတစ်ခု ထုတ်ဝေပေးခဲ့တယ်။

ကျမ်းစာပါ ပညာရှိအကြံဉာဏ်နဲ့အညီ အသက်ရှင်နေထိုင်လိုသူတွေအတွက် နှုတ်တော်ထွက် “အမှန်တရား” ရရှိအောင် လုပ်ဆောင်ပေးတဲ့ ယေဟောဝါဘုရားသခင်ကို ဖွန်စကားပြော ညီအစ်ကို/မတွေလိုပဲ ကျွန်တော်တို့လည်း ကျေးဇူးတင်ကြပါတယ်။—ယောဟန် ၁၇:၁၇။