၂၀၂၂ ခုနှစ်၊ ဇန်နဝါရီလကနေ ဇူလိုင်လအတွင်း မက္ကဆီကိုမှာ ဘာသာပြန်ရုံးခွဲ (RTO) အသစ် ၅ ခု ဖွင့်ခဲ့တယ်။ ဒါကြောင့် ဗဟို အမေရိကမှာ စုစုပေါင်း RTO ၂၅ ခု ရှိသွားပါပြီ။ RTO အသစ်တွေ ဖွင့်လိုက်တဲ့အတွက် တာရာစကန်၊ စော့စဲလ်၊ ဇာပိုတက် (အိစမက်)၊ အိုတိုမီ (မက္ကဆီတာ ချိုင့်ဝှမ်း)၊ ချိုလ် ဘာသာပြန်အဖွဲ့တွေဟာ အဲဒီဘာသာစကား အပြောများတဲ့ ဒေသတွေမှာ နေလို့ ရသွားကြတယ်။ လာမယ့် လတွေမှာ ဗဟို အမေရိက ဌာနခွဲ နယ်မြေအတွင်း နောက်ထပ် RTO ၈ ခု ဖွင့်ပါမယ်။ ဒါ့အပြင် နောက်ထပ် RTO စီမံကိန်း ၃၄ ခုအတွက် ညီအစ်ကိုတွေ လုံးပန်းနေကြတယ်။

ဘာသာစကားတစ်ခု အပြောများတဲ့ ဒေသမှာ ဘာသာပြန်တွေ နေလည်း နေ၊ အလုပ်လည်း လုပ်နိုင်တာ သိပ်အကျိုးရှိတယ်။ ဌာနခွဲရုံးမှာ နှစ်ပေါင်းများစွာ အမှုဆောင်ခဲ့တဲ့ စော့စဲလ် ဘာသာပြန် ညီအစ်မ မာစယ်လာ ဟာနန်ဒက်စ် ဒီလိုပြောတယ်– “ဌာနခွဲမှာတုန်းက ကျွန်မရဲ့ အသုံးအနှုန်းတွေ တော်တော် ရှုပ်တာ သတိထားမိတယ်။ ဒါပေမဲ့ အခု အသင်းတော်က ညီအစ်ကိုတွေ ဟောတာ၊ ပြောတာ ကြားရတော့ ကျွန်မရဲ့ ဘာသာပြန်ဆိုမှု ပိုသဘာဝကျလာတယ်။”

RTO အဆောက်အအုံတွေဟာ ဟိန်းမနေပေမဲ့ သန့်ရှင်းလှပလို့ ရပ်ရွာက အထင်ကြီးလေးစားကြတယ်။ အဆောက်အအုံရှေ့ ရောက်ရင် ရပ်ပြီး ငေးမောကြည့်တတ်ကြတယ်။ ဓာတ်ပုံတွေတောင် ရိုက်ကြတယ်။ RTO ရဲ့ လမ်းဟိုဘက်ခြမ်းက ဈေးဆိုင်ပိုင်ရှင် အမျိုးသမီးဆိုရင် RTO လုပ်ငန်းအကြောင်း သိသွားတော့ အထင်ကြီးလေးစားသွားပြီး ဆိုင်ရှေ့လူသွားလမ်းကို တံမြက်စည်း မှန်မှန် လှည်းတယ်။ ဆိုင်ကို သန့်နေအောင် ထားတယ်။ “ဘုရားဆီ ဆက်ကပ်ထားတဲ့ အဆောက်အအုံရှေ့မှာ နေနေလို့ ဒီလို လုပ်တာပါ” ဆိုပြီး ရှင်းပြတယ်။

RTO စီမံကိန်းတွေကို ယေဟောဝါဘုရား ကောင်းချီးပေးတာ ထင်ရှားတယ်။ ဘာသာပြန်လုပ်ငန်း ဆက်အောင်မြင်နေစေတဲ့အတွက်လည်း ကျေးဇူးတင်စရာပါပဲ။—ဆာလံ ၁၂၇:၁။