၂၀၂၂၊ ဖေဖော်ဝါရီ ၆ ရက်က မဒါဂတ်စကာ အရှေ့တောင်ပိုင်းမှာ ဘတ်စီရိုင်မုန်တိုင်း တိုက်ခတ်ခဲ့တယ်။ လေတိုက်နှုန်း တစ်နာရီကို ၂၃၅ ကီလိုမီတာ (၁၄၆ mph) ရှိပြီး သေဆုံးသူ တချို့၊ ဘေးကင်းရာဆီ ပြောင်းရွှေ့ရတဲ့သူ ထောင်နဲ့ချီ ရှိတယ်။ ရေကြီးရေလျှံတဲ့အပြင် အပျက်အစီး အတော်များတယ်။

• ညီအစ်ကို/မတစ်ယောက်မှ မသေဆုံးပါဘူး

• ကြေညာသူ ၄၀၇ ယောက် အိုးအိမ်စွန့်ခွာပြီး ဘေးကင်းရာဆီ ပြောင်းရွှေ့ရတယ်

• အိမ် ၃၅ လုံး အနည်းငယ် ပျက်စီးသွားတယ်

• အိမ် ၁၉ လုံး အတော်လေး ပျက်စီးသွားတယ်

• အိမ် ၃၅ လုံး လုံးဝပျက်စီးသွားတယ်

• ဝတ်ပြုရာခန်းမ ၄ လုံး အနည်းငယ် ပျက်စီးသွားတယ်

• ဌာနခွဲ ကော်မတီက ကယ်ဆယ်ရေး ကော်မတီ ၂၀ ဖွဲ့ပြီး ကူညီလုပ်ဆောင်နေပါတယ်

• တိုက်နယ်ကြီးကြပ်မှူးတွေ၊ ဒေသခံ အကြီးအကဲတွေက ညီအစ်ကို/မတွေကို ဘုရားရေးရာပိုင်းမှာ ဆက်ကူညီပေးနေပါတယ်။ ယာယီအိမ်တွေ၊ အစားအစာနဲ့ လိုအပ်တဲ့ အကူအညီ ပေးဖို့ ညီအစ်ကိုတွေ စီစဉ်ပြီးပါပြီ

• ကယ်ဆယ်ရေး လုပ်ငန်းတွေကို ကိုဗစ်-၁၉ ဘေးကင်းရေး လမ်းညွှန်ချက်နဲ့အညီ လုပ်ဆောင်ကြတယ်

လူရောစိတ်ပါ ပင်ပန်းရတဲ့အချိန်မှာ ညီအစ်ကို/မတွေအတွက် ယေဟောဝါဟာ “လုံခြုံတဲ့ ခိုလှုံရာ” ဖြစ်တယ်ဆိုတာ ယုံကြည်စိတ်ချပါတယ်။—ဆာလံ ၁၈:၂။