၂၀၂၁၊ ဇွန် ၂၇ မှာ မိုဇမ်ဘစ် ဌာနခွဲ ကော်မတီဝင် ညီအစ်ကို အက်ဒေါက် ကော့စတာက နာယန်ငွေ ဘာသာစကားနဲ့ ကမ္ဘာသစ်ဘာသာပြန် ခရစ်ယာန်ဂရိကျမ်းစာကို ထုတ်ဝေခဲ့တယ်။ ဒီဂျစ်တယ်ပုံစံနဲ့ ကျမ်းစာ ထုတ်ဝေမှုကို ကြိုတင်အသံသွင်းပြီး ကြေညာသူ ၂,၆၀၀ ကျော်ဆီ ထုတ်လွှင့်ပေးခဲ့တယ်။ အဲဒီအစီအစဉ်ကို နိုင်ငံပိုင် ရုပ်မြင်သံကြားဌာနနဲ့ ဒေသန္တရ ရေဒီယို အသံလွှင့်ရုံတွေကနေလည်း ထုတ်လွှင့်ခဲ့တယ်။

• မိုဇမ်ဘစ် အနောက်မြောက်ပိုင်း တေးတေပြည်နယ်မှာ နာယန်ငွေ ဘာသာစကားကို အဓိက အသုံးပြုကြတယ်

• နာယန်ငွေ ဘာသာစကားပြောသူ ၄၀၀,၀၀၀ ရှိတယ်

• ဘာသာပြန်သူ ၆ ယောက်က ကျမ်းစာတစ်အုပ်လုံး အပြီးသတ်ဖို့ ၂ နှစ်ကြာ အချိန်ယူခဲ့ရတယ်

ညီအစ်ကို ကော့စတာ ဒီလိုပြောပြတယ်- “နှစ်ပေါင်းများစွာ၊ နာယန်ငွေ ဘာသာစကားနဲ့ ကျမ်းစာ မရှိခဲ့ဘူး။ ချီချေဝါ ကျမ်းစာကိုပဲ နာယန်ငွေ စကားပြော ညီအစ်ကို၊ ညီအစ်မတွေ အသုံးပြုခဲ့တယ်။ ချီချေဝါ စကားလုံးတွေနဲ့ အသုံးအနှုန်းတွေကို အဓိပ္ပာယ် တလွဲကောက်မိလို့ ကျမ်းစာဖတ်ရတာ အဆင်မပြေခဲ့ကြဘူး။”

ဒီကျမ်းစာ မထုတ်ဝေခင်က ဘာသာပြန်သူတစ်ယောက် ဒီလိုပြောပြတယ်- “ညီအစ်ကို၊ ညီအစ်မတွေ ဒီကျမ်းစာကို ရရင် တအား ဝမ်းသာကြမှာပဲ။ သူတို့အတွက် အိပ်မက်လို၊ ယေဟောဝါဘုရားရဲ့ အံ့ဖွယ်အမှုလို ဖြစ်နေမယ်။ ယေဟောဝါဘုရားကို သူတို့ ကျေးဇူးတင်ကြမှာ သေချာတယ်။”

ဒီကျမ်းစာမှာ ပါတဲ့ အမှန်တရားကနေ စိတ်နှလုံးရိုးဖြောင့်သူတွေ အကျိုးကျေးဇူး ခံစားရပါစေလို့ ကျွန်တော်တို့ ဆုတောင်းလိုက်ပါတယ်။—ဗျာဒိတ် ၂၂:၁၇။