ယူကရိန်းစစ် ဆက်ဖြစ်နေတာကြောင့် ချစ်ရတဲ့ ညီအစ်ကို/မတွေ ထပ်ပြီး သေဆုံးကြရတာ ဝမ်းနည်းစရာပါ။ ယေဟောဝါသက်သေ စုစုပေါင်း ၂၈ ယောက် သေဆုံးသွားပြီ။

ကမ္ဘာ့သတင်းမှာ ဖော်ပြတဲ့အတိုင်း စစ်ဖြစ်တဲ့ ပထမ သီတင်းပတ်တွေမှာ ကိဗ်မြို့တော်အနားမှာ တိုက်ပွဲတွေ ပြင်းထန်ခဲ့တယ်။ ဒီဒေသမှာ ကြေညာသူ ၄,၉၀၀ နေထိုင်ကြတယ်၊ အဲ့ဒီ အထဲက ၃,၅၀၀ ကျော်ဟာ လုံခြုံတဲ့နေရာတွေကို ထွက်ပြေးခဲ့ကြတယ်။

အောက်မှာ ဖော်ပြထားတဲ့ တွေ့ကြုံမှုတွေက ညီအစ်ကို/မတွေဟာ အင်မတန် ခက်ခဲတဲ့ စုံစမ်းမှုတွေကြား ယုံကြည်ခြင်း ခိုင်မြဲနေကြကြောင်း ပြတယ်။

မကာရေမြို့က အကြီးအကဲဖြစ်တဲ့ အိုလက်ဆန်ဒရာ ဟာပိုဟာ လုံခြုံတဲ့ ယူကရိန်း အလယ်ပိုင်းကို ပြေးခဲ့တယ်။ ဒါပေမဲ့ သူ့ရဲ့အမှုဆောင်အုပ်စုထဲက ကြေညာသူ လေးယောက်ကို ပြန်ဆက်သွယ်လို့ မရတာနဲ့ စိုးရိမ်ပြီး စစ်ဖြစ်နေတဲ့နေရာကို သူပြန်လာခဲ့တယ်။ သူဒီလို ပြန်ပြောပြတယ်– “ယေဟောဝါအတွက် ကိုယ်တော့်ကို ဝတ်ပြုသူတွေဟာ သိပ်တန်ဖိုးရှိမှန်း ကျွန်တော် သဘောပေါက်တယ်။ . . . ကျွန်တော် ကြေညာသူ တစ်ယောက်ရဲ့ အိမ်ရှေ့ကိုရောက်တော့၊ အိမ်ဗုံးမှန်ထားတာ တွေ့ရတယ်။ မြေအောက်ခန်းကို သွားတဲ့ တံခါးဟာ ပိတ်နေတယ်၊ လှမ်းခေါ်တော့လည်း ဘယ်သူမှ ပြန်မထူးဘူး။ ဒါနဲ့ ကျွန်တော် ကြောက်သွားတယ်။” ဒါနဲ့ အိုလက်ဆန်ဒရာဟာ မြေအောက်ခန်းတံခါးကို ချိုးဖျက်ပြီးဝင်လိုက်တော့ ကျွန်တော့်ကို ပြူးတူးကြောင်တောင်နဲ့ ပြန်ကြည့်နေကြတဲ့ လူတစ်စုကို တွေ့ခဲ့ရတယ်။ ကြေညာသူတွေနဲ့အတူ ဗုံးခိုနေကြတဲ့ သက်သေခံမဟုတ်သူ အိမ်နီးနားချင်းတွေကိုပါ တွေ့ခဲ့ရတယ်။

မြေအောက်ခန်းထဲက ကြေညာသူတစ်ယောက်ဖြစ်တဲ့ ယာရိုစလပ်က မြေအောက်ခန်းမှာ ခိုအောင်းနေကြတာ ရှစ်ရက်ကြာပြီဖြစ်ကြောင်း ပြောပြတယ်။ သူဒီလို ပြောတယ်– “ကျွန်တော်တို့မှာ ဘီစကွတ် တချို့နဲ့ လူတစ်ယောက်စာအတွက် တစ်ရက်ကို ရေတစ်ခွက်စာသာ ရှိတဲ့အကြောင်း ပြောပြတယ်။ ဒါပေမဲ့ ကျွန်တော်တို့ ကျမ်းစာနဲ့ ကျမ်းစာစာပေတွေကို ဖတ်တယ်၊ ဆုတောင်းတယ်၊ အချင်းချင်း အားပေးကြတယ်။ အိုလက်ဆန်ဒရာက ကျွန်တော့်နာမည်ကို ခေါ်တာကြားတော့ ငါ့ကိုဖမ်းဖို့ စစ်သားတွေ ရောက်လာပြီလို့ ထင်ခဲ့တာ။ ငါတော့ သေတော့မှာလို့ ထင်ခဲ့တာ။ . . . [အဲ့ဒီအစား] သူက ကျွန်တော်တို့အားလုံးကို ကယ်ခဲ့တယ်။ ဒီလိုမျိုး မေတ္တာရှိတဲ့ ညီအစ်ကို/မတွေ ရထားလို့ ယေဟောဝါကို သိပ်ကျေးဇူးတင်တယ်။ ကျွန်တော်တို့အတွက် ဝိုင်းပြီးဆုတောင်းပေးကြတယ်၊ သူတို့အသက်ကို စွန့်စားပြီးတော့တောင် ကယ်ကြတာ။”

ပီလစ်နဲ့ နောက်ညီအစ်ကိုတစ်ယောက်ဟာ ဘိုးဒီရန်ခါမြို့မှာ နေတဲ့သူတွေအတွက် အစားအစာတွေ ယူသွားပေးဖို့ ဆုံးဖြတ်ခဲ့ကြတယ်။ မတ် ၁၇ မှာ အဲ့ဒီမြို့ကို ကားမောင်းသွားနေတုန်း စစ်သားတွေက ပီလစ်ရဲ့ကားနဲ့ အစားအစာတွေကို သိမ်းလိုက်တယ်။ စစ်သားတွေက ညီအစ်ကို နှစ်ယောက်စလုံးကို ဖမ်းပြီး လက်ထိတ်ခတ်လိုက်တယ်၊ အဲ့ဒီနောက် မျက်လုံးတွေကို အဝတ်နဲ့စည်းပြီး တခြား အမျိုးသား ခြောက်ယောက်နဲ့အတူ မြေအောက်အခန်းငယ်ထဲ ခေါ်သွားခဲ့တယ်။ နောက်နှစ်ရက်ကြာတော့ မြေအောက်ခန်းတစ်ခုထဲခေါ်သွားပြီး အစောင့်တွေက ညမှာ သူတို့ကို ရိုက်နှက်ကြတယ်။ ပီလစ်က “ကျွန်တော် အသက် ရှင်ပါ့အုံးမလားလို့တောင် ထင်ခဲ့တာ။ သစ္စာရှိဖို့ ဆုတောင်းခဲ့တယ်” လို့ပြောခဲ့တယ်။

ရိုက်နှက်နေတုန်း ပီလစ်က အသံကျယ်ကျယ်နဲ့ အစာပြတ်လပ်နေတဲ့ သက်ကြီး ညီအစ်မတွေ၊ သူ့ရဲ့မိသားစုလုံခြုံဖို့နဲ့ ဘုရားအမှုတော်ကို သူ ပျော်ရွှင်စွာ အမှုဆောင်ခဲ့ရတဲ့နှစ်တွေအတွက် ယေဟောဝါကို ကျေးဇူးတင်ကြောင်း ဆုတောင်းခဲ့တယ်။ အစောင့်က ညီအစ်ကို,ကို သူ့ရဲ့ အရင်အခန်းဆီ ပြန်ပို့ခဲ့တယ်၊ ညီအစ်ကိုတွေဟာ အန္တရာယ်ပြုမယ့် သူတွေမဟုတ်ကြောင်း သိစေဖို့ စစ်သားတွေအတွက် သူ ဆက်ဆုတောင်းပေးခဲ့တယ်။ ညီအစ်ကိုနှစ်ယောက်စလုံး အစောင့်တွေကို စသက်သေခံခဲ့ကြတယ်။ နှစ်ရက်လုံးလုံး အစောင့်ပြောင်းတိုင်း သက်သေခံခဲ့ကြတယ်။ အကျဉ်းကျသူ တစ်ယောက်လည်း ကျမ်းစာသတင်းစကားကို စိတ်ဝင်စားလာတယ်။ ညီအစ်ကိုတွေကို သူ ကျေးဇူးတင်ခဲ့တယ်။ မတ် ၂၇ မှာ ညီအစ်ကိုတွေရော စိတ်ဝင်စားမှုပြသူပါ လွတ်မြောက် သွားခဲ့တယ်။

ဘူခါက တစ်ကိုယ်ရေ ညီအစ်မ ဆစ်လံနာဟာ နှစ်ပတ်လုံးလုံး စစ်ဖြစ်နေတဲ့နေရာမှာ ပိတ်မိနေတယ်။ သူဒီလိုပြောတယ်– “ယေဟောဝါပေးတဲ့ ငြိမ်သက်ခြင်းကို ခါတိုင်းထက် ပိုသဘောပေါက်လာတယ်။ ဘုရားရဲ့ငြိမ်သက်ခြင်း ရထားတဲ့အခါ ဘာလုပ်ရမှာကို အမြဲ သိတယ်လို့ မဆိုလိုဘူး။ ဒါပေမဲ့ ထွက်ပေါက် ရှာမတွေ့တဲ့အခါ ယေဟောဝါကို လုံးလုံးလျားလျား အားကိုးကြတယ်။”

ယူကရိန်းထဲက လုံခြုံတဲ့နေရာကို သွားနေတဲ့အခါ ဆစ်လံနာဟာ အမျိုးသမီးနဲ့သူ့ရဲ့ တူကို သက်သေခံခဲ့တယ်။ သူတို့အားလုံး လုံခြုံတဲ့နေရာကို ရောက်ကြတော့ သက်သေခံမိသားစု တစ်စုက ကြိုဆိုတယ်။ သက်သေခံမိသားစုက သူတို့အိမ်မှာ ဆစ်လံနာနဲ့ အမျိုးသမီး၊ သူ့တူလေးကိုပါ ညအိပ်ခွင့်ပြုခဲ့တယ်။ နောက်တစ်နေ့မှာ အမျိုးသမီးက အသင်းတော် အစည်းအဝေး လိုက်တက်ဖို့ ခွင့်တောင်းတယ်၊ ကျမ်းစာ၊ ကျွန်တော်တို့ရဲ့ စာပေတွေကိုလည်း တောင်းတယ်။ ဆစ်လံနာက သူနဲ့ ဆက်သွယ်ထားတယ်။

၂၀၂၂၊ ဧပြီ ၁၂ အထိ အောက်မှာဖော်ပြထားတဲ့ စုစုပေါင်းမှတ်တမ်းကို ယူကရိန်းကနေ ရရှိထားတယ်။ ဒီကိန်းဂဏန်းတွေကို ဒေသခံညီအစ်ကိုတွေဆီကရတဲ့ မှတ်တမ်းတွေအပေါ် အခြေခံထားတာ။ နိုင်ငံအတွင်းက ဒေသအားလုံးနဲ့ ဆက်သွယ်ဖို့ ခက်ခဲတော့ တကယ့်အရေအတွက်က ပိုများနိုင်တယ်။

• ကြေညာသူ ၂၈ ယောက် သေဆုံး

• ကြေညာသူ ၄၈ ယောက် ထိခိုက်ဒဏ်ရာရ

• ကြေညာသူ ၄၀,၇၇၈ လုံခြုံတဲ့ဒေသကို ထွက်ပြေးတိမ်းရှောင်

• အိမ် ၂၇၈ လုံး လုံးဝ ပျက်စီး

• အိမ် ၂၆၈ လုံး ဆိုးဆိုးရွားရွား ပျက်စီး

• အိမ် ၇၄၆ လုံး နည်းနည်း ပျက်စီး

• ဝတ်ပြုရာခန်းမ ၁ လုံး လုံးဝ ပျက်စီး

• ဝတ်ပြုရာခန်းမ ၉ လုံး ဆိုးဆိုးရွားရွား ပျက်စီး

• ဝတ်ပြုရာခန်းမ ၂၆ လုံး နည်းနည်း ပျက်စီး

• သဘာဝဘေး ကယ်ဆယ်ရေး ကော်မတီ (DRC) ၂၇ ခု ယူကရိန်းမှာ လုပ်ဆောင်နေ

• ကြေညာသူ ၄၁,၉၇၄ ယောက် လုံခြုံတဲ့နေရာမှာ နေနိုင်ဖို့ DRC က တိုက်ရိုက် ကူညီ

• ကြေညာသူ ၁၈,၀၉၇ ယောက်က တခြားနိုင်ငံတွေကို ထွက်ပြေးခဲ့ကြပြီး ယုံကြည်သူချင်းတွေက ကူညီနေကြ