ဇူလိုင် ၂၅၊ ၂၀၁၇
ယူကရိန်း
ယူကရိန်းနိုင်ငံက ယေဟောဝါသက်သေတွေရဲ့ ဌာနခွဲရုံး ဖွင့်ပွဲကို အစိုးရအရာရှိတွေ တက်ရောက်ခဲ့
လဗီဖ်၊ ယူကရိန်း—မေ ၂၊ ၂၀၁၇ မှာ ယူကရိန်းနိုင်ငံမှာရှိတဲ့ ယေဟောဝါသက်သေတွေရဲ့ ဌာနခွဲရုံးက လူထုအတွက် အထူးဖွင့်ပွဲတစ်ခု ပြုလုပ်ခဲ့ပါတယ်။ အဲဒီတစ်ရက်တာ ပြပွဲအတွင်း ဌာနခွဲရဲ့ လုပ်ဆောင်မှုတွေကို ဒေသခံနဲ့ ပြည်နယ်အစိုးရ အရာရှိတွေ၊ လေ့လာသူတွေ၊ လုပ်ငန်းရှင်တွေနဲ့ အိမ်နီးချင်းတွေ လာရောက်ကြည့်ရှုခဲ့ကြပါတယ်။
အဲဒီဖွင့်ပွဲအတွင်းမှာ ဌာနခွဲရုံးက အထူးအစီအစဉ်အနေနဲ့ ဌာနခွဲလုပ်ဆောင်ပုံ ဗီဒီယို၊ သမိုင်းပြကွက်နဲ့ ကလေးတွေအတွက် သီးသန့်နေရာလေးတစ်ခု ပြုလုပ်ပေးခဲ့တယ်။ ယူကရိန်းနိုင်ငံက ယေဟောဝါသက်သေတွေရဲ့ ပြောရေးဆိုခွင့်ရှိသူ အိုင်ဗန် ရီဟာက “၂၀၀၁ ခုနှစ်ကစပြီး ဌာနခွဲရုံးကို ကျွန်တော်တို့ အသုံးပြုခဲ့ပေမဲ့ ဖွင့်ပွဲလုပ်တာ ဒါပထမဆုံးပဲ။ ယူကရိန်းမှာ တစ်အိမ်တက်ဆင်း ဟောပြောလို့ ကျွန်တော်တို့ကို လူသိများပါတယ်။ ဌာနခွဲရုံးရဲ့ လုပ်ဆောင်မှုတွေနဲ့ လူထုအကျိုးအတွက် ဘာတွေလုပ်ဆောင်နေသလဲဆိုတာ အိမ်နီးချင်းတွေ သိအောင် ပြခွင့်ရလို့ သိပ်ဝမ်းသာတယ်။”
ယူကရိန်းနိုင်ငံ ယဉ်ကျေးမှု ဝန်ကြီးဌာနအောက်ရှိ သာသနာရေးနဲ့ တိုင်းရင်းသားလူမျိုးရေး ဦးစီးဌာနရဲ့ ဒါရိုက်တာ အန်ဒါရီ ယူရာချ်က ဌာနခွဲရုံးရဲ့ လုပ်ဆောင်မှုတွေနဲ့ ပတ်သက်ပြီး ဒီလိုပြောခဲ့တယ်– “လူမှုအသိုင်းအဝိုင်းမှာ သူတို့ရဲ့အသင်းသားတွေဟာ တခြားသူတွေနဲ့ ဘယ်လို ညီညီညွတ်ညွတ် နေထိုင်ရမယ်ဆိုတာ ယေဟောဝါသက်သေ ဘာသာရေးအဖွဲ့က အတုယူစရာ ပုံသက်သေပဲ။”
ဒီနှစ်အတွင်းမှာပဲ ယေဟောဝါသက်သေတွေရဲ့ ကင်မရွန်းနိုင်ငံ ဌာနခွဲရုံးနဲ့ နယူးယောက် ဝေါဝစ်မှာရှိတဲ့ ကမ္ဘာ့ဌာနချုပ် အဆောက်အဦမှာ ဖွင့်ပွဲတွေ ပြုလုပ်ခဲ့ပါတယ်။
Media Contacts:
International: David A. Semonian, Office of Public Information, +1-845-524-3000
Ukraine: Ivan Riher, +38-032-240-9323