နယူးယောက်- ရုရှား​ဖယ်​ဒ​ရေး​ရှင်း တရားရုံးချုပ်​က အမှုကို ကြားနာစစ်ဆေး​တဲ့ တတိယ​နေ့ကို ဧပြီလ ၁၂ ရက် ၂၀၁၇ နံနက် ၁၀:၀၀ နာရီ အထိ ရွှေ့ဆိုင်း​ထားဖို့ ဆုံးဖြတ်ခဲ့တယ်။ ဒီနေ့​ကြားနာ​မှု​မှာ ယေဟောဝါသက်သေတွေရဲ့ လုပ်ဆောင်မှုကို တရားရေး​ဝန်ကြီးဌာန​က ပိတ်ပင်​ဖို့ ကြိုးစားတာ​ကို ယေဟောဝါ​သက်သေ ၄ ဦး တန်ပြန် သက်သေ​ထွက်ဆိုချက်​ကို ကြားနာ​ခဲ့တယ်။

တရားသူကြီး​က ယေဟောဝါ​သက်သေတွေဟာ အစွန်းရောက်သူ​တွေ​ဖြစ်ပြီး အစွန်းရောက်​စာပေတွေ ဝေငှ​နေတယ်​ဆိုတဲ့ တရားရေး​ဝန်ကြီးဌာနရဲ့ စွပ်စွဲချက်တွေကို သက်သေ​ပြဖို့ တောင်းဆိုခဲ့တယ်။ တရားရေး​ဝန်ကြီးဌာန​က ဘာ​သက်သေ​အထောက်အထား​မှ မပြ​နိုင်​ခဲ့​ဘူး။ ရုရှား​နိုင်ငံရှိ ယေဟောဝါ​သက်သေ စီမံခန့်ခွဲရေး​ဌာန​ရဲ့ ဦးစီး​အဖွဲ့ဝင်​တစ်ဦး​ဖြစ်သူ ဗာစီလီ ကာ​လင်း​က “ယေဟောဝါ​သက်သေတွေကို ပိတ်ပင်​ဖို့ တောင်းဆိုတာ​ဟာ ခင်ဗျားတို့ကို ငြိမ်သက်​အေးချမ်း​ပြီး ပျော်ပျော်ရွှင်ရွှင်​ဖြစ်စေချင်တဲ့ လူတွေကို ထိခိုက်​နစ်နာ​စေမယ်​ဆိုတာ တရားရေး​ဝန်ကြီးဌာန​ကို အသိပေး​ချင်​ပါတယ်”လို့ တရားရုံးမှာ ထွက်ဆို​ပြော​ထုတ်ခဲ့​တယ်။

သတင်း​အချက်အလက် ဆက်သွယ်​ရန်-

နိုင်ငံတကာ- David A. Semonian, Office of Public Information, +1-845-524-3000

ရုရှား- Yaroslav Sivulskiy, +7-812-702-2691