၂၀၂၀၊ နိုဝင်ဘာ ၁၇ ရက်မှာ ကမ်ချက်ကာဒေသ တရားရုံးက ဗီရာ၊ ကွန်စတန်တင်နဲ့ ဇနီး ဆန်ဇ်ဟာနာတို့ရဲ့ အယူခံကို ပယ်ချလိုက်ပါတယ်။မူလ ချမှတ်ထားတဲ့ ဆိုင်းငံ့ ထောင်ဒဏ် နှစ်နှစ် အခု စတင် အကျိုးသက်ရောက်ပါပြီ။ ဒီတစ်ကြိမ်မှာ ထောင်ထဲ ဝင်စရာ မလိုပါဘူး။ သုံးယောက်စလုံး သစ္စာရှိရှိရပ်တည်နေပြီး ပျော်ရွှင်နေပါတယ်။

၂၀၂၀၊ စက်တင်ဘာ ၂၅ ရက်၊ အမှုကြားနာလို့ အပြီးမှာ ညီအစ်ကို ကွန်စတန်တင် က အပြစ်ရှိကြောင်း စီရင်ချက်ချမှတ်ခံရပေမဲ့ မစိုးရိမ်ကြောင်း၊ ယေရှုတပည့်တွေ နှိပ်စက်ညှဉ်းဆဲခံရမယ်ဆိုတဲ့ ယောဟန် ၁၅:၂၀ ကြိုဟောချက် ပြည့်စုံမှုမှာ ပါဝင်ရတာ အခွင့်ထူးဖြစ်ကြောင်း တရားသူကြီးကို သတ္တိရှိရှိ ပြောခဲ့တယ်။

မဿဲ ၂၈:၁၉၊ ၂၀ မှာ ယေရှုက တပည့်တွေကို ဟောပြောဖို့ မိန့်မှာခဲ့တယ်၊ “ခရစ်တော်ရဲ့ မိန့်မှာချက်ကို ဘယ်သူ ပယ်ဖျက်ခွင့်၊ တားဆီးခွင့် ရှိသလဲ၊ ကျွန်တော်ကတော့ နှုတ်ဆိတ်မနေနိုင်ဘူး၊ . . . ကျမ်းစာမှာ ပါတဲ့ သတင်းကောင်းကို ဆက်ဟောနေမှာပါ” လို့ တရားရုံးမှာ ညီအစ်ကို ကွန်စတန်တင် ရဲရဲဝံ့ဝံ့ ပြောကြားခဲ့တယ်။