၂၀၂၂ ခုနှစ်၊ ဇွန် ၆ ရက်မှာ ချီတာမြို့၊ ဗဟိုခရိုင်တရားရုံးက ဗလာဒီမာ၊ ဆာဂေး၊ အီဂေါ် နဲ့ အလက်စန်ဒါတို့ကို အပြစ်ရှိကြောင်း စီရင်ချက် ချမှတ်တယ်။ ဆာဂေးကို ဆိုင်းငံ့ထောင်ဒဏ် ခြောက်နှစ် ချမှတ်တယ်။ ဗလာဒီမာ၊ အီဂေါ်၊ အလက်စန်ဒါတို့ကို ထောင်ဒဏ် ခြောက်နှစ်ခွဲ ချမှတ်လိုက်တယ်။ သူတို့ရဲ့ထောင်ဒဏ် ချက်ချင်း စတင်ပါမယ်။

1. မတ် ၁၆၊ ၂၀၂၁

   အမှု စတင်ကြားနာစစ်ဆေးတယ်။

2. ဖေဖော်ဝါရီ ၂၊ ၂၀၂၁

   ဗလာဒီမာ၊ ဆာဂေး၊ အီဂေါ်၊ အလက်စန်ဒါတို့ကို ပိတ်ပင်ထားတဲ့ အဖွဲ့အစည်းကို စီစဉ်ဖွဲ့စည်းမှုနဲ့ တရားစွဲတယ်။

3. ဧပြီ ၃၊ ၂၀၂၀

   ဗလာဒီမာ နေအိမ်အကျယ်ချုပ်ကနေ လွတ်လာတယ်။

4. ဖေဖော်ဝါရီ ၁၅၊ ၂၀၂၀

   ငါးရက် အချုပ်ခံရပြီးတဲ့နောက် ဆာဂေး လွတ်လာတယ်။

5. ဖေဖော်ဝါရီ ၁၂၊ ၂၀၂၀

   အီဂေါ်နဲ့ အလက်စန်ဒါတို့ကို ဖမ်းချုပ်ထားရာကနေ လွှတ်ပေးလိုက်တယ်။ ဆာဂေးကို ၇၂ နာရီ ဆက်ထိန်းသိမ်းထားတယ်။ ဗလာဒီမာကို နေအိမ်အကျယ်ချုပ် ၅၂ ရက် ချထားတယ်။

6. ဖေဖော်ဝါရီ ၁၀၊ ၂၀၂၀

   ထရန်စ်ဘိုင်ကယ်ဒေသက ယေဟောဝါသက်သေတွေရဲ့ အိမ်ခြေ ၅၀ ကို FSB အရာရှိတွေ ဝင်ရောက်စီးနင်းကြတယ်။ သက်ကြီးရွယ်အို၊ မသန်မစွမ်း သက်သေခံတွေရဲ့ အိမ်တွေပါမကျန် ရှာဖွေကြတယ်။ ကလေးတစ်ဦးကို မိခင်နဲ့ ညီမရှေ့မှာ ရိုက်နှက်တယ်။ ညီအစ်ကိုတစ်ဦး နှိပ်စက်ခံရတယ်။ ဝင်ရောက်စီးနင်းပြီးနောက် အရာရှိတွေက အီဂေါ်၊ အလက်စန်ဒါ၊ ဗလာဒီမာ၊ ဆာဂေးတို့ အပါအဝင် ညီအစ်ကို ဆယ်ယောက်ကို ဖမ်းဆီးထိန်းသိမ်းထားတယ်။

ညီအစ်ကိုတွေဟာ ဒံယေလနဲ့ သူငယ်ချင်း သုံးယောက်တို့လိုပဲ အာဏာပိုင်တွေရဲ့ ဖိအားပေးမှု ခံရပေမဲ့ ယေဟောဝါဘုရားကို သစ္စာစောင့်သိဖို့ “စိတ်ပိုင်းဖြတ်ထား” ကြတယ်။ သူတို့ရဲ့ ခိုင်ခံ့တဲ့ ယုံကြည်ခြင်းကို အတုယူကြပါစို့။—ဒံယေလ ၁:၈။