၂၀၂၃ ခုနှစ်၊ ဇူလိုင် ၁၂ ရက်မှာ မော်စကိုမြို့၊ စာဗီလောဗ်စကီ ခရိုင်တရားရုံးက ညီအစ်ကို ရိုမန် မာရီယက်ဗ်၊ ညီအစ်ကို အန်နာတိုလီ မာရူနောဗ်နဲ့ ညီအစ်ကို ဆာဂေး တိုလိုကောန်နီကောဗ်တို့ကို အပြစ်ရှိကြောင်း စီရင်ချက်ချတယ်။ သူတို့ကို ထောင်ဒဏ် လေးနှစ်ခွဲ၊ ထောင်ဒဏ် ခြောက်နှစ်ခွဲနဲ့ ထောင်ဒဏ် ငါးနှစ် အသီးသီး ချမှတ်လိုက်တယ်။ အန်နာတိုလီကို တရားခွင်ကနေ ချက်ချင်း ဖမ်းခေါ်သွားကြတယ်။ ရိုမန်နဲ့ ဆာဂေးကတော့ ထောင်ထဲမှာ ရှိနှင့်ပြီးသားဖြစ်တယ်။

ရိုမန်၊ အန်နာတိုလီနဲ့ ဆာဂေးတို့လို သစ္စာရှိညီအစ်ကိုတွေရဲ့ ပုံသက်သေကို ကျွန်တော်တို့ တန်ဖိုးထားပါတယ်။ ဘယ်လိုအခက်အခဲပဲ ကြုံရကြုံရ ကျွန်တော်တို့နဲ့အတူ ယေဟောဝါရှိနေမယ်ဆိုတာ သိထားလို့ ‘ဘာအန္တရာယ်မှ ကြောက်စရာမလိုဘူး’ ဆိုတာ ယုံကြည်ပါတယ်။—ဆာလံ ၂၃:၄။

1. အောက်တိုဘာ ၂၀၊ ၂၀၂၁

   မော်စကိုမြို့က ယေဟောဝါသက်သေ ရှစ်အိမ်ထောင်ကို အရာရှိတွေ ဝင်ရောက်ရှာဖွေကြတယ်။ ရိုမန်၊ အန်နာတိုလီနဲ့ ဆာဂေးကို အစွန်းရောက်အဖွဲ့အစည်းရဲ့ လုပ်ဆောင်မှုတွေ စီစဉ်ဖွဲ့စည်းမှု၊ တခြားသူတွေကို အဲဒီလုပ်ဆောင်မှုတွေမှာ ပါဝင်လာအောင် သွေးဆောင်မှုနဲ့ ပြစ်မှုဖွင့်တယ်။ ညီအစ်ကိုသုံးယောက်စလုံးကို ယာယီချုပ်ထားတယ်။

2. အောက်တိုဘာ ၂၂၊ ၂၀၂၁

   ရိုမန်နဲ့ ဆာဂေးကို အချုပ်ထောင်ဆီ ပို့လိုက်တယ်။ အန်နာတိုလီကို နေအိမ်အကျယ်ချုပ်ချတယ်။

3. ဇွန် ၁၇၊ ၂၀၂၂

   ပြစ်မှု စတင်ကြားနာစစ်ဆေးတယ်။