၂၀၂၄ ခုနှစ်၊ ဇွန် ၂၆ ရက်မှာ ရော့စတို့ဗ် ဒေသ၊ နိုဗိုချုတ်ကာ့စ်မြို့တရားရုံးက ညီအစ်မ လူဗို့ ဂါလီဆာနာ၊ ညီအစ်ကို ဂါရီဂျင် ဟာချစ်တူးရာ၊ ညီအစ်ကို ရီးဗို့ ရီရိစန်တို့ကို အပြစ်ရှိကြောင်း စီရင်ချက်ချလိုက်ပါတယ်။ လူဗို့ကို ထောင်ဒဏ် နှစ်နှစ်နဲ့ သုံးလ ချမှတ်တယ်။ ဒါပေမဲ့ အချုပ်ထောင်မှာ နေခဲ့ရတဲ့အချိန်ကြောင့် ထောင်ဒဏ် စေ့သွားပြီဖြစ်လို့ ထောင်ထဲသွားစရာ မလိုတော့ပါ။ ဂါရီဂျင်ကို ထောင်ဒဏ် ခြောက်နှစ် ခြောက်လ၊ ရီးဗို့ကို ထောင်ဒဏ် ခြောက်နှစ် နှစ်လ ချမှတ်လိုက်တယ်။ နှစ်ယောက်စလုံး ထောင်ထဲမှာ ဆက်နေရပါတယ်။

ဆန့်ကျင်သူတွေက ကျွန်တော်တို့ကို ဒုက္ခပေးနေပေမဲ့ ယေဟောဝါက သစ္စာရှိကျေးကျွန်တွေကို ဆက်ကောင်းချီးပေးနေမယ်၊ ကိစ္စရပ်တွေကို “အကောင်း” အဖြစ် ပြောင်းလဲစေမယ်ဆိုတာ ကျွန်တော်တို့ ယုံကြည်စိတ်ချပါတယ်။—ကမ္ဘာဦး ၅၀:၂၀။

1. ဩဂုတ် ၁၁၊ ၂၀၂၂

   လူဗို့၊ ဂါရီဂျင်နဲ့ ရီးဗို့အပေါ် ပြစ်မှုဖွင့်၊ အိမ်တွေကို ဝင်ရောက်ရှာဖွေ၊ ဂါရီဂျင်နဲ့ ရီးဗို့ကို အချုပ်ချ

2. ဩဂုတ် ၁၂၊ ၂၀၂၂

   ဂါရီဂျင်နဲ့ ရီးဗို့ကို အချုပ်ထောင်ပို့

3. ဩဂုတ် ၁၆၊ ၂၀၂၂

   လူဗို့ကို အချုပ်ချ

4. ဩဂုတ် ၁၇၊ ၂၀၂၂

   လူဗို့ကို အချုပ်ထောင်ပို့

5. စက်တင်ဘာ ၂၀၊ ၂၀၂၃

   ပြစ်မှုစတင်ကြားနာစစ်ဆေး

6. ဒီဇင်ဘာ ၂၅၊ ၂၀၂၃

   လူဗို့ကို အချုပ်ထောင်ကနေ လွှတ်ပေးပြီး နေအိမ်အကျယ်ချုပ်ချ