စက်တင်ဘာ ၂၄၊ ၂၀၂၁
ရုရှား

ဘုရားရေးရာ လုပ်ဆောင်မှုတွေက ညီအစ်ကို မာ့ခ်စင်း ဘယ်တီကို့ဗ်ကို ခွန်အားရှိစေ

ဖွင့်ပါ

နောက်ဆုံးအချက်အလက် | ညီအစ်ကို မာ့ခ်စင်း ဘယ်တီကို့ဗ်ကို ရုရှား တရားရုံး ပြစ်ဒဏ်ချမှတ်

၂၀၂၂၊ ဇန်နဝါရီ ၁၇ ရက်နေ့မှာ ခရာစနာဒါဒေသ၊ ပါလို့စကီ ခရိုင်တရားရုံးက ညီအစ်ကို မာ့ခ်စင်း ဘယ်တီကို့ဗ်ကို ထောင်ဒဏ် နှစ်နှစ် ပြစ်ဒဏ် ချမှတ်လိုက်တယ်။ ပြစ်ဒဏ် ချက်ချင်း အကျိုးသက်ရောက်တယ်။

အချိန်ပြဇယား

ဇွန် ၂၉၊ ၂၀၂၀

ဒေသကနေ ထွက်ခွာခွင့် မရှိဘူး
ဇွန် ၂၃၊ ၂၀၂၀

အမှု စဖွင့်တယ်။ “ဘာသာရေးအကြောင်း သွန်သင်တဲ့ အစည်းအဝေးတွေမှာ ပါဝင်မှု” နဲ့ စွဲချက်တင်တယ်။ “ဘာသာရေး စာပေတွေကို အခြေခံတဲ့ ဟောပြောချက်တွေ ပေးခြင်း၊ နားထောင်ခြင်း” တို့ ပါဝင်တယ်
ဧပြီ ၂၉၊ ၂၀၂၀

မာ့ခ်စင်းရဲ့ အိမ်ကို အာဏာပိုင်တွေ ရှာဖွေတယ်။ ပြီးတဲ့နောက် စစ်ကြောမေးမြန်းကြတယ်

ကိုယ်ရေးအကျဉ်း

မာ့ခ်စင်း ဘယ်တီကို့ဗ်

မွေးဖွားတဲ့နှစ်။ ၁၉၈၀ (ဘော်တီယက်စ်၊ ကလင်နီဂရက်ဒေသ)

ဘဝအတ္ထုပ္ပတ္တိ။ ကလေးဘဝတုန်းက ကျေးလက်အကကို နှစ်သက်တယ်။ ပန်းရန်လုပ်တယ်။ ဝမ်းကွဲဆီကနေ ကျမ်းစာအမှန်တရား သိလာတယ်။ ဘုရားနာမည် ယေဟောဝါဆိုတာ သိလိုက်ရလို့ သဘောကျသွားတယ်။ ကျမ်းစာမှာ ပါတဲ့ ပြည့်စုံပြီးသား ကြိုဟောချက်တွေ၊ လက်တွေ့ကျ အကြံပြုချက်တွေကို သိပ်ကြိုက်တယ်။ ၂၀၀၁ ခုနှစ်မှာ ယေဟောဝါသက်သေအဖြစ် နှစ်ခြင်းခံတယ်။ ၂၀၀၅ မှာ မာရီယာနဲ့ လက်ထပ်တယ်။ ကလေး သုံးယောက် ရှိတယ်

ကိုယ်ပိုင်မှတ်ချက်

အခုလို စမ်းသပ်ခံရချိန်မှာ ညီအစ်ကိုနဲ့ မိသားစုကို ယေဟောဝါဘုရား ဘယ်လို ထောက်မပေးသလဲ

ကျွန်တော့်မိသားစု ယုံကြည်ခြင်း ခိုင်မြဲနေဖို့၊ ကာယရေး လိုအပ်ရာတွေ ရဖို့ ယေဟောဝါဘုရား အမြဲ ထောက်မပေးတယ်။ ဇနီးနဲ့ သားသမီးတွေက ကျွန်တော့်ကို နားလည်ပေးကြတယ်။ စိတ်မကောင်းစရာတွေ မတွေးမိအောင် ကူညီပေးကြတယ်။ ညီအစ်ကို တစ်ယောက်က ဆာလံ ၂၃ ကို သုံးပြီး အားပေးတယ်။ “ယေဟောဝါနဲ့ အဖွဲ့အစည်းကို မပစ်ပယ်နဲ့။ ယေဟောဝါရဲ့ ဂရုစိုက်စောင့်ရှောက်မှုကို လက်ခံပါ” တဲ့။

ဘုရားရေးရာ လုပ်ဆောင်မှုတွေက ဆက်ပျော်ရွှင်နေဖို့ ဘယ်လို ကူညီပေးသလဲ

မှန်မှန် ကျမ်းစာဖတ်တာ၊ အစည်းအဝေးတွေ တက်တာက ဆက်ပျော်ရွှင်ဖို့၊ ယေဟောဝါ ထောက်မပေးနိုင်တယ်ဆိုတာ ယုံကြည်နေဖို့ ကူညီပေးတယ်။ ၂၀၁၈ ခုနှစ်၊ တောင်ကိုရီးယား၊ ဆိုးလ်မြို့မှာ ကျင်းပတဲ့ အစည်းအဝေးကြီးကို ကျွန်တော်တို့ ဇနီးမောင်နှံ တက်ခွင့် ရခဲ့တယ်။ တနင်္ဂနွေနေ့မှာ ဟောပြောသူက ကိုရီးယား ဘာသာစကား အပိုင်းဘက် လှည့်ပြီး ယုံကြည်ချက်ကြောင့် ထောင်ချခံရသူတွေ မတ်တတ်ရပ်ပေးပါလို့ ပြောတယ်။ ညီအစ်ကို ထောင်နဲ့ချီ မတ်တတ်ရပ်ကြတယ်။ ‘သူတို့ လုပ်နိုင်ခဲ့တယ်ဆိုရင် ငါလည်း လုပ်နိုင်ရမယ်’ လို့ တွေးလိုက်တယ်။

ဒီလိုစမ်းသပ်မှု ကြုံရတဲ့အတွက် ယေဟောဝါနဲ့ ဆက်ဆံရေး ဘယ်လို ခိုင်မြဲလာသလဲ

ပိုခွန်အားရှိလာတဲ့အပြင် အပြောင်းအလဲတွေလည်း ဖြစ်လာတယ်။ သတ်သတ်မှတ်မှတ် ဆုတောင်းတတ်လာတယ်။ တောင်းဆိုချက်တွေလောက် မဟုတ်ဘဲ ကျေးဇူးတင်စကားတွေလည်း ပိုပြီး သတ်သတ်မှတ်မှတ် ထည့်တောင်းတတ်လာတယ်။ ကျမ်းစာ ဖတ်ရှုနည်း ပြောင်းသွားတယ်။ ကိုယ့်အခြေအနေနဲ့ ကိုက်ညီသူတွေအကြောင်း ရှာဖတ်တတ်လာတယ်။

ဘုရားရေးရာ လုပ်ဆောင်မှုတွေနဲ့ ညီအစ်ကို/မတွေရဲ့ မေတ္တာကြောင့် ရုရှားက ညီအစ်ကို/မတွေ ဆက်ခွန်အားရှိပြီး ယုံကြည်ခြင်း ပိုခိုင်မြဲနိုင်ပါစေ။ ချစ်ရတဲ့ ဒီညီအစ်ကို/မတွေနဲ့အတူ “မေတ္တာနဲ့ ငြိမ်သက်ခြင်းရဲ့ အရှင် ဘုရားသခင်” ရှိနေမယ်ဆိုတာ ကျွန်တော်တို့ ယုံတယ်။—၂ ကောရိန္သု ၁၃:၁၁။

ကြိုက်လို ကြိုက်ငြား အကြောင်းအရာများ

သတင်းထုတ်ပြန်ချက်

ယုံကြည်ချက်ကြောင့် ထောင်ချခံရ—ရုရှား

ရုရှားနိုင်ငံရှိ ယေဟောဝါသက်သေများဟာ ယုံကြည်ချက်ကြောင့် ထောင်ချခံနေရတယ်။ သူတို့ ဘာတွေ ကြုံရတယ်ဆိုတာ လေ့လာပါ။ လက်ရှိ ထောင်ကျနေတဲ့ သက်သေခံတွေရဲ့ စာရင်းကို ပရင့်ထုတ်ပါ။

သတင်းထုတ်ပြန်ချက်