နယူးယောက်—ရုရှား​နိုင်ငံ ယခင် ယေဟောဝါသက်သေများရဲ့ ရုံးချုပ်​ကို သိမ်းယူ​ဖို့ စီရင်​ဆုံးဖြတ်ချက်​အတွက် အယူခံ​မှု​ကို ၂၀၁၈၊ မေ ၃၊ ကြာသပတေး​နေ့မှာ စိန့်​ပီတာစဘတ်​မြို့တော် တရားရုံးမှာ ကြားနာ​ပါ​မယ်။ ဒီ​အယူခံ​မှု​မှာ ယေဟောဝါသက်သေတွေ ရှုံးနိမ့်​သွားခဲ့​ရင် အဆောက်အအုံ ၁၄ ခု​ပါတဲ့ မြေကွက်​ကို နိုင်ငံတော်​က ချက်ချင်း သိမ်းယူ​သွား​နိုင်ပါတယ်။ မြေကွက်ဟာ ၂၅ ဧ​က ကျယ်​ပြီး အမေရိကန် ဒေါ်လာ ၃၁.၈ သန်း (ရူ​ဘယ် ၂ ဘီလီယံ) တန်တယ်။

ယေဟောဝါသက်သေများရဲ့ ရုံး​ကို အမေရိကန်​ပြည်ထောင်စု အခြေ​စိုက် အကျိုးအမြတ် မယူ​တဲ့ အဖွဲ့အစည်း ပင်စီဗေးနီးယား ကင်းမျှော်စင် သမ္မာကျမ်းစာ​နှင့် ဝေစာ​အသင်း (WTPA) က ပိုင်ဆိုင်​ကြောင်း အထောက်အထားကို ဆက်​စ​ထရို​ရက်​စ​ကီ ခရိုင်​တရားရုံး​က လျစ်လျူရှုပြီး ၂၀၁၇၊ ဒီဇင်ဘာလ​မှာ စီရင်ချက် ချခဲ့တယ်။ ရုရှား​နိုင်ငံရှိ ယေဟောဝါ​သက်သေ​များ​က အိမ်မြေ​ရာ အဆောက်အဦ ပိုင်ဆိုင်မှု​ကို ၂၀၀၀ ပြည့်နှစ်မှာ WTPA ကို လွှဲပြောင်း​ပြီး​ကတည်းက WTPA ဟာ ရုရှား​ဖယ်​ဒ​ရေး​ရှင်း​ကို အိမ်မြေ​ရာ အဆောက်အအုံ​အတွက် ဒေါ်လာ ၃ သန်း အခွန်ဆောင်​ခဲ့​ပြီး​ပါပြီ။ တရားဝင် ပိုင်ဆိုင်မှု လွှဲပြောင်း​တာ ၁၇ နှစ် ကျော်ပြီ ဆိုတာကို ရုရှား​အစိုးရက အသိအမှတ်ပြု​ပေမဲ့ ခရိုင်​တရားရုံး​က WTPA ရဲ့ ပိုင်ဆိုင်မှု​စာချုပ် တရားမဝင်​ကြောင်း ကြေညာခဲ့​ပါတယ်။ ရုရှား​နိုင်ငံရှိ ယေဟောဝါသက်သေများရဲ့ ဗဟို​အုပ်ချုပ်ရေး​ရုံး (AC) က​သာ ပိုင်ရှင် အစစ်အမှန်​ဖြစ်ကြောင်း တရားရုံး​က ကြေညာခဲ့တယ်။ တရားရုံးချုပ်​က ၂၀၁၇ ခုနှစ်မှာ AC ကို ပိတ်ပင်​လိုက်ပြီ​ဖြစ်လို့ အယူခံ​မှု​ကို ယေဟောဝါသက်သေတွေ ရှုံးနိမ့်​သွားခဲ့​ရင်၊ ဆုံးဖြတ်ချက် အကျိုး​သက်ရောက်​ပြီး နိုင်ငံတော်​က အိမ်မြေ​ရာ အဆောက်အအုံတွေကို ချက်ချင်း သိမ်းယူ​သွားနိုင်တယ်။

ရုရှား​နိုင်ငံ၊ အူ​လ် ဘေ​ဆေ​နေ​ညာ ၆ လမ်း​ရှိ စိန့်​ပီတာစဘတ်​မြို့တော် တရားရုံးမှာ မေ ၃ ရက်​နေ့၊ မနက် ၁၁:၃၀ နာရီ ကျရင် စတင်​ကြားနာ​ပါ​မယ်။

Media Contacts:

International: David A. Semonian, Office of Public Information, +1-84​5-5​2​4-3​0​0​0