၂၀၂၀၊ ဒီဇင်ဘာ ၁၆ ရက်မှာ နိုဗိုဆာဘီရိခ်ဒေသ၊ လီနင်စကီ ခရိုင်တရားရုံးက ညီအစ်ကို ယူရီ ဆေ့လီယက်ဖ်ကို ထောင်ဒဏ် ခြောက်နှစ် ချမှတ်လိုက်ပါတယ်။ ညီအစ်ကို ယူရီကတော့ သစ္စာရှိရှိ ခံရပ်နေပါတယ်။ ကျမ်းစာပရောဖက်ပြုချက်တွေကို လေ့လာရင်း ရဲစွမ်းသတ္တိရှိနေပါတယ်။

ဒီဇင်ဘာ ၉ ရက်နေ့မှာ အမှုကြားနာပြီးတဲ့နောက် တရားရုံးလာရောက်သူတွေကို ညီအစ်ကို ယူရီ ဒီလိုရဲရဲဝံ့ဝံ့ သက်သေခံတယ်– “ယေရှုခရစ်ရဲ့ ပရောဖက်ပြုချက်တစ်ခု လောလောဆယ် ခင်ဗျားတို့ရှေ့မှာကို ပြည့်စုံနေပြီ။ သမ္မာကျမ်းစာထဲက မာကု ၁၃:၉ မှာ ပါတဲ့ ပရောဖက်ပြုချက်ပါ။ အဲဒီမှာ ‘ခင်ဗျားတို့ သတိရှိကြပါ။ လူတွေက ခင်ဗျားတို့ကို တရားရုံး ပို့လိမ့်မယ်။ ကျွန်တော့်ကြောင့် ခင်ဗျားတို့ကို တရားဇရပ်တွေမှာ ရိုက်နှက်ပြီး ဘုရင်ခံတွေ၊ ဘုရင်တွေရှေ့ ပို့လိမ့်မယ်။ ဒီနည်းနဲ့ သူတို့ကို သက်သေခံခွင့် ရလိမ့်မယ်’ လို့ ကြိုပြောထားတယ်။”