မတ် ၁၊ ၂၀၁၈
ရုရှား
အိုရွိုလ်တရားရုံးက ဒဲနစ္စ ခရစ်တန်ဆန်ရဲ့ အမှုကို ၂၀၁၈၊ ဧပြီ ၃ ရက်မှာ ဆက်စစ်ဆေးမယ်
၂၀၁၈၊ ဖေဖော်ဝါရီ ၁၉ ရက်နေ့က အိုရွိုလ်မြို့၊ ရှလက်ဇနာ ဒရော်ဇက်ဇနီ ခရိုင်တရားရုံးမှာ ဒဲနစ္စ ခရစ်တန်ဆန်ကို စတင် အမှုစစ်ဆေးပါပြီ။ မစ္စတာ ခရစ်တန်ဆန်ကို ထောက်ခံအားပေးကြသူများစွာ တရားရုံးကို ရောက်လာကြတယ်။ အဲဒီအထဲမှာ ဒိန်းမတ်သံရုံးက ကောင်စစ်ဝန် ဂျင်း ခရစ္စတီးနား ဒမီရစီလည်း ပါတယ်။ အမှု ကြားနာဖို့ မော်စကိုကို ရောက်လာတာပါ။ တစ်နာရီကြာ အမှုစစ်ဆေးချိန်အတွင်း မစ္စတာ ခရစ်တန်ဆန်နဲ့ ရှေ့နေတွေက အမှုကို အချိန်ယူကြားနာပေးဖို့ တောင်းဆိုတဲ့အတွက် တရားသူကြီး အလက်စီ ရီနာဗ်က ခွင့်ပြုလိုက်တယ်။ အမှုမစစ်ခင် ဆိုဗက်စကီး ခရိုင်တရားရုံးက ချေပခွင့် လုံးဝ မပေးခဲ့ဘူး။ ရုရှားစကားနဲ့ ရေးထားတဲ့ စွဲချက် စာမျက်နှာ ၂,၅၀၀ ကို ကြည့်ဖို့ နှစ်ပတ်ခွင့်ပြုပေးခဲ့တယ်။ အမှုကို ၂၀၁၈၊ ဧပြီ ၃ ရက်၊ ၁၀:၃၀ နာရီမှာ ဆက်ကြားနာဖို့ တရားသူကြီး ရီနာဗ် ဆုံးဖြတ်ခဲ့တယ်။ လောလောဆယ်တော့ မစ္စတာ ခရစ်တန်ဆန်ကို ဆက်လက် ချုပ်ထားပါတယ်။