၂၀၂၂ ခုနှစ်၊ ဇွန် ၂၇ ရက်မှာ ပါစကော့ဒေသ၊ ဖေါခါစကီ ခရိုင်တရားရုံးက ညီအစ်ကို အလက်ဆီ ခါဘာရို့ဗ်ကို အပြစ်မရှိကြောင်း စီရင်ချက်ချလို့ ပြစ်မှုကနေ ကွင်းလုံးကျွတ် လွတ်သွားတယ်။

1. ၂၀၂၁၊ နိုဝင်ဘာ ၂၆ မှာ ပါစကော့ဒေသ၊ ဖေါခါစကီ ခရိုင်တရားရုံးက အလက်ဆီရဲ့ အယူခံကို သုံးသပ်ခဲ့တယ်။ အမှုကို မူလတရားရုံးဆီ ပြန်လွှဲအပ်လိုက်ပြီး နောက်တရားသူကြီးတစ်ဦးကို ကြားနာစေတယ်။ လောလောဆယ် သူ ထောင်ထဲ ဝင်စရာ မလိုပါ။

2. စက်တင်ဘာ ၇၊ ၂၀၂၁

   ပါစကော့ဒေသ၊ ဖေါခါစကီ ခရိုင်တရားရုံးက အလက်ဆီကို ဆိုင်းငံ့ ထောင်ဒဏ် ၃ နှစ် ချမှတ်လိုက်တယ်။

3. အောက်တိုဘာ ၂၉၊ ၂၀၂၀

   အလက်ဆီကို ပြစ်မှုနဲ့ အမှုဖွင့်တယ်။

4. ဩဂုတ် ၂၈၊ ၂၀၂၀

   အလက်ဆီကို “ဘာသာရေး ဝတ်ပြုစည်းဝေးတွေ လုပ်ဆောင်မှု” နဲ့ တရားစွဲတယ်။ အဲဒီလုပ်ဆောင်မှုမှာ ‘ကိုယ့်ယုံကြည်ချက်အကြောင်း ပြောဆိုခြင်း၊ ကျမ်းစာ ဖတ်ခြင်း၊ ကျမ်းစာအကြောင်း ဆွေးနွေးခြင်း၊ ဘာသာရေး သီချင်းတွေ သီဆိုခြင်း’ ပါဝင်တယ်။

5. ဖေဖော်ဝါရီ ၇၊ ၂၀၂၀

   အလက်ဆီကို ဒုတိယအကြိမ် စစ်ကြောမေးမြန်းတယ်။ ၂၀၁၈ ခုနှစ်က အလက်ဆီ ဖုန်းပြောတာတွေကို ကြားဖြတ်နားထောင်၊ အသံဖမ်းထားမှန်း အဲဒီအချိန်မှာ သိလိုက်ရတယ်။

6. ဇန်နဝါရီ ၃၁၊ ၂၀၂၀

   အလက်ဆီကို ပြစ်မှုနဲ့ စွဲချက်တင်ပြီး ကန့်သတ်ချက်တွေနဲ့ နေရတယ်။

7. မေ ၂၄၊ ၂၀၁၉

   အလက်ဆီက ပါစကော့ဒေသ လူ့အခွင့်အရေး စုံစမ်းစစ်ဆေးရေး အရာရှိဆီ စာတင်တယ်။ မိမိဟာ ပြစ်မှုကျူးလွန်သူ မဟုတ်ကြောင်း၊ ယုံကြည်ကိုးကွယ်သူသာ ဖြစ်ကြောင်း စာထဲမှာ ရှင်းပြတယ်။ စုံစမ်းစစ်ဆေးရေး အရာရှိကလည်း အလက်ဆီဟာ လွတ်လပ်စွာ သက်ဝင်ယုံကြည်ခွင့်၊ မိမိရဲ့ ယုံကြည်ချက်ကို ကျင့်သုံးနိုင်ခွင့် ရှိကြောင်း စာပြန်တယ်။

8. ဧပြီ ၃၊ ၂၀၁၉

   အလက်ဆီရဲ့ အိမ်ကို ဝင်ရောက်ရှာဖွေပြီး ပိုင်ဆိုင်ရာတွေကို သိမ်းယူသွားတယ်။ အရာရှိတွေက စစ်ဆေးမေးမြန်းကြတယ်။

ယေဟောဝါက မိမိရဲ့ သစ္စာရှိသူတွေကို “ရဲစွမ်းသတ္တိ ရှိ” အောင် ကူညီပေးမယ်ဆိုတာ အလက်ဆီလိုပဲ ကျွန်တော်တို့လည်း အကြွင်းမဲ့ ယုံကြည်တယ်။—ဆာလံ ၂၇:၁၄။