၂၀၁၇၊ သြဂုတ် ၂၅ ရက်၊ သောကြာ​နေ့ မနက်ပိုင်း အင်ဂိုလာ​နိုင်ငံ၊ လွမ်​ဒါ​မြို့ရှိ ယေဟောဝါ​သက်သေ​တို့ရဲ့ စည်းဝေးပွဲ​ခန်းမ​မှာ ခရိုင်​အစည်းအဝေး ကျင်းပ​နေစဉ် ခန်းမ​ကြီး​နဲ့ သီးခြား​အဆောက်အဦ​တွေကို မ​သ​မာ​သူတွေက အဆိပ်​ဓာတ်ငွေ့ လွှတ်​ခဲ့​တဲ့​အတွက် တက်ရောက်သူ ၄၀၅ ယောက်ဟာ သတိ​မေ့မြော သွားခဲ့​ကြတယ်။ ဓာတ်ငွေ့​က သိပ်​မ​ပြင်း​တဲ့​အတွက် အသေအပျောက်​တော့ မရှိခဲ့​ပါဘူး။ ဓာတ်ငွေ့​ဒဏ် ခံ​လိုက်ရ​သူတွေကို ဒေသခံ ဆေးရုံမှာ ခေါ်ဆောင်​ကုသ​ခဲ့​ပြီး နာရီ​ပိုင်း​အတွင်းမှာ ပြန်​ဆင်းလာ​နိုင်​ခဲ့​ပါတယ်။ ဒီ​အဖြစ်အပျက်​ကို ဒေသခံ အာဏာပိုင်တွေ​က စုံစမ်း​ခဲ့​ပြီး သောကြာ​နေ့ မွန်းလွဲပိုင်း​မှာ လူ​သုံးယောက်ကို ရဲတွေ​က ဖမ်းဆီး​ခဲ့​ပါတယ်။

ဓာတ်ငွေ့​ဒဏ် ခံ​လိုက်​ရသူ​အားလုံး ပြန်ကောင်း​လာပြီ​ဖြစ်ကြောင်း လွမ်​ဒါ​မှာ​ရှိတဲ့ ဌာနခွဲရုံး​က သတင်းပေး​ပို့ပါ​တယ်။ တက်ရောက်​သူတွေဟာ အထိတ်တလန့်​ဖြစ်​မသွား​ဘဲ ဒဏ်ရာ​ရသူတွေကို ဝိုင်းဝန်း​ကူညီ ပေးခဲ့တယ်လို့ မှတ်ချက်​ပေးခဲ့​ကြတယ်။ ဒေသခံ ရဲတွေ​ရဲ့ အကြံပြုချက်ကို လိုက်နာ​ပြီး ညနေပိုင်း စည်းဝေးပွဲ အစီအစဉ်ကို ဖျက်သိမ်း​ခဲ့​ပါတယ်။ ဒါပေမဲ့ စ​နေ​နဲ့ တနင်္ဂနွေ​နေ့ (သြဂုတ် ၂၆-၂၇) တွေ​မှာ ဘာ​ပြဿနာ​မှ​မရှိဘဲ စည်းဝေးပွဲ​ကို ဆက်​ကျင်းပ​နိုင်​ခဲ့​ပါတယ်။ အများဆုံး​တက်ရောက်သူ ၁၂,၀၀၀ ကျော်​ရှိခဲ့​ပြီး ၁၈၈ ဦး နှစ်ခြင်းခံခဲ့​ပါတယ်။

Media Contacts:

International: David A. Semonian, Office of Public Information, +1-845-524-3000

Angola: Todd Peckham, +244-923-166-760