၂၀၂၁၊ စက်တင်ဘာ ၂၅ မှာ မဿဲခရစ်ဝင်ကျမ်း ဒီဂျစ်တယ်ပုံစံကို မုံဘာသာစကားနဲ့ ထုတ်ဝေလိုက်ပါတယ်။ အုပ်ချုပ်ရေး အဖွဲ့ဝင် ညီအစ်ကို ဂျက်ဖရီ ဂျက်ဆင်က အွန်လိုင်း အထူးအစည်းအဝေးမှာ ကျမ်းစာကို ထုတ်ဝေပေးတယ်။ အစီအစဉ် တိုက်ရိုက်ထုတ်လွှင့်မှုကို ပရိသတ် ၂,၅၀၀ ကျော် ကြည့်ရှုခဲ့ကြတယ်။

ဒါဟာ မုံဘာသာသာစကားနဲ့ ထုတ်ဝေတဲ့ ပထမဆုံး ကမ္ဘာသစ်ဘာသာပြန်ကျမ်း ဖြစ်တယ်။ ကမ္ဘာတစ်ဝန်းမှာ မုံဘာသာစကားကို ပြောဆိုသူ ၃.၉ သန်းကျော် a ရှိတယ်။ မုံလူမျိုးတွေဟာ သဘာဝတရားနဲ့ နတ်ဘုရားတွေကို ကိုးကွယ်ကြတယ်။

၁၉၇၀ ခုနှစ်နောက်ပိုင်း မုံလူမျိုးတွေဟာ ထိုင်းနိုင်ငံ ဒုက္ခသည်စခန်းမှာ လာခိုလှုံကြတယ်။ အဲဒီနောက် ဒုက္ခသည်များစွာဟာ အနောက်နိုင်ငံတွေ၊ အများစုကတော့ အမေရိကန်ပြည်ထောင်စုမှာ အခြေချ နေထိုင်ခွင့် ရကြတယ်။

အခုအချိန်မှာ အမေရိကန်ပြည်ထောင်စုက မုံလူမျိုးတွေဟာ ကယ်လီဖိုးနီးယား၊ မင်နီစိုတာ၊ ဝစ္စကွန်ဆင်တို့မှာ အနေများတယ်။ ယေဟောဝါသက်သေတွေဟာ ၂၀၀၇ ကတည်းက မုံဘာသာစကားနဲ့ ဘာသာပြန်တယ်။ ၂၀၁၂ မှာ ကယ်လီဖိုးနီးယား၊ စခရာမန်တိုမြို့မှာ ဘာသာပြန်ရုံးခွဲ တည်ဆောက်တယ်။

ဘာသာပြန်အဖွဲ့က မဿဲကျမ်းကို သုံးလအတွင်း အပြီး ဘာသာပြန်ခဲ့တယ်။ နိုင်ငံပေါင်း ငါးနိုင်ငံကနေ စာပြင်စာစစ်အဖွဲ့က ကူညီပေးတယ်။

ဘာသာပြန်အဖွဲ့က ဒီပရောဂျက်အတွင်း ထူးခြားတဲ့ အခက်အခဲတွေ ရင်ဆိုင်ရတယ်။ ၁၉၅၀ ပြည့်နှစ်နောက်ပိုင်းမှ အရေးဘာသာစကား ဖြစ်လာတဲ့ မုံဘာသာစကားမှာ စံသတ်မှတ်ထားတဲ့ စာလုံးပေါင်း၊ အက္ခရာ စာလုံးကြီးတွေ မရှိဘူး။

၁၉၈၀ ပြည့်လွန်နှစ်တွေကျမှာ ဒီဘာသာစကားနဲ့ ဘာသာပြန်ကျမ်းကို ရနိုင်တယ်။ ဒါပေမဲ့ စျေးကြီးတဲ့အတွက် မုံဘာသာသာစကားပြောသူတွေ မဝယ်နိုင်ကြဘူး။ တိကျမှန်ကန်မှု မရှိလို့ ကျမ်းစာကို နားလည်ရခက်တဲ့ အချက်တွေလည်း ပါတယ်။ ဥပမာ၊ ဘာသာပြန်ကျမ်းတစ်စောင်မှာ ဘုရားရဲ့ နာမည် ယေဟောဝါဆိုတဲ့နေရာမှာ မုံလူမျိုးတွေရဲ့ ရှေးအစဉ်အလာထဲက ပုဂ္ဂိုလ်တစ်ဦး နာမည်ကို ထည့်ထားတယ်။

ဘာသာပြန်တစ်ယောက်က “မုံဘာသာစကားနဲ့ ကမ္ဘာသစ်ဘာသာပြန်ကျမ်းကြောင့် စိတ်ရင်းမှန်သူတွေ ကိုယ့်ကျမ်းစာမှာ ယေဟောဝါရဲ့ နာမည်ကို ဖတ်နိုင်ပြီး ဘုရားမိတ်ဆွေ ဖြစ်ခွင့် ရနိုင်ကြပြီ။ ဒီအတွက် နှစ်ပေါင်းများစွာ ဆုတောင်းပြီး စောင့်လာခဲ့ကြတာ” လို့ ပြောတယ်။

ဒီကျမ်းရဲ့ တိကျမှု၊ နားလည်ရ လွယ်ကူမှုကိုလည်း စာဖတ်သူတွေ ချီးကျူးထားတယ်။ တစ်ယောက်က “မဿဲကျမ်းကို ဖတ်တဲ့အခါ အံ့သြလိုက်တာ။ ဒီကျမ်းက စိတ်ခံစားချက်တွေ အများကြီး ထွက်ပေါ်စေတယ်။ ကျမ်းစာမှတ်တမ်းတွေကို အသက်ဝင်စေတယ်” လို့ ပြောတယ်။

ကမ္ဘာသစ်ဘာသာပြန်ကျမ်းကို မုံဘာသာစကားနဲ့ ထုတ်ဝေလိုက်တာက မျက်နှာမလိုက်တဲ့ ဘုရားသခင်က မိမိရဲ့ တရားစကားကို ရှာဖွေသူတိုင်း ရနိုင်ဖို့ စီမံပေးမယ်ဆိုတာ စိတ်ချစေတယ်။—တမန်တော် ၁၀:၃၄၊ ၃၅။