ဇွန် ၁၇၊ ၂၀၀၂—ယေဟောဝါသက်သေတွေရဲ့ အမှုဆောင်လုပ်ငန်းဟာ ဥပဒေနဲ့ ညီတယ်ဆိုပြီး ၁၉၄၀ ပြည့်လွန်နှစ်တွေတုန်းက ဆုံးဖြတ်ခဲ့တာကို အမေရိကန်ပြည်ထောင်စု တရားရုံးချုပ် ပြန်လည်အတည်ပြု (နယူးယောက် ကင်းမျှော်စင် သမ္မာကျမ်းစာနဲ့ ဝေစာအသင်းနဲ့ စထရက်တန်ရွာအမှု)

ဩဂုတ် ၁၉၉၈—အမေရိကန်ပြည်ထောင်စုမှာ ယေဟောဝါသက်သေတွေရဲ့ အရေအတွက် တစ်သန်းကျော်သွား

ဧပြီ ၁၅၊ ၁၉၉၂—ပေတာနှင့် ပေတာအမှုမှာ အိုဟိုင်အိုပြည်နယ် တရားရုံးချုပ်က အထက်တရားရုံး စီရင်ချက်တွေကို အတည်ပြုပြီး မိဘဖြစ်သူရဲ့ ဘာသာတရားကြောင့် ကလေးအုပ်ထိန်းခွင့် ပိတ်ပင်ဖို့ အောက်တရားရုံးမှာ လုပ်ခွင့်မရှိဘူးဆိုပြီး ဆုံးဖြတ်

အောက်တိုဘာ ၃၀၊ ၁၉၈၅—လွတ်လပ်စွာဆုံးဖြတ်ပိုင်ခွင့်နဲ့ ဘာသာရေးလွတ်လပ်ခွင့်အရ သွေးမဲ့ဆေးကုသမှု ခံယူခွင့်ရှိတယ်ဆိုပြီး မစ်စစ္စပီပြည်နယ် တရားရုံးချုပ် ဆုံးဖြတ် (ဘရောင်းအမှု)

ဩဂုတ် ၃၁၊ ၁၉၇၂—စဉ်းစားချင့်ချိန်နိုင်တဲ့ အရွယ်ရောက်သူတစ်ဦးဟာ သွေးမသွင်းဖို့ ငြင်းဆန်ခွင့်ရှိတယ်၊ အဲဒီအခွင့်အရေးကို ပြည်နယ်အစိုးရက လေးစားရမယ်ဆိုပြီး ကိုလံဘီယာခရိုင် အယူခံတရားရုံး ဆုံးဖြတ် (အာ့ဇ်ဘွန်းအမှု)

နိုဝင်ဘာ ၃၀၊ ၁၉၅၃—ယေဟောဝါသက်သေ အချိန်ပြည့်အမှုဆောင်တစ်ယောက်ဟာ ဝမ်းစာရှာအလုပ် လုပ်ပေမဲ့ စစ်မှုထမ်းခြင်းကနေ ကင်းလွတ်ခွင့်ရတယ်ဆိုပြီး အမေရိကန်ပြည်ထောင်စု တရားရုံးချုပ် ဆုံးဖြတ် (ဒစ်ကင်ဆင်နဲ့ အမေရိကန်ပြည်ထောင်စုအမှု)

၁၉၄၄—ယေဟောဝါသက်သေတွေအပေါ် နှိပ်စက်ညှဉ်းပန်းမှု လျော့ကျလာ

ဇွန် ၁၄၊ ၁၉၄၃—အမေရိကန်ပြည်ထောင်စု တရားရုံးချုပ်က ဂိုဗိုင်းတပ်စ်အမှု စီရင်ထုံးကို ပယ်ဖျက်။ ယေဟောဝါသက်သေကျောင်းသားတွေကို အလံအလေးပြုဖို့၊ သစ္စာအဓိဋ္ဌာန် ဆိုဖို့ တောင်းဆိုခြင်းဟာ သူတို့ရဲ့ လွတ်လပ်စွာပြောဆိုခွင့်၊ ဘာသာရေးလွတ်လပ်ခွင့်ကို ချိုးဖောက်ရာရောက်ကြောင်း တရားရုံးချုပ် ဆုံးဖြတ် (အနောက်ဗာဂျီးနီးယား ပညာရေးဘုတ်အဖွဲ့နဲ့ ဘားနက်အမှု)

မေ ၃၊ ၁၉၄၃—လိုင်စင်ဝယ်ထားသူတွေပဲ ဘာသာရေးစာပေတွေ ဝေငှနိုင်တယ်ဆိုပြီး ယေဟောဝါသက်သေတွေအပေါ် ချမှတ်ထားတဲ့အမိန့်ဟာ ပျက်ပြယ်ကြောင်း အမေရိကန်ပြည်ထောင်စု တရားရုံးချုပ် ကြေညာ (မားဒေါ့ခ်နှင့် ပင်စီဗေးနီးယားပြည်နယ်အမှု)

ဇွန် ၃၊ ၁၉၄၀—အစိုးရကျောင်းမှာတက်တဲ့ ကျောင်းသားတွေ အလံအလေးပြုရမယ်ဆိုတဲ့ ဥပဒေကို အမေရိကန်ပြည်ထောင်စု တရားရုံးချုပ် အတည်ပြု (မိုင်နာစ်ဗီးလ်ကျောင်းနယ်မြေနဲ့ ဂိုဗိုင်းတပ်စ်အမှု)၊ ရလဒ်အနေနဲ့ ယေဟောဝါသက်သေတွေ နှိပ်စက်ညှဉ်းပန်းခံရ

မေ ၂၀၊ ၁၉၄၀—လွတ်လပ်စွာဝတ်ပြုကိုးကွယ်ခွင့်ကို ကာကွယ်ပေးတဲ့ ဥပဒေကို ပြည်နယ်အစိုးရ၊ ဒေသခံအာဏာပိုင်တွေ လေးစားရမယ်လို့ ဦးဆုံးအကြိမ်အဖြစ် အမေရိကန်ပြည်ထောင်စု တရားရုံးချုပ် ဆုံးဖြတ်၊ ယေဟောဝါသက်သေတွေရဲ့ အမှုဆောင်လုပ်ငန်းဟာ ငြိမ်ဝပ်ပိပြားမှုကို မထိခိုက်ကြောင်း ဆုံးဖြတ် (ကန့်ဝဲလ်နဲ့ ကော်နက်တီကပ်ပြည်နယ်အမှု)

မတ် ၂၈၊ ၁၉၃၈—စာပေတွေ မဝေငှခင် ခွင့်ပြုချက်ယူရမယ်ဆိုပြီး ယေဟောဝါသက်သေတွေအပေါ် ချမှတ်ထားတဲ့အမိန့်ဟာ ပျက်ပြယ်ကြောင်း အမေရိကန်ပြည်ထောင်စု တရားရုံးချုပ် ကြေညာ (လော်ဗယ်နှင့် ဂရစ်ဖန်မြို့အမှု)

ဇူလိုင် ၂၆၊ ၁၉၃၁—ယေဟောဝါသက်သေများဆိုတဲ့ နာမည်ကို ကျမ်းစာကျောင်းသားတွေ ပြောင်းလဲခံယူ

မေ ၁၄၊ ၁၉၁၉—ပင်စီဗေးနီးယား ကင်းမျှော်စင် သမ္မာကျမ်းစာနှင့်ဝေစာအသင်းရဲ့ အဓိကအဖွဲ့ဝင်တွေကို အပြစ်ရှိကြောင်း စီရင်ခဲ့တဲ့ ဆုံးဖြတ်ချက်ကို ပြောင်းလဲ၊ နောက်ပိုင်းမှာ သူတို့ကို အပြစ်မဲ့ကြောင်း ကြေညာ

ဇွန် ၂၀၊ ၁၉၁၈—စစ်ပွဲကို ဆန့်ကျင်တဲ့စာပေတွေ ထုတ်ဝေတယ်ဆိုတဲ့ စွပ်စွဲချက်နဲ့ ပင်စီဗေးနီးယား ကင်းမျှော်စင် သမ္မာကျမ်းစာနှင့် ဝေစာအသင်းရဲ့ အဓိကအဖွဲ့ဝင်တွေ အပြစ်ရှိကြောင်း စီရင်ခံရပြီး ထောင်ချခံရ

မတ် ၄၊ ၁၉၀၉—ဟောပြောသူများအသင်း (နောက်ပိုင်း နယူးယောက် ကင်းမျှော်စင် သမ္မာကျမ်းစာနဲ့ ဝေစာအသင်းလို့ ပြောင်းလဲ) ကို ဖွဲ့စည်း

ဇန်နဝါရီ ၃၁၊ ၁၉၀၉—ကျမ်းစာကျောင်းသားတွေရဲ့ ဌာနချုပ်ကို နယူးယောက်မြို့၊ ဘရွတ်ကလင်မှာ ပြောင်းလဲဖွင့်လှစ်

ဒီဇင်ဘာ ၁၅၊ ၁၈၈၄—တရားဝင် အသင်းအဖွဲ့ ဖွဲ့စည်း၊ နောက်ပိုင်း ပင်စီဗေးနီးယား ကင်းမျှော်စင် သမ္မာကျမ်းစာနှင့် ဝေစာအသင်း လို့ခေါ်ဆို

၁၈၈၀ ပြည့်လွန်နှစ်များ—ပင်စီဗေးနီးယားပြည်နယ်၊ အလက်ဂနီမြို့မှာ ကျမ်းစာကျောင်းသားတွေရဲ့ ဌာနချုပ်ရုံး ဖွင့်လှစ်

ဇူလိုင် ၁၈၇၉—အခုအချိန်မှာ ကင်းမျှော်စင်လို့ ခေါ်တဲ့ စာစောင်ကို ဦးဆုံးထုတ်ဝေ

၁၈၇၀—ပင်စီဗေးနီးယားပြည်နယ်၊ အလက်ဂနီမြို့မှာ ချားလ်စ် တေ့ဇ် ရပ်စယ်လ်နဲ့ အပေါင်းအပါတွေက ကျမ်းစာကို အဖွဲ့လိုက် လေ့လာကြ၊ သူတို့ကို ကျမ်းစာကျောင်းသားတွေလို့ လူသိများလာ