နေ့စွဲ– ဩဂုတ် ၁၆-၁၈၊ ၂၀၁၉

နေရာ– အမေရိကန်နိုင်ငံ၊ မစ်ဆူရီပြည်နယ်၊ စိန့်လူးဝစ်မြို့၊ အမေရိကန်စင်တာမှာရှိတဲ့ သည်ဒုန်း အားကစားကွင်း

ဘာသာစကား– အင်္ဂလိပ်၊ ခရိုအေးရှား

အများဆုံးတက်ရောက်သူ– ၂၈,၁၂၂

နှစ်ခြင်းခံသူ အရေအတွက်– ၂၂၄

အပြည်ပြည်ဆိုင်ရာ ကိုယ်စားလှယ် အရေအတွက်– ၅,၀၀၀

ဖိတ်ခေါ်ခံရတဲ့ ဌာနခွဲများ– အာဂျင်တီးနား၊ ဩစတြေးလျ အေးရှား၊ ဗြိတိန်၊ ကနေဒါ၊ ဗဟိုဥရောပ၊ ကိုလံဘီယာ၊ ခရိုအေးရှား၊ ချက်-ဆလိုဗက်၊ ဖင်လန်၊ ပြင်သစ်၊ ဂျပန်၊ ဖိလစ်ပိုင်၊ ပိုလန်၊ ပေါ်တူဂီ၊ စကင်ဒီနေးဗီးယား၊ ဆားဗီးယား၊ တောင်အာဖရိက

ဒေသခံတွေ့ကြုံမှု– မက်ထရိုလင့်ရထားလိုင်းက ဆက်သွယ်ရေး မန်နေဂျာဖြစ်တဲ့ မာတင် ဂေါ်လေ ဒီလို မှတ်ချက်ချတယ်– “တစ်ဦးတစ်ယောက်ကို ချစ်တယ်လို့ ပြောမယ်။ ဒါမှမဟုတ် တစ်စုံတစ်ရာကို ချစ်တယ်လို့ ပြောမယ်။ ဒါပေမဲ့ လက်တွေ့မပြသေးသရွေ့ တကယ်ချစ်တယ်လို့ ပြောလို့မရဘူး။ ခင်ဗျားတို့ကတော့ ချစ်ခြင်းမေတ္တာကို လုပ်ရပ်နဲ့ ပြကြတယ်။ ခင်ဗျားတို့က နှိမ့်ချသူတွေဖြစ်တယ်။ မေတ္တာက ခင်ဗျားတို့ကို နှိမ့်ချမှု ရှိစေတယ်။ မထောင်လွှားစေဘူး။ ကျွန်တော့်ရဲ့ ရင်ထိုးတံဆိပ်က ကျွန်တော်ဟာ မီးရထားဝန်ထမ်းဖြစ်ကြောင်း ဖော်ပြတယ်။ ခင်ဗျားတို့ဟာ ယေဟောဝါသက်သေတွေဖြစ်ကြောင်း ခင်ဗျားတို့ပြတဲ့ မေတ္တာက ဖော်ပြတယ်။”

ပို့ဆောင်ရေးကုမ္ပဏီ နောက်တစ်ခု (စိန့်လူးဝစ်မှာ စီးပွားရေးတိုးတက်ဖို့ လုပ်ဆောင်နေတဲ့ သယ်ယူပို့ဆောင်ရေး အေဂျင်စီ Bi-State Development) ရဲ့ ဆက်သွယ်ရေး မန်နေဂျာ ဂျယ်ရီ ဗလာလေ ဒီလို ပြောတယ်– “ခင်ဗျားတို့က အလုပ်ကိုပဲ စဉ်းစားတာမဟုတ်ဘူး။ ရောက်လာတဲ့ ကိုယ်စားလှယ်တွေ၊ ခင်ဗျားတို့နဲ့ တွဲအလုပ်လုပ်တဲ့သူတွေ၊ ပို့ဆောင်ရေးကလူတွေ အဆင်ပြေဖို့အတွက် စဉ်းစားပေးတယ်။ ခင်ဗျားတို့နဲ့ တွဲအလုပ်လုပ်သူတိုင်း အဆင်ပြေဖို့၊ အလုပ်တွေ ပိုအဆင်ပြေ ချောမွေ့ဖို့ ထည့်စဉ်းစားတယ်။”