အယ်လ်ဘားမား၊ ဖလော်ရီဒါ၊ ဂျော်ဂျီယာပြည်နယ်တို့မှာ ၂၀၁၉၊ မတ် ၃၊ တနင်္ဂနွေနေ့တုန်းက ပြင်းထန်တဲ့ လေဆင်နှာမောင်း တိုက်ခတ်မှုကြောင့် လူ ၂၃ ယောက် သေဆုံးပြီး လူများစွာ ထိခိုက်ဒဏ်ရာရခဲ့ကြပါတယ်။

ညီအစ်ကို/မတစ်ယောက်မှ သေဆုံးခြင်း မရှိဘူးလို့ အမေရိကန် ဌာနခွဲရုံးကနေ သတင်းရရှိပါတယ်။ ဒါပေမဲ့ ဂျော်ဂျီယာပြည်နယ်၊ ဖော့ဒ်ဗယ်လီမှာ လေဆင်နှာမောင်း တိုက်ခတ်စဉ် ညီအစ်မတစ်ယောက်ရဲ့အိမ် လုံးလုံး ပျက်စီးသွားပြီး ညီအစ်မ ထိခိုက်ဒဏ်ရာ ရသွားပါတယ်။ အနီးနား ဆေးရုံမှာ ဆေးကုသမှု ခံယူနေပါတယ်။ ညီအစ်ကို/မတွေရဲ့အိမ် ခြောက်လုံး ထိခိုက်ပျက်စီးပါတယ်။ တခြားလေးလုံးကတော့ လုံးလုံး ပျက်စီးသွားပါတယ်။ အဲဒီဒေသက တိုက်နယ်ကြီးကြပ်မှူးတွေရဲ့ ညွှန်ကြားမှုနဲ့ ကြေညာသူတွေဟာ ဘေးသင့် ညီအစ်ကို/မတွေကို အစားအစာ၊ နေစရာ၊ အဝတ်အထည်တွေ ထောက်ပံ့ပေးနေကြသလို ဒေသခံအကြီးအကဲတွေကလည်း ကျမ်းစာနဲ့ နှစ်သိမ့်အားပေးနေကြပါတယ်။

ဘေးသင့်ဒေသက ညီအစ်ကို/မတွေ ၂၀၁၉ နှစ်ချုပ်ကျမ်းချက်၊ “မစိုးရိမ်နဲ့။ ငါဟာ မင်းရဲ့ဘုရားသခင်ပါ” ကနေ နှစ်သိမ့်မှု ရကြဖို့ ကျွန်တော်တို့ ဆုတောင်းပေးနေကြပါတယ်။—ဟေရှာယ ၄၁:၁၀။