ဒီဇင်ဘာ ၁၁၊ ၂၀၁၉
အယ်လ်ဘေးနီးယား
အယ်လ်ဘေးနီးယား ဘာသာစကားနဲ့ ပြန်လည်တည်းဖြတ်ထာတဲ့ ကမ္ဘာသစ်ဘာသာပြန်ကျမ်း ထုတ်ဝေ
အယ်လ်ဘေးနီးယားနိုင်ငံ၊ တီရာနာမြို့၊ အာစလန် ရူစီ အားကစားခန်းမကြီးမှာ ကျင်းပတဲ့ အထူးအစည်းအဝေးတစ်ခုမှာ အုပ်ချုပ်ရေးအဖွဲ့ဝင် ညီအစ်ကို မာ့ခ် ဆန်ဒါစန်က ဘယ်လ်ဘေးနီးယား ဘာသာစကားနဲ့ ပြန်လည်တည်းဖြတ်ထားတဲ့ ကမ္ဘာသစ်ဘာသာပြန်ကျမ်းကို ၂၀၁၉၊ ဒီဇင်ဘာ ၈ ရက်နေ့မှာ ထုတ်ဝေလိုက်ပါတယ်။ a
အယ်လ်ဘေးနီးယားနိုင်ငံမှာ လူဦးရေ ၂.၉ သန်းခန့်ရှိတယ်။ ဒါပေမဲ့ ကမ္ဘာတစ်ဝန်းလုံးမှာ အယ်လ်ဘေးနီးယား ဘာသာစကားပြောသူ ၇.၆ သန်းခန့် ရှိတယ်။ ယေဟောဝါသက်သေတွေဟာ ဩစတြီးယား၊ ဘယ်လ်ဂျီယံ၊ ကနေဒါ၊ အင်္ဂလန်၊ ပြင်သစ်၊ ဂျာမနီ၊ ဂရိ၊ အီတလီ၊ မြောက်မက်ဆီဒိုးနီးယား၊ ဆွီဒင်၊ ဆွစ်ဇာလန်၊ တူရကီ၊ အမေရိကန်ပြည်ထောင်စုတို့မှာ အယ်လ်ဘေးနီးယား ဘာသာစကားပြော အသင်းတော်တွေ၊ အုပ်စုတွေကို ဖွဲ့စည်းထားပါတယ်။ ပြန်လည်တည်းဖြတ်ထားတဲ့ အယ်လ်ဘေးနီးယား ကျမ်းစာသစ်ဟာ အယ်လ်ဘေးနီးယားဌာနခွဲ နယ်မြေမှာရှိတဲ့ ကြေညာသူ ၅,၈၀၀ ကျော်အပြင် တခြားနိုင်ငံတွေမှာရှိတဲ့ အယ်လ်ဘေးနီးယား ဘာသာစကားပြောသူတွေအတွက်လည်း အကျိုးပြုပါလိမ့်မယ်။
ပြန်လည်တည်းဖြတ်ထားတဲ့ ကျမ်းစာမှာ နောက်ဆက်တွဲ၊ အောက်ခြေမှတ်ချက်၊ ခက်ဆစ်၊ မြေပုံ စတဲ့ အသွင်အပြင်တွေ ပါတယ်။ ယေဟောဝါရဲ့ တရားစကားကို ရိုးရှင်း၊ တိကျ၊ ရှင်းလင်းတဲ့ ခေတ်သုံးစကားနဲ့ ဘာသာပြန်ကျမ်းသစ်ရရှိကြတဲ့ အယ်လ်ဘေးနီးယားက ညီအစ်ကို၊ ညီအစ်မတွေနဲ့အတူ ကျွန်တော်တို့ ဝမ်းမြောက်ကြပါတယ်။—မဿဲ ၁၃:၁၆။
a ဘယ်လ်ဘေးနီးယား ဘာသာစကားနဲ့ ကမ္ဘာသစ်ဘာသာပြန်ကျမ်းတစ်အုပ်လုံးကို ၂၀၀၅ ခုနှစ်တုန်းက ထုတ်ဝေခဲ့တယ်။
ကြိုက်လို ကြိုက်ငြား အကြောင်းအရာများ
မေးလေ့ရှိတဲ့ မေးခွန်းများ
ယေဟောဝါသက်သေတွေမှာ ကိုယ်ပိုင်ကျမ်းစာ ရှိပါသလား
ကျမ်းစာလေ့လာတဲ့အခါ ဘာသာပြန်ကျမ်းအမျိုးမျိုးကို သုံးတာက အကျိုးအများကြီးရှိတယ်။ ကမ္ဘာသစ်ဘာသာပြန်ကျမ်းကို သုံးသင့်တဲ့ အချက်သုံးချက်ကို လေ့လာကြည့်ပါ။
