မေ ၂၊ ၂၀၁၇
အာဂျင်တီးနား
အာဂျင်တီးနားမှာ မိုးသည်းရေကြီးလို့ အပျက်အစီးများပြား
အာဂျင်တီးနားနိုင်ငံ၊ ဗျူနိုအေးရီးမြို့မှာ ၂၀၁၇၊ မတ် ၂၉ ရက်ကစပြီး ၂၀၁၇၊ ဧပြီ ၉ ရက်အထိ ဗျူနိုအေးရီးမြို့၊ ချာကို၊ ချူးဗစ်၊ ကာတာမာကာ၊ ဂျူးဂျွီ၊ မစ်စီရောနစ်၊ လာပန်ပါ၊ စာလ်တာ၊ စန်ကွမ်း၊ စန်တာခရုဇ်၊ စန်တာဖဲ၊ စင်တီယာဂို ဒီးလ်အက်စတာရို၊ တူခမန်စတဲ့ ဒေသတွေမှာ သဲကြီးမဲကြီး မိုးရွာသွန်းခဲ့တယ်။ ယေဟောဝါသက်သေတစ်ဦးမှ ထိခိုက်ဒဏ်ရာရတာ၊ သေကျေတာ မရှိကြောင်း အာဂျင်တီးနားနိုင်ငံမှာရှိတဲ့ ယေဟောဝါသက်သေတွေရဲ့ ဌာနခွဲရုံးက သတင်းပို့တယ်။
ချူးဗစ်နဲ့ စာလ်တာဒေသတွေဟာ မုန်တိုင်းဒဏ် အခံရဆုံးပဲ။ ချူးဗစ်ဒေသ၊ ကိုမိုဒိုရို ရီဗာဒါဗီယာမြို့မှာ ရက်အနည်းငယ်အတွင်း ရွာချတဲ့ မိုးရေဟာ တစ်နှစ်အတွင်း ရွာသွန်းတဲ့ မိုးရေပမာဏနဲ့ ညီတယ်။ သက်သေခံမိသားစု ၆၀ ကျော်ဟာ ဘေးကင်းရာကို ပြောင်းရွှေ့ခဲ့ရတယ်။ ဒါ့အပြင် နိုင်ငံတော်ခန်းမ (သို့) ဝတ်ပြုရာနေရာ နှစ်ခု (ချူးဗစ်ဒေသမှာ တစ်ခု၊ စာလ်တာဒေသမှာ တစ်ခု) ပျက်စီးသွားတယ်။ အာဂျင်တီးနားနိုင်ငံက ယေဟောဝါသက်သေတွေရဲ့ ဌာနခွဲရုံးဟာ အဲဒီဒေသနှစ်ခုစလုံးမှာ ကယ်ဆယ်ရေးလုပ်ငန်းတွေ လုပ်ဆောင်ဖို့ သဘာဝဘေးကယ်ဆယ်ရေးကော်မတီ ဖွဲ့စည်းခဲ့တယ်။ ကယ်ဆယ်ရေးလုပ်ငန်းဟာ အပတ်နဲ့ချီပြီး ကြာနိုင်တယ်။
Media Contacts:
International: David A. Semonian, Office of Public Information, +1-845-524-3000
Argentina: Omar A. Sánchez, +54-11-3220-5900