၂၀၂၁၊ ဇွန် ၂၇ ရက်နေ့မှာ ရောမအက္ခရာနဲ့ တမီလ် ကမ္ဘာသစ်ဘာသာပြန်ကျမ်းကို ထုတ်ဝေလိုက်ပါတယ်။ ၁၆ နိုင်ငံကနေ တမီလ် စကားပြော ညီအစ်ကို၊ ညီအစ်မတွေ အွန်လိုင်းအစည်းအဝေးကို တက်ရောက်ကြတယ်။

• ကမ္ဘာတစ်ဝန်းမှာ တမီလ်စကားပြော လူဦးရေ ၈၅ သန်း ရှိတယ်

• တမီလ်စကားပြော အသင်းတော် ၃၃၄ ခုနဲ့ အုပ်စု ၃၂ ခုမှာ ညီအစ်ကို၊ ညီအစ်မ ၂၀,၅၀၀ ကျော် အမှုဆောင်နေကြတယ်

• ဘာသာပြန်သူ ၅ ယောက်က ကျမ်းစာတစ်အုပ်လုံး အပြီးသတ်ဖို့ ၆ လကြာ အချိန်ယူခဲ့ရတယ်

၂၀၁၆၊ စက်တင်ဘာလမှာ တမီလ်အက္ခရာနဲ့ ကမ္ဘာသစ်ဘာသာပြန်ကျမ်းကို ထုတ်ဝေခဲ့တယ်။ ဒါကြောင့် ကမ္ဘာတစ်ဝန်းက တမီလ်စကားပြော အမှုဆောင်သူတွေအတွက် အများကြီး အထောက်အကူ ရခဲ့တယ်။ ဒါပေမဲ့ တမီလ်စကားပြောသူတချို့က တမီလ်အက္ခရာကို သိပ်မဖတ်တတ်ကြဘူး။ ရောမအက္ခရာနဲ့ ဖတ်ရတာကို ပိုသဘောကျတယ်။

ဘာသာပြန်သူတစ်ယောက်က ကိုယ်ပိုင်လေ့လာမှုနဲ့ပတ်သက်ပြီး ဒီလိုပြောပြတယ်- “တမီလ်အက္ခရာနဲ့ ကျမ်းစာဖတ်ရတာ သိပ်နားမလည်ဘူး။ အင်္ဂလိပ်ကျမ်းစာကို ဖတ်မှပဲ သဘောပေါက်တယ်။ အခုထွက်တဲ့ ကျမ်းစာအသစ်ကြောင့် ပိုပြီးနားလည်လာတယ်။”

ဒီဘာသာပြန်ကျမ်းကြောင့် ညီအစ်ကို၊ ညီအစ်မတွေက ဘုရားသခင့်နှုတ်ထွက်စကားကို “ဖတ်ရွတ်ဆင်ခြင်” နိုင်မယ်။ ကိုယ့်ရဲ့ ဘဝခရီး ပျော်ရွှင်အောင်မြင်နိုင်မယ့်အပြင် တခြားသူတွေကိုလည်း ကူညီပေးနိုင်မယ်။—ယောရှု ၁:၈။