၂၀၁၇ မတ်လ ၂၈၊ အင်္ဂါ​နေ့မှာ အပူပိုင်း ဆိုင်ကလုန်း​မုန်တိုင်း ဒက်​ဘီ​ဟာ ကွင်းစလန် ကမ်း​ရိုး​တမ်း မြောက်ပိုင်း​ကို တစ်​နာရီ ၁၆၃ မိုင်​နှုန်း​နဲ့ ဝင်ရောက် တိုက်ခတ်​ခဲ့​ပါတယ်။ အဆင့် ၄ ရှိတဲ့ ဆိုင်ကလုန်း မုန်တိုင်းဟာ သစ်ပင်​တွေ၊ အဆောက်အဦ​တွေကို ပျက်စီး​စေပြီး လှေ အပျက်အစီး​တွေကို မြို့ရဲ့ ကမ်းခြေတစ်လျှောက် ပျံ့​ကျဲ​ကုန်တယ်။ ဆိုင်ကလုန်း ဝင်​တိုက်ခတ်​ပြီးသွားတဲ့နောက် ကွင်းစလန်​တောင်ပိုင်း​နဲ့ န​ယူး​ဆော့​ဝဲ​လ်​မြောက်ပိုင်း​က မြို့တွေမှာ ရေး​ကြီး​ပြီး လူ​သောင်း​နဲ့​ချီ လျှပ်စစ်​ပြတ်တောက် သွားတယ်။

ကနဦး ရရှိတဲ့​သတင်းတွေ​အရ ယေဟောဝါ​သက်သေ​တစ်ယောက်မှ ပြင်းပြင်းထန်ထန် ဒဏ်ရာ​ရတာ​နဲ့ သေဆုံး​တာ မရှိပါ။ ဒါပေမဲ့ မုန်တိုင်း​ကြောင့် ယေဟောဝါသက်သေတွေရဲ့​အိမ် အများကြီး​ထိခိုက်​ခဲ့​ပြီး တစ်လုံး​ကတော့ လုံးဝ​ပျက်စီး​သွားတယ်။ ဝတ်ပြုတဲ့​နေရာ ခန်းမ ၂ လုံး​လည်း ပျက်စီး​သွားတယ်။

ဘေးဒုက္ခ​ရောက်တဲ့​သူတွေကို ကူညီ​ပေးဖို့ သြစတြေးလျ​နိုင်ငံမှာ​ရှိတဲ့ ယေဟောဝါ​သက်သေ ဌာနခွဲရုံး​က ထိခိုက်​တဲ့​ဒေသမှာ​ရှိ သူတွေ​အတွက် အရေးပေါ်​လုပ်ဆောင်ဖို့၊ မီးစက်​တွေ အစားအစာ​နဲ့ သောက်​ရေ​တွေ ထောက်ပံ့​ပေးဖို့ ဘေးဒုက္ခ​ကယ်ဆယ်ရေး​ကော်မတီ ၂ ခု​ကို ဖွဲ​စည်း​ခဲ့တယ်။ ဒေသခံ သက်သေခံ အမှုဆောင်​သူတွေကလည်း ယုံကြည်ခြင်း​တူ​သူတွေကို စိတ်ဓာတ်​ပိုင်း​နဲ့ ဘုရားရေးရာ အကူအညီ​တွေ ပေးနေ​ကြတယ်။

ယေဟောဝါသက်သေတွေရဲ့ အုပ်ချုပ်ရေး​အဖွဲ့က ကမ္ဘာ့​ဌာနချုပ်​ကနေ ဘေးအန္တရာယ် ကယ်ဆယ်ရေးအတွက် ကမ္ဘာချီ​အမှုဆောင်​လုပ်ငန်း​အတွက် ရန်ပုံငွေ​ကို အသုံးပြုပြီး အကူအညီ​ပေးနေ​ပါတယ်။

သတင်း​အချက်အလက် ဆက်သွယ်​ရန်-

နိုင်ငံတကာ- David A. Semonian, Office of Public Information, +1-845-524-3000

သြ​စ​တြေး​အေး​ရှား- Rodney Spinks, +61-2-9829-5600