ယေရှုဟာ မေရှိယဖြစ်ကြောင်း မေရှိယနဲ့ဆိုင်တဲ့ ပရောဖက်ပြုချက်တွေက သက်သေထူပါသလား
ကျမ်းစာအဖြေ
သက်သေထူပါတယ်။ မြေကြီးပေါ်ရှိစဉ် “လောကရဲ့ ကယ်တင်ရှင်” ဖြစ်လာမယ့် “ခေါင်းဆောင် မေရှိယ” နဲ့ပတ်သက်တဲ့ ပရောဖက်ပြုချက်များစွာ ယေရှုမှာ ပြည့်စုံခဲ့တယ်။ (ဒံယေလ ၉:၂၅။ ၁ ယောဟန် ၄:၁၄) ယေရှု သေဆုံးပြီးနောက်မှာတောင် မေရှိယပရောဖက်ပြုချက်တွေ ဆက်ပြည့်စုံခဲ့တယ်။—ဆာလံ ၁၁၀:၁။ တမန်တော် ၂:၃၄-၃၆။
“မေရှိယ” ဆိုတာ ဘာအဓိပ္ပာယ်လဲ
ဟီဘရူး စကားလုံး မာရှီအာခ် (မေရှိယ) နဲ့ အဓိပ္ပာယ်တူတဲ့ ဂရိစကားလုံး ခရစ္စတောစ် (ခရစ်တော်) ဆိုတာ “ဘိသိက်ပေးခံရသူ” လို့အဓိပ္ပာယ် ရှိတယ်။ ဒါကြောင့် “ယေရှုခရစ်” ဆိုတာ “ဘိသိက်ပေးခံရသူ ယေရှု” ဒါမှမဟုတ် “မေရှိယ ယေရှု” ဖြစ်တယ်။
ကျမ်းစာခေတ်တုန်းက လူတစ်ယောက်ကို အထူးအခွင့်အာဏာ အပ်နှင်းတဲ့အခါ ဦးခေါင်းကို ဆီလောင်းပြီး ဘိသိက်ပေးလေ့ရှိတယ်။ (ဝတ်ပြုရာ ၈:၁၂။ ၁ ရှမွေလ ၁၆:၁၃) ယေရှုကို ဘုရားက အခွင့်အာဏာကြီးတဲ့ မေရှိယအဖြစ် ဘိသိက်ပေးခဲ့တယ်။ (တမန်တော် ၂:၃၆) ဒါပေမဲ့ ယေရှုကို ဆီနဲ့ ဘိသိက်မပေးဘဲ သန့်ရှင်းသောစွမ်းအားတော်နဲ့ ဘိသိက်ပေးခဲ့တယ်။—မဿဲ ၃:၁၆။
မေရှိယနဲ့ဆိုင်တဲ့ ပရောဖက်ပြုချက်တွေဟာ လူတစ်ယောက်ထက်မကမှာ ပြည့်စုံနိုင်သလား
မပြည့်စုံနိုင်ပါဘူး။ လက်ဗွေရာတစ်ခုက လူတစ်ယောက်ကိုပဲ ရည်ညွှန်းသလို ကျမ်းစာပရောဖက်ပြုချက်တွေကလည်း မေရှိယ၊ ခရစ်တော် တစ်ယောက်တည်းကိုပဲ ရည်ညွှန်းတယ်။ ဒါပေမဲ့ “ခရစ်တော် အတုအယောင်တွေ၊ ပရောဖက် အတုအယောင်တွေ ပေါ်လာမယ်။ သူတို့က ဖြစ်နိုင်ရင် ရွေးချယ်ခံရသူတွေကိုတောင် လမ်းလွဲသွားအောင် အံ့ဖွယ်အမှုကြီးတွေ၊ ထူးဆန်းတဲ့အရာတွေ လုပ်ပြလိမ့်မယ်” လို့ ကျမ်းစာမှာ သတိပေးထားတယ်။—မဿဲ ၂၄:၂၄။
အနာဂတ်မှာ မေရှိယ ပေါ်ထွန်းနိုင်သလား
မပေါ်ထွန်းနိုင်ပါဘူး။ မေရှိယဟာ အစ္စရေးဘုရင် ဒါဝိဒ်ကနေ ဆင်းသက်လာမယ်လို့ ကျမ်းစာမှာ ကြိုဟောထားတယ်။ (ဆာလံ ၈၉:၃၊ ၄) ဒါပေမဲ့ ဂျူးတွေရဲ့ ဆွေစဉ်မျိုးဆက်မှတ်တမ်း အခု မရှိတော့ဘူး။ ဂျေရုဆလင်မြို့ကို ရောမတွေ အနိုင်ရချိန် အေဒီ ၇၀ မှာ ဖျက်ဆီးလိုက်တာ ဖြစ်နိုင်တယ်။ a အဲဒီအချိန်နောက်ပိုင်း ဘယ်သူကမှ ဒါဝိဒ်မင်းဆက်ကနေ ဆင်းသက်လာတယ်လို့ သက်သေ မပြနိုင်ကြတော့ဘူး။ ဒါပေမဲ့ ယေရှုခေတ်တုန်းက ဆွေစဉ်မျိုးဆက်မှတ်တမ်း ရှိနေသေးတဲ့အတွက် ယေရှုဟာ ဒါဝိဒ်ကနေ ဆင်းသက်ကြောင်း ပြောတဲ့အခါ ရန်သူတွေကတောင် ပြန်ပြဿနာ မရှာနိုင်ခဲ့ကြဘူး။—မဿဲ ၂၂:၄၁-၄၆။
ကျမ်းစာမှာ မေရှိယနဲ့ဆိုင်တဲ့ ပရောဖက်ပြုချက် ဘယ်နှစ်ခု ပါသလဲ
မေရှိယနဲ့ဆိုင်တဲ့ ပရောဖက်ပြုချက် အရေအတွက် အတိအကျကို မပြောနိုင်ဘူး။ ဥပမာ၊ ပရောဖက်ပြုချက်တွေကို ရေတွက်တဲ့နည်းလမ်း ကွဲပြားခြားနားနိုင်တယ်။ ဟေရှာယ ၅၃:၂-၇ မှာ မေရှိယနဲ့ပတ်သက်တဲ့ ပရောဖက်ပြုချက် အသွင်အပြင်များစွာ ဖော်ပြထားတယ်။ တချို့က ဒီကျမ်းတစ်ပိုဒ်လုံးကို ပရောဖက်ပြုချက်တစ်ခုအဖြစ် ရေတွက်ကြပေမဲ့ တချို့ကတော့ အသွင်အပြင်တစ်ခုစီကို ခွဲခြားပြီး ရေတွက်နိုင်တယ်။
ယေရှုမှာ ပြည့်စုံခဲ့တဲ့ မေရှိယဆိုင်ရာပရောဖက်ပြုချက် တချို့
ပရောဖက်ပြုချက် |
တွေ့ရတဲ့နေရာ |
ပြည့်စုံချက် |
|---|---|---|
အာဗြဟံ မျိုးနွယ် |
||
အာဗြဟံသား အိဇက် မျိုးနွယ် |
||
အစ္စရေး ယုဒမျိုးနွယ်ကနေ ဆင်းသက် |
||
ဘုရင်ဒါဝိဒ်ကနေ ဆင်းသက် |
||
အပျိုစင်ကနေ မွေးဖွား |
||
ဘက်သလီဟင်မြို့မှာ မွေးဖွား |
||
ဧမာနွေလ bလို့ နာမည်ပေး |
||
နိမ့်ကျတဲ့ အစ |
||
မွေးဖွားပြီးနောက် ကလေးငယ်တွေ အသတ်ခံရ |
||
အီဂျစ်ပြည်ကနေ ခေါ်ဆောင်ခံရ |
||
နာဇရက်မြို့သား cလို့ ခေါ်ကြ |
||
သူ့ရှေ့မှာ ပဋိညာဉ်တမန် ရှိ |
||
အေဒီ ၂၉ မှာ မေရှိယအဖြစ် ဘိသိက်ခံရ d |
||
ဘုရားရဲ့သား ဖြစ်ကြောင်း အသိအမှတ်ပြုခံရ |
||
ဘုရားအိမ်တော်အတွက် စိတ်ထက်သန် |
||
သတင်းကောင်း ကြေညာ |
||
ဂါလိလဲနယ်မှာ တောက်ပတဲ့အလင်း ထွန်းလင်း |
||
မောရှေလို အံ့ဖွယ်အမှုတွေ ပြုလုပ် |
||
မောရှေလို ဘုရားမှာထားတဲ့ စကားတွေ ပြော |
||
ဖျားနာသူတွေကို ကျန်းမာစေ |
||
ကိုယ့်ကို အာရုံစိုက်လာအောင် မလုပ် |
||
အနှိမ်ခံနေရသူတွေကို ထောက်ထားစာနာ |
||
ဘုရားရဲ့ တရားမျှတမှုကို ဖော်ထုတ် |
||
အကောင်းဆုံး အတိုင်ပင်ခံ |
||
ယေဟောဝါရဲ့ နာမတော်ကို ကြေညာ |
||
ဥပမာတွေ သုံးပြီး ဟော |
||
ခေါင်းဆောင်တစ်ဦး |
||
လူများစွာ ယုံကြည်မှာ မဟုတ် |
||
တိုက်မိလဲစေတဲ့ ကျောက် |
||
လူတွေရဲ့ ငြင်းပယ်မှု ခံရ |
||
အကြောင်းမဲ့ မုန်းတီးကြ |
||
ဂျေရုဆလင်မြို့ကို မြည်းစီးပြီး အောင်ပွဲခံ ဝင်ရောက် |
||
ကလေးတွေရဲ့ ချီးမွမ်း ခံရ |
||
ယေဟောဝါနာမတော်နဲ့ ကြွလာ |
||
ယုံကြည်စိတ်ချရသူ မိတ်ဆွေရင်းရဲ့ သစ္စာဖောက်မှု ခံရ |
||
ငွေ ၃၀ နဲ့ သစ္စာဖောက်ခံရ e |
||
မိတ်ဆွေတွေက စွန့်ပစ်ကြ |
||
မဟုတ်မမှန် သက်သေထွက်ဆိုကြ |
||
စွပ်စွဲသူတွေရှေ့ နှုတ်ဆိတ်နေ |
||
တံတွေး ထွေးခံရ |
||
ခေါင်းရိုက်ခံရ |
||
ကြာပွတ်နဲ့ ရိုက်ခံရ |
||
ရိုက်တဲ့သူတွေကို ခုခံမှာ မဟုတ် |
||
အစိုးရခေါင်းဆောင်တွေ ပူးပေါင်းကြံစည်ကြ |
||
ခြေလက်တွေကို သံရိုက်ခံရ |
||
ဝတ်လုံကို မဲချယူကြ |
||
အပြစ်သားတွေနဲ့အတူ ရေတွက်ခံရ |
||
ကဲ့ရဲ့ပြစ်တင်ခံရ |
||
အပြစ်သားတွေအတွက် ဒုက္ခခံ |
||
ဘုရားရဲ့ စွန့်ပစ်မှု ခံရပုံထွက် |
||
ဝိုင်အချဉ်ရည်၊ ဆေးခါးရောစပ်ထားတဲ့ဝိုင် တိုက် |
||
သေခါနီး ရေငတ် |
||
အသက်စွမ်းအားကို ဘုရားထံ အပ်နှံ |
||
အသက် စွန့်ပြီး ပေးဆက် |
||
အပြစ်ပယ်ရှားပေးဖို့ ရွေးဖိုး ပေး |
||
အရိုးချိုး မခံရ |
||
ထိုးဖောက်ခံရ |
||
သူဌေးတွေနဲ့ သင်္ဂြိုဟ်ခံရ |
||
သေခြင်းကနေ ထမြောက် |
||
သစ္စာဖောက်သူနေရာမှာ အစားထိုး |
||
ဘုရား ညာဘက်မှာ ထိုင် |
a မက္ကလင်းတော့နဲ့ စထရောင်း စွယ်စုံကျမ်းမှာ ဒီလို ဖော်ပြထားတယ်– “ဂျူးမျိုးနွယ်များနဲ့ မိသားစုတွေရဲ့ ဆွေစဉ်မျိုးဆက် မှတ်တမ်းတွေဟာ ဂျေရုဆလင်မြို့ ပျက်စီးချိန်မှာ ပျောက်ဆုံးသွားကြောင်း သေချာသလောက်ပါပဲ။ အဲဒီအချိန်မတိုင်မီအထိ ရှိနေသေးတယ်။”
b ဟီဘရူးနာမည် ဧမာနွေလဆိုတာ “ငါတို့နဲ့အတူ ဘုရားသခင် ရှိတယ်” လို့ အဓိပ္ပာယ် ရတယ်။ မြေကြီးပေါ် ရောက်ရှိနေခြင်းနဲ့ လုပ်ဆောင်မှုတွေက ဘုရားကို ဝတ်ပြုကိုးကွယ်သူတွေနဲ့အတူ ဘုရား ရှိကြောင်း သက်သေထူတယ်။—လုကာ ၂:၂၇-၃၂။ ၇:၁၂-၁၆။
c “နာဇရက်မြို့သား” ဆိုတဲ့ အသုံးအနှုန်းက “အတက်” လို့အဓိပ္ပာယ်ရှိတဲ့ ဟီဘရူးစကားလုံး နက်ဆာ ကနေ ဆင်းသက်လာပုံ ရတယ်။
d အေဒီ ၂၉ ဟာ မေရှိယ ပေါ်ထွန်းတဲ့နှစ် ဖြစ်ကြောင်း ကျမ်းစာ ခုနှစ်သက္ကရာဇ် တွက်ချက်ပုံ အသေးစိတ်ကို “ဒံယေလရဲ့ ကြိုတင်ဟောကြားချက်မှာ မေရှိယပေါ်ထွန်းခြင်းအကြောင်း ကြိုဟောထားပုံ” ဆောင်းပါးကို ကြည့်ပါ။
e ဇာခရိကျမ်းမှာ ဒီပရောက်ဖက်ပြုချက် ပါပေမဲ့ ကျမ်းရေးသူက “ပရောဖက် ယေရမိကတစ်ဆင့် ပြောခဲ့တဲ့ ဒီစကားတွေ” လို့ ဖော်ပြခဲ့တယ်။ (မဿဲ ၂၇:၉) တစ်ချိန်က “ပရောဖက်ကျမ်းတွေ” လို့ ခေါ်ဆိုတဲ့ ကျမ်းစာအပိုင်းမှာ ယေရမိကျမ်းက ရှေ့ဆုံးမှာ ပါလို့ ဖြစ်နိုင်တယ်။ (လုကာ ၂၄:၄၄) မဿဲက “ယေရမိ” လို့ပြောတဲ့အခါ ဇာခရိကျမ်း ပါဝင်တဲ့ အဲဒီကျမ်းတစ်ပိုင်းလုံးကို ရည်ညွှန်းတာ ဖြစ်မယ်။
ကြိုက်လို ကြိုက်ငြား အကြောင်းအရာများ
နိုးလော့!
မေရှိယနဲ့ပတ်သက်ပြီး သမ္မာကျမ်းစာပြောဆိုရာ
မေရှိယဟာ တာဝန်အားလုံးလုပ်လို့မပြီးခင် လူသားအဖြစ်ကနေ သေဆုံးသွားမယ်လို့ ကျမ်းစာမှာ ကြိုပြောထားတာကို သင် သိပါသလား။
ကင်းမျှော်စင်
ယေရှု ဘာကြောင့် သေရတာလဲ
နိုးလော့!
ဂျူးအမျိုးသမီးတစ်ဦးက သူ့ရဲ့ဘာသာရေးယုံကြည်ချက်ကို ဘာကြောင့် ပြန်ဆန်းစစ်ခဲ့သလဲဆိုတာ ရှင်းပြ
ယေရှုဟာ သူစောင့်မျှော်နေတဲ့ မေရှိယဖြစ်တယ်လို့ ရာခယ် ဟော ကို ဘာကယုံကြည်စိတ်ချစေသလဲ
သမ္မာကျမ်းစာ သွန်သင်ချက်များ
ကျမ်းစာလေ့လာမှုကို စမ်းကြည့်ပါ
ကျမ်းစာသင်ပေးသူနဲ့အတူ ကျမ်းစာကို အခမဲ့ လေ့လာပါ။