Bokikely Feno Sarintany
Misy sarintany feno tsipiriany ao amin’ilay bokikely hoe ‘Jereo Ilay Tany Soa’, ary hanampy anao hanao fikarohana lalina kokoa rehefa mianatra samirery ny Baiboly ianao. Betsaka ny toerana sy tanàna resahin’ny Baiboly. Hanampy anao haka sary an-tsaina an’izay vakinao ilay bokikely hoe ‘Jereo Ilay Tany Soa’ sady ho hitanao hoe taiza ho aiza ilay izy no nitranga. Ho azonao koa ny fizotran’ny tantara sasany rehefa fantatrao tsara hoe manao ahoana ilay toerana nitrangany.
Feno tabilao sy sarintany miloko ahitana ny faritra samihafa voaresaka ao amin’ny Baiboly ilay bokikely hoe ‘Jereo Ilay Tany Soa.’ Misy kisarisary, sary namboarina tamin’ny ordinatera, ary zavatra hafa be dia be koa ao, mba hahatonga ny fianaranao hahafinaritra.
Hanampy anao io bokikely io mba...
hahazo an-tsaina ny dia nataon’i Abrahama sy Isaka ary Jakoba
hahita ny lalana nalehan’ny Israelita, rehefa niala tany Ejipta hankany amin’ny Tany Nampanantenaina izy ireo
hahita hoe taiza ho aiza tamin’ny fahavalony no nisy ny Israelita
hahita hoe taiza avy ny lalana nalehan’i Jesosy nandritra ny fanompoany
hahazo an-tsaina ny haben’ny faritanin’ny fanjakana resahin’ny Baiboly, ohatra hoe Babylona, Gresy, na Roma
Azonao jerena maimaim-poana ao amin’ny FITEHIRIZAM-BOKIN’NY Vavolombelon’i Jehovah io bokikely feno sarintany io.
Mety ho Tianao Koa
FITAOVANA FIANARANA BAIBOLY
Andinin-teny ho An’ny Andro
Misy andinin-teny fohy miaraka amin’ny fanazavana azy, ao amin’ny Fandinihana ny Soratra Masina Isan’andro.
FITAOVANA FIANARANA BAIBOLY
Rakipahalalana Ara-baiboly
An’arivony ny fanazavana ho hitanao ao amin’ny Fandalinana ny Soratra Masina sady amin’ny an-tsipiriany. Hazavainy ao ny momba ny olona, toerana, zavamaniry, biby, zava-nitranga niavaka, ary fomba fiteny ao amin’ny Baiboly. Raha maka an’io rakipahalalana io ianao dia hahita sarintany sy sary ary fanondroana foto-kevitra sy fanondroana andininy.
FITAOVANA FIANARANA BAIBOLY
Famintinana ny Baiboly
Manampy anao hahazo ny loha hevitry ny Baiboly manontolo ilay bokikely hoe Inona no Voalaza ao Amin’ny Baiboly? ary fintinina ao izay lazain’ny Baiboly.