Fahatsiarovana ny Nahafatesan’i Jesosy
Asabotsy 12 Aprily 2025
Mahatsiaro ny nahafatesan’i Jesosy ny Vavolombelon’i Jehovah, indray mandeha isan-taona. Nanome baiko mantsy i Jesosy hoe: “Ataovy foana izao ho fahatsiarovana ahy.”—Lioka 22:19.
Asainay ianao hanatrika an’io fotoan-dehibe io.
Fanontaniana Fametraky ny Olona
Adiny firy ilay fandaharana?
Adiny iray eo ho eo.
Aiza ilay izy no hatao?
Miresaha amin’ny Vavolombelon’i Jehovah mba hahalalanao hoe aiza no hatao ny eny akaikinareo.
Misy vidim-pidirana ve?
Tsia.
Misy fanantazan-drakitra ve?
Tsia.
Hoatran’ny ahoana ny akanjo tokony hanaovana?
Tsy misy karazan’akanjo manokana tsy maintsy anaovana. Na izany aza, dia miezaka manaraka ny torohevitry ny Baiboly ny Vavolombelon’i Jehovah, izany hoe manao akanjo maotina sy manaja ny hafa. (1 Timoty 2:9) Tsy voatery hianjaika be ianao na hanao akanjo lafo vidy.
Hoatran’ny ahoana ny fizotran’ilay Fahatsiarovana?
Atomboka sy faranana amin’ny hira sy vavaka ilay fivoriana, ary Vavolombelon’i Jehovah iray no hanao ny vavaka. Lahateny na toriteny iray no tena hisongadina amin’ilay Fahatsiarovana. Horesahina amin’ilay lahateny hoe nahoana no zava-dehibe ny nahafatesan’i Jesosy, ary inona no azontsika atao mba handraisantsika soa avy amin’izay nataon’Andriamanitra sy Kristy ho antsika.
Raha mila tsipiriany fanampiny, dia vakio ilay lahatsoratra hoe “Nahoana no Tsy Mitovy Amin’ny An’ny Fivavahana Hafa ny Fomba Ankalazan’ny Vavolombelon’i Jehovah ny Sakafo Harivan’ny Tompo?”
Rahoviana ny Fahatsiarovana manaraka?
2025: Asabotsy 12 Aprily
2026: Alakamisy 2 Aprily
Mety ho Tianao Koa
FAHATSIAROVANA
Tsarovy ny Nahafatesan’i Jesosy
Asainay ianao hahatsiaro an’io fotoan-dehibe io miaraka aminay. Ho hitanao any hoe nahoana no mahasoa anao ny fiainan’i Jesosy sy ny nahafatesany.
FAMPIANARAN’NY BAIBOLY TENA ILAINA
Inona no Antony Nahafatesan’i Jesosy?
Efa fantatrao angamba hoe maty noho ny fahotantsika i Jesosy. Sorona iray ve anefa dia afaka mamonjy olona an-tapitrisany?