Mpiasa handeha hampidina fitaovana ao amin’ny Farihy Sterling Forest (Farihy Manga). Iny no manakana ny fako lehibe tsy ho lasa ao.

Ekipa mampiasa teknika fametahana simenitra amin’ny arofanina, eny amin’ny tafon’ny trano fikojakojana. Haingana kokoa noho ilay teknika mahazatra fandrarahana simenitra izy io.

Maka sary ny asa atao amin’ilay fanorenana ny mpaka sary iray ao amin’ny Sampan-draharahan’ny Firaketana. Mijery an’ireny sary ireny ny Filan-kevi-pitantanan’ny Vavolombelon’i Jehovah isan-kerinandro mba hahitana ny fandrosoan’ny asa.

Mpiasa an-tsitrapo roa avy any amin’ny faritra atsimon’i Kalifornia tonga mba hiasa ao amin’ny Sampan-draharahan’ny Fanamboarana Fantsona. An-jatony, tamin’io andro io, no tonga tao Tuxedo, izay toerana iaingan’ny asa fanorenana any Warwick. Tamin’ny 1 Aogositra no betsaka indrindra ny mpiasa vaovao tonga tao, satria nahatratra 707 be izao izy ireo.

Mpiasa karamaina mampiasa milina fibatana entana mba hametrahana ampahana rindrina. Ny Trano fonenana B no trano fonenana farany nametrahana varavarankely sy rindrina.

Mpiasa karamaina mametraka ny tetezana mampitohy ny trano fonenana C sy D.

Mpanao zaridaina mametraka bozaka eo amin’ny faritra andrefan’ilay toerana.

Havaozina ilay fivarinan’ny rano taloha, izay mifandray amin’ilay tohodrano. Talohan’ny 1960 ilay izy no namboarina. Mihabetsaka anefa ny tafio-drivotra sy ny orana any izao. Havaozina àry ilay izy mba tsy ho tratran’ny tondra-drano ilay toerana ao Warwick sy ny manodidina azy.

Mitohy hatramin’ny alina ny asa atao any anatin’ny trano, ohatra hoe ny fandokoana sy ny famonosana fantsona, mba tsy ho be loatra ny olona indray mivezivezy eo amin’ilay toerana. An-jatony no nasaina niditra tamin’ny 3.00 hariva dia nirava tamin’ny 2.00 maraina.

Fampiofanana momba ny famonosana fantsona.

Lokoana ilay tetezana mampitohy ny trano fonenana B sy ny trano fikojakojana.

Mpiasa maromaro eo amin’ny parking miandry ny fiara hitondra azy ireo any Warwick. Misy bisy maka sy manatitra azy ireo isan’andro.

Mpiasa telo mihety volo. Misy fanetezam-bolo any Tuxedo sy any Warwick ary any amin’ny fanatobiana entana any Montgomery, ary mpiasa 400 mahery no mihety volo any isan-kerinandro.

Fanorenana toerana fitrandrahana angovo avy any ambanin’ny tany. Misy lavaka 120 eo amin’io toerana io ary 150 metatra eo ho eo ny halaliny. Ireo lavaka ireo no hitrandrahana angovo mba hanome hafanana bebe kokoa rehefa ririnina ary hanome hatsiaka rehefa mafana. Mampihena ny vola lany izany sady tsy dia manimba ny tontolo iainana.

Eto no raisina ny entana novidina. Arafitra izy ireny avy eo mba ho lasa fitaovana vonona hampiasaina any Warwick.

Miara-misakafo amin’ny fianakaviana iray ny mpiasa roa any Warwick (faharoa sy fahatelo avy eo ankavanana). Fianakaviana Vavolombelon’i Jehovah maro no mampiantrano mpiasa an-tsitrapo mandray anjara amin’ilay fanorenana.

Mpiasa iray mampiasa fitaovana mba hahitana hoe aiza no marin-tampona ary aiza no misolampy.

Voapetaka ny fitaratra ao amin’ny efitra fandraisana ny mpitsidika.

Napetaka ny tafo sy ny rindrina tamin’ny trano fonenana B, tamin’ny volana Mey ka hatramin’ny Aogositra. Io no trano fonenana natao farany. Efa napetraka daholo koa ny tetezana mampifandray an’ireo trano, ary efa natomboka ny fanamboarana ny endrik’ilay toerana.