Tononkiran’i Solomona 2:1-17

Hamoaka ny Soratra Hanafina ny Soratra

  • Ankizivavy (1)

    • ‘Voninkazodia aho’

  • Mpiandry ondry (2)

    • ‘Toy ny lisy ny malalako’

  • Ankizivavy (3-14)

    • ‘Avelao ny fitiavana hitsiry ho azy’ (7)

    • Tenin’ilay mpiandry ondry (10b-14)

      • “Andao hiaraka amiko, ry ilay tsara tarehiko” (10b, 13)

  • Anadahin’ilay ankizivavy (15)

    • “Sambory ny amboadia”

  • Ankizivavy (16, 17)

    • “Ahy ny malalako, ary azy aho” (16)

2  “Voninkazodia* eny amin’ny lemaka amoron-tsiraka ihany aho,Ary lisy eny an-dohasaha.”+  2  “Toy ny lisy eny amin’ny tsilo ny malalako.Hafa raha samy ankizivavy izy.”  3  “Hoatran’ny paoma maniry any anaty ala ny malalako.Hafa raha samy ankizilahy izy. Mba tiako erỳ ny hipetraka hialokaloka eo ambaniny,Ary mamy ao am-bavako ny voany!  4  Nentiny tao amin’ny trano misy fanasambe* aho,Ary toy ny saina kely mikopakopaka eo amboniko ny fitiavany.  5  Omeo mofo vita amin’ny voaloboka maina+ aho mba ho velombelona,Ary omeo paoma mba hatanjaka,Fa azon’ny tazom-pitia aho.  6  Iondanako ny tanany ankavia,Ary mamihina ahy ny tanany ankavanana.+  7  Ry zanakavavin’i Jerosalema ô!Asaiko mianiana amin’ny gazela+ sy amin’ny serfavavy any an-tsaha ianareo Mba tsy hitady hanaitra na hampitsiry fitiavana ato amiko, fa avelao ilay izy hitsiry ho azy.+  8  Izany ny feon’ny malalako! Iny tamy iny izy,Mianika tendrombohitra sady mitsambikimbikina eny an-kavoana.  9  Hoatran’ny gazela ny malalako, hoatran’ny zanaka serfa.+ Io mijoro ao ambadiky ny rindrinay io izy!Mijery eo am-baravarankely izy,Sady mitsirika eo amin’ny makarakara. 10  Dia hoy ilay mamin’ny foko: ‘Mitsangàna, ry malalako,Andao hiaraka amiko, ry ilay tsara tarehiko. 11  Jereo fa efa lasa ny ririnina,* Ary efa nijanona sady efa lasa ny orana. 12  Efa mamelana ny voninkazo eto amin’ny tanintsika,+Efa tonga ny fotoana fandrantsanana voaloboka,+Ary heno eto amin’ny tanintsika ny hiran’ny domohina.+ 13  Masaka koa ny aviavy vokatra voalohany.+Mamelana ny voaloboka, sady manitra mamerovero. Mitsangàna, ry malalako, dia avia! Andao hiaraka amiko, ry ilay tsara tarehiko. 14  Ry voromailalako miafina eny an-tsefatsefaky ny harambato,+Eny anelanelan’ny vatolampy amoron-tevana,Avelao aho mba hijery anao dia haheno ny feonao,+Fa mahafinaritra erỳ ny feonao ary mahafatifaty ny bikanao!’”+ 15  “Sambory ny amboadia,Dia ireo amboadia kely mpanimba tanimboaloboka,Fa efa mamony ny voalobokay.” 16  “Ahy ny malalako, ary azy aho.+ Miandry ondry+ eny amin’ny toerana feno lisy izy.+ 17  Dieny mbola tsy mandrivodrivotra* ny andro, ary mbola tsy lasa ny aloka,Dia miverena haingana, ry ilay mamin’ny foko,Hoatran’ny gazela+ na ny zanaka serfa+ eny amin’ny tendrombohitry ny fisarahana.*

Fanamarihana

^ Abt: “Safrona.”
^ Abt: “tranon-divay.”
^ Na: “fotoanan’ny orana.”
^ Abt: “mbola tsy mifoka rivotra.”
^ Na mety hoe “eny an-tsefatsefaky ny tendrombohitra.” Na: “eny amin’ireo tendrombohitr’i Betera.”
NY SORATRA MASINA—FANDIKAN-TENIN’NY TONTOLO VAOVAO
Tononkiran’i Solomona 2
Tenin’ny Tanana Malagasy
Vakio ato ny Baiboly
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt

Zon’ny mpamorona