Ezekiela 19:1-14
-
Hira fisaonana an’ireo mpiadidy (1-14)
19 “Manaova hira fisaonana an’ireo mpiadidy eo amin’ny Israely,
2 ka lazao hoe:‘Ny reninareo ve? Liona vavy niaraka tamin’ny liona lahy maromaro izy.
Nitsilailay niaraka tamin’ny liona tanora matanjaka izy, sady nitaiza ny zanany.
3 Notezainy ny iray tamin’ny zanany, ka lasa liona tanora matanjaka.+
Lasa nahay namiravira remby izy io,Ary nihinana olona mihitsy aza.
4 Henon’ireo firenena ny momba azy, dia nofandrihan’izy ireo tao anatin’ny lavaka nataon’izy ireo izy,Ka notaritiny tamin’ny faraingo nankany Ejipta.+
5 Niandry azy hiverina foana ilay liona vavy, nefa hitany hoe tsy nisy fanantenana intsony.
Dia nalainy indray ny zanany iray, ka notezainy ho lasa liona tanora matanjaka.
6 Nandehandeha niaraka tamin’ny liona hafa koa ilay izy, dia lasa liona tanora matanjaka.
Lasa nahay namiravira remby izy, ary nihinana olona mihitsy aza.+
7 Nijaikojaiko nitady haza tany amin’ny tilikambo voaro mafy tao an-tanànan’izy ireo izy, ka nataony fongana ny tao amin’ireny tanàna ireny.Lasa heno eran’ilay tany tsy misy mponina àry izy rehefa nierona.+
8 Tonga anefa ny firenena avy any amin’ireo faritany manodidina, ka nanipy harato teo aminy,Dia voafandrika tao amin’ny lavaka nataon’izy ireo izy.
9 Notaritin’izy ireo tamin’ny faraingo izy ka nataony tao anaty vata makarakara, dia nentiny tany amin’ny mpanjakan’i Babylona.
Nogadrain’izy ireo izy tany, mba tsy ho heno eny amin’ny tendrombohitr’i Israely intsony ny feony.
10 Ny reninareo dia hoatran’ny voaloboka*+ nambolena teo amoron-drano.
Namoa ilay izy ary be dia be ny rantsany, satria azon-drano tsara ilay izy.
11 Lasa mafy be ny sampany,* ka azo nanaovana tehim-panjakana.
Nihanitombo ilay voaloboka dia lasa avo be noho ny hazo hafa.Lasa tazana tsara ilay izy satria avo, sady be dia be ny raviny sy ny rantsany.
12 Nongotana tamin-katezerana+ anefa izy dia natsipy tamin’ny tany.Dia mainan’ny rivotra avy any atsinanana ny voany.
Notapahina ny sampany matanjaka, ka lasa maina+ dia levon’ny afo.+
13 Ambolena any an-tany efitra izy izao,Dia any amin’ny tany ngazana sy karakaina.+
14 Niparitaka avy tamin’ny sampany* ny afo, ka nandevona ny rantsany sy ny voany.Dia tsy nahitana sampany matanjaka na tehim-panjakana intsony izy.+
“‘Hira fisaonana izany, ary mbola ho hira fisaonana ihany.’”
