Ezekiela 27:1-36
-
Hira fisaonana ny sambon’i Tyro (1-36)
27 Niteny tamiko indray i Jehovah hoe:
2 “Ry zanak’olona, manaova hira fisaonana an’i Tyro,+
3 dia izao lazaina aminy:‘Ianao ilay mipetraka eo amin’ny vavahadin’ny ranomasina,Ilay mpivarotra amin’ny vahoaka any amin’ny nosy be dia be,Izao no tenin’i Jehovah Tompo Fara Tampony:
“Ry Tyro ô, nilaza ianao hoe: ‘Faran’izay tsara tarehy aho!’+
4 Eny afovoan-dranomasina ny faritry ny taninao,Ary izay nanorina anao no nahatonga anao ho faran’izay tsara tarehy.
5 Hazo zenevrie avy any Senira+ no nanamboarany ny hazo fisaka rehetra nandrafetana anao,Ary hazo sedera avy any Libàna no nanaovany andrin-tsambo ho anao.
6 Hazo oaka avy any Basana no nanaovany fivoy ho anao,Ary hazo siprey voaravaka ivoara avy any amin’ny nosy Kitima+ no nanaovany ny lohan-tsambo.
7 Lamba rongony marevaka avy any Ejipta no nanaovana lain-tsambo ho anao,Ary kofehy manga sy volonondry volomparasy avy any amin’ny nosy Elisaha+ no natao tafon’ny tokotanin-tsambonao.
8 Ny mponin’i Sidona sy Arvada+ no mpivoy ny sambonao.
Ny olona nanan-talenta tao aminao, ry Tyro, no tantsambonao.+
9 Ny olona efa za-draharaha* sy manan-talenta avy any Gebala+ no nanentsina an’izay loaka taminao.+
Dia nankany aminao daholo ny sambo avy any an-dranomasina sy ny tantsambony mba haka entana sy hivarotra.
10 Avy any Persa sy Loda ary Pota+ ny lehilahy ao amin’ny tafikao, izany hoe ny lehilahy mpiady nampiasainao.
Nahanton’izy ireo teo aminao ny ampingany sy ny fiarovan-dohany, ka nataony lasa be voninahitra ianao.
11 Ny olona avy any Arvada tao amin’ny tafikao no niambina teny ambonin’ny manda manodidina anao,Ary lehilahy be herim-po no natao teny amin’ny tilikambonao.
Nasian’izy ireo ampinga boribory nihantona teny amin’ny sisin’ny mandanao rehetra,Ka nataony lasa faran’izay tsara tarehy ianao.
12 “‘“Nanao raharaham-barotra taminao i Tarsisy+ satria nanan-karena be ianao.+ Natakalon’izy ireo volafotsy sy vy sy firapotsy ary firamainty ny entanao.+
13 Nanao raharaham-barotra taminao koa i Javana sy Tobala+ ary Meseka,+ ka natakalony andevo+ sy zavatra vita amin’ny varahina ny entam-barotrao.
14 Natakalon’ny taranak’i Togarma+ soavaly fitondra miady sy karazan-tsoavaly hafa ary ramole kosa ny entanao.
15 Nanao raharaham-barotra taminao koa ny taranak’i Dedana.+ Nampiasa mpivarotra tany amin’ny nosy maromaro ianao. Ary tandroka ivoara+ sy hazomainty no nataony fanomezana ho anao.
16 Nanao raharaham-barotra taminao koa i Edoma, satria be dia be ny zavatra novokarinao. Vatosoa torkoazy, volonondry volomparasy, lamba misy peta-kofehy miloko isan-karazany, ravin-damba tena tsara, haran-dranomasina,* ary vatosoa robia no nomeny ho takalon’ny entanao.
17 “‘“Nanao raharaham-barotra taminao koa i Joda sy ny tanin’ny Israely, ka varimbazaha avy any Minita,+ sy sakafo tena tsara, tantely,+ menaka, ary balsama+ no nomeny ho takalon’ny entanao.+
18 “‘“Nanao raharaham-barotra taminao i Damaskosy,+ satria be dia be ny zavatra novokarinao sy ny harenanao. Nivarotra divay avy any Helbona sy volonondry avy any Zahara* taminao izy.
19 I Vedana sy Javana avy any Ozala kosa nanome vy efa voatefy sy hazo kasia* ary fantàkamanitra* ho takalon’ny entanao.
20 Nivarotra lamba taminao koa i Dedana+ mba hatao lasely* eo ambony soavaly.
21 Nampiasa ny Arabo sy ny mpiadidy rehetra tao Kedara+ ianao. Mpivarotra zanak’ondry sy ondrilahy ary osy+ izy ireny.
22 Nanao raharaham-barotra taminao koa ny mpivarotra avy any Sheba sy Rama.+ Ranomanitra faran’izay tsara isan-karazany sy vatosoa ary volamena no nomeny ho takalon’ny entanao.+
23 Nanao raharaham-barotra taminao koa i Harana,+ Kane, Edena,+ ny mpivarotra avy any Sheba,+ Asyra,+ ary Kilmada.
24 Teny an-tsenanao izy ireny no nivarotra akanjo tsara tarehy, sy akanjo ivelany manga misy peta-kofehy sady miloko isan-karazany, ary karipetra milokoloko be. Nofatorana mafy tsara tamin’ny tady izany rehetra izany.
25 Ireo sambon’i Tarsisy+ no nitanjozotra nitatitra ny entam-barotrao,Ka lasa feno entana ianao sady navesatra be* teny afovoan-dranomasina.
26 Nentin’ny mpivoy anao teny amin’ny ranomasina manonja be ianao,Dia rendrika teny afovoan-dranomasina satria nisy rivotra avy any atsinanana.
27 Rehefa tonga ny andro hianjeranao, dia hilentika any afovoan-dranomasina daholo+Ny harenanao, ny entanao, ny entam-barotrao, ny matiloanao, ny tantsambonao,Ny mpanentsina ny loaka taminao, ny mpivarotra ny entam-barotrao,+ ary ny lehilahy mpiady rehetra,+Dia ny olona* rehetra ao aminao.
28 Hangovitra ireo morontsiraka rehefa mitaraindraina ny tantsambonao.
29 Dia hidina avy eny amin’ny sambony daholo ny mpivoy sy ny matiloa ary ny tantsambo,Ka hijoro eny an-tanety.
30 Hiantsoantso izy ireo sady hitaraindraina mafy noho izay manjo anao,+Dia hanipy vovoka eo amin’ny lohany sady hihosin-davenona.
31 Hosolainy koa ny lohany, ary hisikina lamba gony izy ireo.Hitomany mafy izy ireo noho izay manjo anao, sady hidradradradra mafy.
32 Hanao an’izao hira fisaonana izao izy ireo sady hitaraindraina satria halahelo anao:
‘Iza no hoatran’i Tyro? Izao anefa izy mangina eny afovoan-dranomasina.+
33 Nanome fahafaham-po firenena maro ianao, rehefa tonga avy eny an-dranomasina ny entanao.+
Lasa nanan-karena ny mpanjaka eto an-tany noho ny harenanao be dia be sy ny entam-barotrao.+
34 Rendrika eny afovoan-dranomasina, eny amin’ny rano lalina,+ anefa ianao izao,Dia nilentika niaraka taminao daholo ny entam-barotrao sy ny olona rehetra ao aminao.+
35 Hidanàka hijery anao ny mponina rehetra any amin’ireo nosy,+Ary hangovitra sy hihorohoro ny mpanjakan’ireny.+ Ho hita be amin’ny endriny hoe mitebiteby izy.
36 Hisioka ny mpivarotra any amin’ireo firenena noho izay nanjo anao.
Ho tampoka be sy hahatsiravina ny hiafaranao,Ka tsy hisy intsony mandrakizay ianao.’”’”+
