Isaia 26:1-21
26 Amin’izany andro izany, dia hohiraina+ eto Joda+ izao hira izao:
“Manana tanàna matanjaka isika.+
Famonjena no ataony toy ny manda sy dongon-tany* fiarovana an’ilay tanàna.+
2 Vohay ny vavahady+ mba hidiran’ilay firenena marina,Dia firenena mendri-pitokisana.
3 Harovanao izay miantehitra tanteraka aminao.*Hampiadaninao foana izy ireo,+Satria ianao no itokisany.+
4 Matokia an’i Jehovah mandrakizay,+Fa i Jah* Jehovah no Vatolampy mandrakizay.+
5 Fa aetriny izay mipetraka eny amin’ny toerana ambony, eny amin’ny tanàna avo.
Azerany koa ilay tanàna,Azerany amin’ny tany,Dia atsipiny eny amin’ny vovoka.
6 Hanitsakitsaka an’ilay tanànaNy tongotry ny ampijalina sy ny faladian’ny madinika.”
7 Mahitsy* ny lalan’ny olo-marina.
Mahitsy ianao,Ka hataonao mitovy tantana ny lalan’ny olo-marina.
8 Jehovah ô, manaraka ny lalana atoronao izahay,Ka ianao no antenainay.
Tena sarobidy aminay ny anaranao ka tianay raha hotsarovana foana.*
9 Maniry anao amin’ny foko manontolo aho amin’ny alina,Ary mitady anao mafy aho, ao anatiko lalina ao.+Rehefa mitsara ny tany mantsy ianao,Dia hianatra momba ny fahamarinana ny mponina ao amin’ilay tany.+
10 Na dia iantrana aza ny ratsy fanahy,Dia tsy hianatra fahamarinana.+
Ary na dia ao amin’ny tanin’ny fahitsiana aza izy, dia hanao ratsy ihany,+Ka tsy hahita ny voninahitr’i Jehovah.+
11 Ingainao ny tananao, Jehovah ô, nefa tsy jeren’izy ireo akory.+
Ho hitany fa mafana fo ho an’ny vahoakanao ianao, ka ho menatra izy ireo.
Ary handevona azy ny afo natokana ho an’ny fahavalonao.
12 Hanome anay fiadanana+ ianao, Jehovah ô,Satria izay rehetra ataonay,Dia noho ianao no ahavitanay an’izany.
13 Jehovah Andriamanitray ô, misy tompo hafa ankoatra anao lasa mifehy anay.+Ny anaranao ihany anefa no derainay.+
14 Maty izy ireo ka tsy ho velona intsony.
Maty tsy mahavita na inona na inona izy ireo ka tsy hitsangana intsony.+
Fa nitsara azy ireo ianao,Mba handringana azy ka tsy horesahina intsony ny momba azy.
15 Nataonao lasa be dia be ny mponina ao amin’ilay firenena, Jehovah ô.Nataonao lasa be dia be tokoa ny mponina ao.Nomenao voninahitra ny tenanao,+
Ary nitarinao be ny sisin’ilay tany manontolo.+
16 Jehovah ô, nitodika tany aminao izy ireo tao anatin’ny fahoriany.Namboraka ny tao am-pony izy ireo rehefa nibitsibitsika nivavaka, tamin’izy nofaizinao.+
17 Toy ny vehivavy bevohoka efa ho teraka,Ka mihetsi-jaza sady mitaraina fa manaintaina,Dia hoatr’izany izahay noho ny aminao, Jehovah ô!
18 Bevohoka izahay, ary nihetsi-jaza,Kanefa hoatran’ny hoe niteraka rivotra.
Tsy nahavonjy an’ilay tany izahay,Ary tsy nisy zaza teraka mba hipetraka ao amin’ilay tany.
19 “Ho velona ny olonao efa maty.
Hitsangana ny fatin’ny vahoakako.*+
Mifohaza ka mihobia,Ianareo izay mipetraka ao anaty vovoka!+
Fa ny andonao dia ho toy ny andon’ny maraina,*Ary havelan’ny tany ho velona indray ny maty tsy mahavita na inona na inona.*
20 Mandehana miditra ao amin’ny efitranonareo anatiny, ry vahoakako,Dia hidio ny varavarana.+
Miafena kely vetivety,Mandra-pahalasan’ny fahatezerana.*+
21 Fa mivoaka avy any amin’ny toerany i Jehovah,Mba hanao ampamoaka ny mponina ao amin’ilay tany, noho ny fahadisoana nataon’izy ireo.Dia hasehon’ilay tany ny ra nalatsak’ilay tanàna,Ary tsy hafeniny intsony ireo novonoina tao.”
Fanamarihana
^ Na: “tovon-tany.”
^ Na mety hoe “izay manana toe-tsaina tsy miovaova.”
^ “Jah” no fanafohezana an’ilay anarana hoe Jehovah.
^ Na: “Mitovy tantana.”
^ Izany hoe tena tianay hahalala sy hahatsiaro ny anaran’Andriamanitra ny olona.
^ Abt: “ny fatiko.”
^ Na mety hoe “ny andon’ny ahitra (fiandrilavenona).”
^ Na: “hiteraka an’izay maty tsy mahavita na inona na inona ny tany.”
^ Na: “fanamelohana.”
