Joba 17:1-16
17 “Lany ny heriko, ary tapitra ny androko.Ny fasana no miandry ahy.+
2 Voahodidina mpaneso aho,+Ary voatery mifantoka amin’ny fikomian’izy ireo ny masoko.
3 Mba ekeo re ny antoka omeko anao e, ka tehirizo any aminao izany!
Fa iza indray moa no hifandray tanana amiko ka hanaiky hiantoka ahy?+
4 Fa nafeninao tsy ho ao am-pon’izy ireo ny fahiratan-tsaina;+Izany no antony tsy anandratanao azy.
5 Misy olona mizara an’izay ananany amin’ny namany,Nefa ny zanany aza lali-maso noho ny hanoanana.
6 Navelan’Andriamanitra hesoesoin’ny olona* aho,+Ka roran’izy ireo ny tarehiko.+
7 Mihamanjavozavo ny masoko noho ny fahoriana,+Ary toy ny aloka sisa ny rantsambatako rehetra.
8 Midanàka ny olo-marina mahita an’izany,Ary mikorontan-tsaina ny tsy manan-tsiny noho ny ataon’ny olona tsy matahotra an’Andriamanitra.*
9 Mifikitra amin’ny lalany ny olo-marina,+Ary mihamatanjaka ny madio tanana.+
10 Andao àry tohizo indray ny adihevitrareo,Fa tsy hitako izay hendry aminareo.+
11 Tapitra ny androko;+Rava hatreo ny fikasako, ny fanirian’ny foko.+
12 Ny alina no lazain’izy ireo fa andro,Ka hoy izy ireo: ‘Akaiky ny mazava satria efa maizina izao.’
13 Raha mbola miandry aho, dia ny Fasana* no ho tranoko,+Ary hamelatra ny fandrianako ao amin’ny haizina aho.+
14 Ny lavaka*+ no hantsoantsoiko hoe: ‘Ianao no raiko!’
Ary ny olitra hoe: ‘Ianao no reniko sy anabaviko!’
15 Koa aiza àry ny fanantenako?+
Iza no mahita hoe mbola misy azoko antenaina?
16 Hidina any amin’ny vavahadin’ny Fasana,* izay misy bara hidiny, izany*Rehefa hiara-midina any amin’ny vovoka izahay rehetra.”+
