Joba 30:1-31
30 “Mihomehy+ ahy izy ireo izao,Dia ireo mbola zandriko.Na ny rain’izy ireo aza anefa tsy ho nekekoHiaraka tamin’ny alika mpiandry ny ondriko akory.
2 Inona moa no mba nilako ny herin’izy ireo?
Tsy manana tanjaka intsony izy ireo.
3 Reraka izy ireo satria tsy manana na inona na inona sady noana;Zara raha mahita hotsakoina izy any amin’ny tany karakaina,Izay efa simba sy rava.
4 Mitsongo ahitra masira any anaty kirihitra izy ireo;Fakan’anjavidy no sakafony.
5 Roahina tsy ho eo amin’ny fiaraha-monina+ izy ireo;Horakorahin’ny olona izy ireo, hoatran’ny ataony amin’ny mpangalatra.
6 Eny amin’ny hantsana misolampy* izy ireo no mipetraka,Any anaty lavaka any anaty tany, sy any anaty lava-bato.
7 Miantsoantso any anaty kirihitra izy ireo,Ary mitangorona eny amin’ny tsilo.
8 Zanaky ny tsisy saina sy ny tsy fantatra anarana ireny,Ka noroahina* hiala amin’ilay tany.
9 Manao hira manesoeso+ ahy anefa izy ireo izao;Harabirabin’izy ireo*+ aho.
10 Ankahalain’izy ireo aho, ka ihatakatahany;+Tsy menatra akory izy ireo mandrora ny tarehiko.+
11 Nataon’Andriamanitra tsy afaka miaro tena aho* sady naetriny,Ka manaram-po manao izay tiany* eo anatrehako izy ireo.
12 Mitsangana eo ankavanako toy ny vahoaka romotra izy ireo;Teren’izy ireo handositra aho,Ary asiany sakana mampidi-doza ny lalako.
13 Mandrava ny lalako izy ireoSady manampy trotraka ny fahoriako,+Nefa tsy misy olona misakana azy ireo.*
14 Miditra toy ny olona mifanesika eo amin’ny gorobaka amin’ny manda izy ireo,Ary mirohotra mankeo amin’ny toerana ravarava.
15 Matahotra be aho;Nentin’ny rivotra ny voninahitro,Ary levona toy ny rahona ny famonjena ahy.
16 Miala tsikelikely izao ny aiko;+Mangeja ahy ny andro fahoriana.+
17 Manaintaina toy ny voatrobaka* ny taolako, amin’ny alina;+Manaikitra ahy tsy an-kijanona ny fanaintainana.+
18 Mifandrirotra be ny akanjoko;*Manakenda ahy hoatran’ny vozon’akanjoko izany.
19 Natsipin’Andriamanitra tao anaty fotaka aho;Nanjary toy ny vovoka sy lavenona aho.
20 Miantso vonjy aminao aho, nefa tsy valianao;+Mijoro aho, nefa jerenao fotsiny.
21 Manohitra ahy ianao ka masiaka be amiko,+Ary manafika ahy amin’ny herin’ny tananao manontolo.
22 Ingainao aho ary avelanao entin’ny rivotra,Dia ataonao mitambolimbolina eny amin’ny tafio-drivotra.*
23 Fa fantatro fa hoentinao midina any amin’ny fahafatesana aho,Dia any amin’ny trano hihaonan’ny velona rehetra.
24 Tsy hisy hamely olona efa kivy,*+Rehefa miantso vonjy izy mandritra ny fotoam-pahoriany.
25 Tsy mba nitomany ve aho rehefa nisy olona tao anatin’ny sarotra?
Tsy mba nalahelo an’ireo mahantra+ ve aho?
26 Zavatra tsara no nantenaiko, kanjo zava-dratsy no tonga;Nanantena mazava aho, kanjo haizina no tonga.
27 Nangotikotika tsy nety nijanona ny tato anatiko;Nianjady tamiko ny andro fahoriana.
28 Mandehandeha amin’alahelo+ aho; tsy misy andro mihiratra.
Mitsangana eo anivon’ny olona mivory aho ka miantso vonjy.
29 Lasa rahalahin’ny alikadia aho,Sady naman’ny zanakavavin’ny aotirisy.+
30 Nanjary mainty ny hoditro, dia mihofakofaka;+Main’ny hafanana* ny taolako.
31 Fisaonana ihany sisa no ampiasako ny harpa,Ary feo mitomany ihany no avoakan’ny sodiko.
Fanamarihana
^ Na: “hantsan’ny lalan-driaka.”
^ Abt: “nokaravasina.”
^ Na: “Ataon’izy ireo oha-pitenenana.”
^ Abt: “goragora ny tadin-tsipìkako.”
^ Na: “Ka manary ny lamboridy.”
^ Na mety hoe “tsy mila ampiana akory izy ireo amin’izany.”
^ Abt: “Loahana.”
^ Na mety hoe “Mafy ny manjo ahy ka simba ny endriko.”
^ Na mety hoe “levoninao amin’ny rivotra mifofofofo.”
^ Abt: “korontam-bato mivangongo.”
^ Na mety hoe “Mahamay noho ny fanaviana.”
