Mika 2:1-13
2 “Lozan’ireo mpanao ratsy izay mieritreritra eo am-pandrianany ny hanisy ratsy,+ ka rehefa maraina ny andro dia tanterahiny izany,+ satria vitany ny manao izany.+
2 Mitsiriritra saha izy, ka maka izany an-keriny,+ ary mitsiriritra trano koa ka maka izany. Manambaka lehilahy tomady mbamin’ny ankohonany izy,+ eny, manambaka lehilahy ka maka ny lovany.+
3 “Koa izao no nolazain’i Jehovah: ‘Mikasa hahatonga loza+ hamelezana an’ity taranaka ity aho,+ ka tsy ho afa-miala amin’izany ianareo.+ Amin’izay, dia tsy hianjonanjona intsony ianareo rehefa mandeha,+ satria ho fotoam-pahoriana izany.+
4 Amin’izany andro izany, dia hisy hanao teny fanarabiana+ anareo, ka hitomany+ mafy dia mafy. Ary hisy hanao hoe: “Voaroba tokoa isika!+ Omeny olona ny anjara tanin’ny firenentsika.+ Esoriny amiko tokoa izany, ka ny mpivadika no izarazarany ny sahantsika.”
5 Koa tsy hisy ao amin’ny fiangonan’i Jehovah intsony ny olona handrefy amin’ny tady ny tany izay nozaraina tamin’ny alalan’ny antsapaka.+
6 Aza misy miresaka.+ Miresaka izy ireo nefa tsy momba izany intsony no resahiny. Tsy hiala ny fahafaham-baraka.+
7 “‘Milaza ve ianareo, ry taranak’i Jakoba,+ hoe: “Fa angaha moa tsy faly ny fanahin’i Jehovah, sa izao no fanaony?”+ Moa ve ny teniko tsy hitondra soa+ ho an’izay mandeha amin’ny fahitsiana?+
8 “‘Vao omalin’omaly ny oloko no nitsangana ho tena fahavalo.+ Ny haingo mihaja dia endahanareo amin’ny tratran’akanjon’ny mpandalo, izay tsy manana ahiahy toy ny olona avy tany an’ady.
9 Ny vehivavy eo amin’ny oloko dia roahinareo tsy ho ao amin’ny trano iadanan’ny vehivavy. Ary esorinareo amin’ireo zanany, mandritra ny fotoana tsy voafetra,+ ny voninahitra nomeko azy.+
10 Miaingà, ka mandehana+ fa tsy toeram-ponenanao+ intsony eto. Nanjary maloto+ ravehivavy ka ho ringana, ary mampanaintaina ilay fandringanana.+
11 Raha misy olona manaraka zava-poana sy fitaka, ka mandainga hoe:+ “Hiresaka aminao momba ny divay sy ny toaka aho”, dia izy no hiresaka ho an’ity firenena ity.+
12 “‘Hovoriko ianareo rehetra, ry taranak’i Jakoba,+ ary tsy maintsy hangoniko ny sisa amin’ny Israely.+ Hataoko tafaray izy ireo, toy ny andian’ondry ao am-bala, ary toy ny andiam-biby ao an-kijana.+ Haresaka sy ho feno olona ireo toerana ireo.’+
13 “Hiakatra eo anoloan’izy ireo ilay mpanagorobaka.+ Dia hitsofoka eo amin’ilay gorobaka izy ireo. Ary hiditra eo amin’ny vavahady izy ireo, ary hivoaka avy eo koa.+ Dia hiditra eo alohan’izy ireo ny mpanjakany, ary i Jehovah no hitarika azy ireo.”+