Mpitsara 5:1-31
5 Dia nihira+ toy izao i Debora+ sy Baraka+ zanak’i Abinoama, tamin’iny andro iny:
2 “Derao i Jehovah,Satria nirotsaka an-tsitrapo ny Israely,+Ary tsy nofatorana ny volon’ireo miaramila.*
3 Mihainoa ry mpanjaka! Mihainoa ry mpitondra!
Hihira ho an’i Jehovah aho.
Hihira fiderana* ho an’i Jehovah+ Andriamanitry ny Israely+ aho.
4 Tamin’ianao avy tany Seira, Jehovah ô,+Tamin’ianao niala avy tany amin’ny faritr’i Edoma,Dia nihovotrovotra ny tany, nandrotsaka orana ny lanitra,Ary nandraraka rano ny rahona.
5 Nitsonika* teo anoloan’i Jehovah ny tendrombohitra,+Na i Sinay aza nitsonika teo anoloan’i Jehovah+ Andriamanitry ny Israely.+
6 Tamin’ny andron’i Samgara,+ zanak’i Anata,Tamin’ny andron’i Jaela,+ dia tsy nisy mpandeha ny lalana,Fa nandeha tamin’ny lalan-kafa ny mpanao dia lavitra.
7 Tsy nisy mponina intsony tany amin’ireo tanàna kelin’ny Israely,Tsy nisy olona intsony tany mandra-panendry ahy, dia izaho Debora,+Mandra-panendry ahy ho toy ny reny teo amin’ny Israely.+
8 Nifidy andriamani-baovao izy ireo.+Dia nisy ady teny am-bavahady,+
Ary tsy nanana ampinga na lefonaIreo olona 40 000 teo amin’ny Israely.
9 Manohana an’ireo mpitari-tafika eo amin’ny Israely aho,+Dia ireo nirotsaka an-tsitrapo niaraka tamin’ny vahoaka.+
Derao i Jehovah!
10 Ianareo izay mitaingina ampondra volontany,Ianareo izay mipetraka eo ambony lamba matevina lafo vidy,Ary ianareo izay mandeha eny an-dalana,Mba diniho izao:
11 Heno teny am-pantsakana ny feon’ny mpizara rano.Teny izy ireo no nitantara ny zavatra ara-drariny nataon’i Jehovah,Sy ny zavatra ara-drariny nataon’ny olony tany amin’ireo tanàna kelin’ny Israely.
Dia nidina teny am-bavahady ny vahoakan’i Jehovah.
12 Mifohaza, mifohaza, ry Debora+ ô!
Mifohaza, mifohaza, ka mihirà!+
Mitsangàna ry Baraka!+ Ento manaraka anao ireo olona azonao babo, ry zanak’i Abinoama!
13 Dia nidina tany amin’ny olo-manan-kaja ny sisa tsy maty.Nidina nankatỳ amiko ny vahoakan’i Jehovah mba hiady amin’ny olo-mahery.
14 Avy tamin’ny fokon’i Efraima ireo nankeny amin’ny lohasaha.*Niaraka taminao sy ny vahoakanao izy ireo, ry Benjamina ô!
Avy tamin’i Makira+ ireo mpitari-tafika nidina tany,Ary avy tamin’i Zebolona ireo niantso olona hanao miaramila.*
15 Niaraka tamin’i Debora ny andriana teo amin’ny fokon’i Isakara,Ary toy ny nataon’i Isakara ihany ny nataon’i Baraka.+
Nirahina handeha an-tongotra hankeny amin’ny tany lemaka* izy.+
Nisy tamin’ny fokon’i Robena nisalasala be.
16 Nahoana ianao no nipetraka toy ny biby anankiray mitondra kitapon-dasely roa,Mba hihaino an’ireo mpiandry ondry nitsoka sodina hibaikoana andian’ondry?+
Nisy tamin’ny fokon’i Robena nisalasala be.
17 Nijanona teny ampitan’i Jordana i Gileada.+Ary nahoana i Dana no nijanona tao anaty sambo?+
Nipetra-potsiny teo amoron-dranomasina i Asera,Ary nijanona teo amin’ny seranan-tsambony izy.+
18 Ny taranak’i Zebolona kosa nanao vivery* ny ainy, ary vonona ho faty mihitsy aza.Nanao toy izany koa i Naftaly+ teny amin’ny havoana.+
19 Nisy mpanjaka tonga hiady,Dia niady ireo mpanjakan’i Kanana+Tao Tanàka, teo amoron’ny ranon’i Megido.+
Tsy nahazo volafotsy anefa izy ireo.+
20 Avy tany an-danitra ny kintana no niady,Avy teny* izy ireny no niady tamin’i Sisera.
21 Nifaoka an’ireo fahavalo ny reniranon’i Kisona,+Dia ilay renirano efa nisy hatry ny ela, izany hoe ny reniranon’i Kisona.
Nanitsakitsaka an’ireo olo-mahery aho.
22 Dia nikatrokatroka ny kitron-tsoavaly,Satria nihazakazaka mafy be ny soavalilahy.+
23 ‘Ozòny i Meroza’, hoy ilay anjelin’i Jehovah,‘Ozòny ny mponina ao,Satria tsy mba tonga nanampy an’i Jehovah,Tsy niaraka tamin’ireo olo-mahery mba hanampy an’i Jehovah.’
24 Tahina mihoatra noho ny vehivavy rehetra i Jaela,+Vadin’i Hebera+ Kenita,Tahina mihoatra noho ny vehivavy rehetra mipetraka any anaty tranolay izy.
25 Rano no nangatahin’i Sisera, fa ronono no nomeny azy,
Habobo* no natolony tao anaty vilia baolina lehibe tsara tarehy.+
26 Dia nalainy ny fantsika be fanenjanan-day,Noraisiny tamin’ny tanana havanana ny marotoa,
Dia nasiany tamin’iny i Sisera, ka vaky ny lohany.Nokapohiny mafy be ny fihirifany ary nolavahany.+
27 Teo anelanelan’ny tongotr’i Jaela izy no nianjera sy nitsitra.Teo anelanelan’ny tongony izy no nianjera,Ary teo amin’izay nianjerany izy no resy.
28 Nisy vehivavy nitazana teo am-baravarankely,Nitazana teo amin’ny makarakaran’ny varavarankely ny renin’i Sisera, ka niteny hoe:‘Fa maninona àry no mbola tsy tonga foana ny kalesy fitondrany miady?
Fa maninona àry no mbola tsy re mikatrokatroka foana ny kitron’ny soavaliny?’+
29 Izay hendry indrindra tamin’ny vehivavy nanan-kaja teo aminy no namaly azy;Izy koa aza mba nieritreritra hoe:
30 ‘Efa nahazo babo izay ry zareo, dia nizara an’izany,Ankizivavy* iray na ankizivavy* roa no anjaran’ny miaramila tsirairay.Lamba miloko no azon’i Sisera, eny, lamba miloko,Akanjo iray misy peta-kofehy, lamba miloko, akanjo roa misy peta-kofehyNo eny am-bozon’ireo nahazo babo.’
31 Ho faty toy izany koa anie ny fahavalonao rehetra,+ Jehovah ô!Fa izay tia anao kosa ho tahaka ny masoandro mibaliaka.”
Ary nilamina nandritra ny 40 taona ilay tany.+
Fanamarihana
^ Angamba mba hampisehoana hoe nivoady na nanokan-tena ho an’Andriamanitra izy ireo.
^ Na: “Hitendry mozika.”
^ Na mety hoe “Nihozongozona.”
^ Na mety hoe “ireo nampiasa ny fitaovan’ny mpanora-dalàna.”
^ Na: “lemaka iva.”
^ Na: “lemaka iva.”
^ Na: “nanao tsinontsinona.”
^ Na: “teny amin’ny lalana falehany.”
^ Ronono efa mandry.
^ Abt: “Kibo.”
^ Abt: “kibo.”
