Nehemia 12:1-47
12 Ireto avy ny mpisorona sy Levita niara-niakatra tamin’i Zerobabela+ zanak’i Sealtiela,+ sy niaraka tamin’i Jesoa:+ Seraia, Jeremia, Ezra,
2 Amaria,+ Maloka, Hatosy,
3 Sekania, Rehoma, Meremota,
4 Ido, Ginetoy, Abia,
5 Miamina, Madia, Bilga,
6 Semaia,+ Joariba, Jedaia,+
7 Salo, Amoka,+ Hilkia, ary Jedaia.+ Ireo no filohan’ny mpisorona sy ny rahalahiny, tamin’ny andron’i Jesoa.+
8 Ireto avy ny Levita: Jesoa,+ Binoy,+ Kadmiela,+ Serebia, Joda, ary Matania,+ izay niandraikitra ny hira fisaorana niaraka tamin’ny rahalahiny.
9 Ary niambina tandrifin’ireo i Bakbokia sy Ony rahalahin’izy ireo.
10 Ary i Jesoa niteraka an’i Joiakima,+ i Joiakima niteraka an’i Eliasiba,+ i Eliasiba niteraka an’i Joiada,+
11 i Joiada niteraka an’i Jonatana, ary Jonatana niteraka an’i Jadoa.+
12 Tamin’ny andron’i Joiakima, dia ireto avy ny mpisorona lohan’ireo fianakaviambe:+ I Meraia ho an’ny fianakavian-dry Seraia,+ i Hanania ho an-dry Jeremia,
13 i Mesolama ho an-dry Ezra,+ i Johanana ho an-dry Amaria,
14 i Jonatana ho an-dry Meliko, i Josefa ho an-dry Sebania,+
15 i Adna ho an-dry Harima,+ i Helkay ho an-dry Meraiota,
16 i Zakaria ho an-dry Ido, i Mesolama ho an-dry Ginetona,
17 i Zikry ho an-dry Abia,+ ... ho an-dry Miniamina, i Piltahy ho an-dry Moadia,
18 i Samoa ho an-dry Bilga,+ Jonatana ho an-dry Semaia,
19 i Matenay ho an-dry Joariba, i Ozy ho an-dry Jedaia,+
20 i Kalay ho an-dry Salay, i Ebera ho an-dry Amoka,
21 i Hasabia ho an-dry Hilkia, ary i Netanela ho an-dry Jedaia.+
22 Nosoratana ho isan’ny lohan’ireo fianakaviambe ny Levita sy ny mpisorona, tamin’ny andron’i Eliasiba+ sy Joiada+ sy Johanana ary Jadoa,+ ka hatramin’ny andro nanjakan’i Dariosy Persianina.
23 Koa mbola nosoratana tao amin’ny boky mirakitra ny tantara tamin’izany ny taranak’i Levy izay lohan’ireo fianakaviambe,+ hatramin’ny andron’i Johanana zanak’i Eliasiba.
24 I Hasabia sy Serebia+ ary Jesoa zanak’i Kadmiela+ no filohan’ny Levita, ary nifanandrify taminy ny rahalahin’izy ireo mba hihira fiderana sy fisaorana, araka ny didin’i+ Davida lehilahin’Andriamanitra, ka nifanandrify ireo antokona mpiambina.
25 I Matania+ sy Bakbokia sy Obadia sy Mesolama sy Talmona ary Akoba+ no mpiandry vavahady,+ izay niambina ny fitehirizana entana teo akaikin’ny vavahady.
26 Ireo no velona tamin’ny andron’i Joiakima+ zanak’i Jesoa,+ zanak’i Jozadaka,+ sy tamin’ny andron’i Nehemia+ Governora sy Ezra+ mpisorona sady mpanao dika soratra.+
27 Rehefa hotokanana+ ny mandan’i Jerosalema, dia nampanantsoina tany amin’izay rehetra nisy azy ny Levita, ary nasaina nankany Jerosalema mba hanao ny fitokanana sy hifaly, ka hisaotra+ sy hihira+ miaraka amin’ny kipantsona sy lokanga+ ary harpa.+
28 Ary nivory ny zanaky ny mpihira avy any amin’ny Faritr’i Jordana,+ dia avy eny amin’ny manodidina an’i Jerosalema, sy avy any amin’ireo tanàna kelin’ny Netofatita,+
29 sy avy any Beti-gilgala,+ ary avy any amin’ireo sahan’i Geba+ sy Azmaveta.+ Nanorina ny tanàna keliny+ teny amin’ny manodidina an’i Jerosalema mantsy ireo mpihira.
30 Ary nidio+ ny mpisorona sy ny Levita, ary nodioviny koa ny vahoaka+ sy ny vavahady+ ary ny manda.+
31 Dia nentiko niakatra teny ambony manda ny andrianan’ny+ Joda. Ary nanendry antoko mpihira+ roa mpanao hira fisaorana aho ary koa filaharam-be nanaraka azy ireo. Koa nandeha niankavanana teo ambony manda ny antokony iray, nankany amin’ny Vavahadin’ny Antontan-davenona.+
32 Nanaraka azy tao aoriana i Hosaia sy ny antsasaky ny andrianan’ny Joda
33 sy Azaria, Ezra, Mesolama,
34 Joda, Benjamina, Semaia, Jeremia,
35 sy ny sasany tamin’ny taranaky ny mpisorona izay nitondra trompetra,+ dia i Zakaria, zanak’i Jonatana, zanak’i Semaia, zanak’i Matania, zanak’i Mikaia, zanak’i Zakora,+ zanak’i Asafa,+
36 ary ireo rahalahiny, dia i Semaia, Azarela, Milalay, Gilalay, May, Netanela, Joda ary Hanany, izay samy nitondra ny zavamaneno+ nataon’i Davida, lehilahin’Andriamanitra. Ary teo alohan’izy ireo i Ezra+ mpanao dika soratra.
37 Teo amin’ny Vavahadin-doharano+ izy ireo dia nizotra nahitsy, ka nandalo teo amin’ny Tohatoha-baton’ny+ Tanànan’i Davida,+ satria nandeha teo ambonin’ilay manda teo amin’ny fiakarana, dia ilay manda teo ambonin’ny Tranon’i Davida. Ary tonga hatrany amin’ny Vavahadin-drano+ tany atsinanana izy ireo.
38 Nandeha koa ilay antoko mpihira+ iray mpanao hira fisaorana, ary tao aoriany izaho sy ny antsasaky ny vahoaka. Nandeha teo ambony manda izahay hatrany amin’ny Tilikambon’ny Lafaoro,+ dia nankeo amin’ny Manda Lehibe,+
39 ary nandalo teo ambonin’ny Vavahadin’i Efraima+ sy ny Vavahadin’ilay Tanàna Taloha,+ ka nizotra nankany amin’ny Vavahadin-trondro+ sy ny Tilikambon’i Hananela+ ary ny Tilikambon’i Mea,+ hatrany amin’ny Vavahadin’ondry,+ dia nijanona teo amin’ny Vavahadin’ny Mpiambina.
40 Farany dia nijanona teo amin’ny tranon’Andriamanitra+ ireo antoko mpihira+ roa mpanao hira fisaorana, mbamin’ny tenako sy ny antsasak’ireo solontenam-panjakana niaraka tamiko,+
41 sy ireo mpisorona, izany hoe i Eliakima, Mahaseia, Miniamina, Mikaia, Elioenay, Zakaria, ary Hanania, izay samy nitondra trompetra,+
42 sy Mahaseia, Semaia, Eleazara, Ozy, Johanana, Malkia, Elama, ary Ezera. Ary mbola re foana ireo mpihira niandraiketan’i Jizrahia.+
43 Nanao sorona maro be+ izy ireo tamin’izay andro izay sady nifaly,+ satria Andriamanitra mihitsy no nanao izay hahatsapany fifaliam-be.+ Nifaly koa ny zaza+ amam-behivavy,+ ka re hatrany lavitra ny fifaliana tao Jerosalema.+
44 Tamin’izay koa dia nisy lehilahy notendrena hiandraikitra an’ireo efitrano+ nitehirizana ny entana+ sy ny fanomezana+ sy ny voaloham-bokatra+ ary ny ampahafolon-karena.+ Nasaina nangonin’izy ireo tao ny anjaran’ny mpisorona sy ny Levita+ izay nalaina avy tamin’ireo sahan’ny tanàna, araka izay notakin’ny lalàna.+ Faly mantsy ny Joda noho ireo mpisorona sy Levita+ nanao fanompoana.
45 Nanomboka nanao ny adidy+ tamin’Andriamaniny, sy ny adidy nifandray tamin’ny fidiovana+ izy ireo. Nanao toy izany koa ireo mpihira+ sy mpiandry vavahady,+ araka ny didin’i Davida sy Solomona zanany.
46 Fahiny mantsy, tamin’ny andron’i Davida sy Asafa, dia nisy ny filohan’ireo mpihira,+ ary nisy koa ny hira fiderana sy fisaorana an’Andriamanitra.+
47 Tamin’ny andron’i Zerobabela+ sy Nehemia,+ dia nomen’ny Israely rehetra ny anjaran’ny mpihira+ sy mpiandry vavahady,+ araka izay nilaina isan’andro. Nohamasinin’izy ireo ho an’ny Levita izany,+ ary ny Levita kosa nanamasina izany ho an’ny taranak’i Arona.