Ohabolana 12:1-28
12 Tia fahalalana izay tia anatra,*+Fa tsy misaina kosa izay mankahala fananarana.+
2 Ankasitrahan’i Jehovah ny olona tsara toetra,Fa melohiny kosa izay mitetika ny hanao ratsy.+
3 Tsy hilamina ny fiainan’izay olona manao ratsy,+Fa ny olo-marina kosa hoatran’ny hazo tsy mety voaongotra mihitsy.
4 Satroboninahitry ny vadiny ny vehivavy tsara toetra,+Fa ny vehivavy manao zavatra manala baraka kosa toy ny lo mikiky ny taolan’ny vadiny.+
5 Ara-drariny ny hevitry ny olo-marina,Fa mamitaka kosa ny tari-dalana omen’ny ratsy fanahy.
6 Mitovy amin’ny fandrika mahafaty* ny tenin’ny ratsy fanahy,+Fa ny tenin’ny olo-marina kosa mamonjy azy.+
7 Tsy hisy intsony ny ratsy fanahy rehefa ringana,Fa ho eo foana kosa ny ankohonan’ny olo-marina.+
8 Hoderaina ny olona mitandrina tsara an’izay lazain’ny vavany,+Fa hatao tsinontsinona kosa ny olona fetsifetsy.+
9 Aleo tsotsotra nefa manana mpanompo iray,Toy izay miseho ho ambony nefa tsy manan-kohanina.*+
10 Mikarakara ny biby fiompiny ny olo-marina,+Fa tia mampijaly kosa ny ratsy fanahy, na dia mihevitra aza izy hoe mamindra fo.
11 Ho voky hanina izay miasa ny taniny,+Fa tsy ampy saina* izay mikatsaka zava-poana.
12 Ny ratsy fanahy mitsiriritra ny zavatra azon’ny olon-dratsy,Fa ny olo-marina kosa toy ny hazo mamaka tsara ka mamokatra.
13 Manota amin’izay lazainy ny olon-dratsy ka voafandriky ny teniny ihany,+Fa ny olo-marina kosa afaka amin’ny fijaliana.
14 Mandray soa be dia be avy amin’izay lazainy* ny olona,+Ary hahazo valisoa izy noho ny asan’ny tanany.
15 Amin’ny adala dia mety ny ataony,+Fa ny hendry kosa manaiky torohevitra.+
16 Ny adala no tonga dia* mampiseho hoe sosotra,+Fa ny olona malina kosa tsy miraharaha esoeso.*
17 Hilaza ny marina ny vavolombelona azo itokisana,Fa mamitaka kosa ny vavolombelona mandainga.
18 Manindrona hoatran’ny sabatra ny teny tsy voahevitra,Fa manasitrana kosa ny tenin’ny hendry.+
19 Haharitra mandrakizay ny molotra milaza ny marina,+Fa hiserana fotsiny ny lela zatra mandainga.+
20 Fitaka no ao am-pon’izay mitetika ny hanao ratsy,Fa falifaly kosa ny olona miezaka ny hampisy fihavanana.*+
21 Tsy mba haninona mihitsy ny olo-marina,+Fa ho tototry ny loza kosa ny ratsy fanahy.+
22 Maharikoriko an’i Jehovah ny molotra mandainga,+Fa mahafinaritra azy kosa ny olona tsy mivadika.
23 Tsy miresadresaka an’izay zavatra fantany ny olona malina,Fa mamoaka ny hadalana rehetra ao am-pony kosa ny tsisy saina.+
24 Hanam-pahefana ny olona mazoto,*+Fa hampanaovina asa an-terivozona kosa ny kamo.*+
25 Ny tebiteby ao am-pon’ny olona no mahakivy azy,*+Fa ny teny mampahery kosa no mahafalifaly azy.+
26 Ny olo-marina mitady an’izay kijana tsara indrindra,Fa ny ratsy fanahy kosa lasa diso lalana noho ny ataony ihany.
27 Tsy mety mandeha mihaza ny kamo,+Fa harena sarobidy ho an’ny olona kosa ny fahazotoana.
28 Mitarika mankany amin’ny fiainana ny lalan’ny fahamarinana,+Ary tsy mba misy fahafatesana ny lalana alehany.
Fanamarihana
^ Na: “fifehezana; famaizana.”
^ Abt: “Mamitsaka mba handatsa-dra.”
^ Abt: “tsy manana mofo.”
^ Abt: “tsy misy fo.”
^ Na: “avy amin’ny vavany.”
^ Na: “Ny adala no amin’iny andro iny ihany dia.”
^ Abt: “manarona esoeso.”
^ Abt: “ny mpanoro hevitra momba ny fihavanana.”
^ Abt: “ny tanan’ny mazoto.”
^ Abt: “ny tanana kamo.”
^ Na: “mampitanondrika ny fony.”
